វាយប្រហារតាមអាកាស និងប៉ះទង្គិចនៅភាគខាងលិចអ៊ីរ៉ាក់សម្លាប់ISIS៣១នាក់
អ៊ីរ៉ាក់៖ក្រុមសកម្មប្រយុទ្ធរដ្ឋអ៊ីស្លាម (ISIS) ៣១នាក់បានស្លាប់ដោយសារការវាយប្រហារតាមជើងអាកាស និងការប៉ះទង្គិចគ្នាជាមួយកងកម្លាំងសន្ដិសុខអ៊ីរ៉ាក់ក្នុងខេត្ដភាគខាងលិចប្រទេសកាលពីម្សិលមិញ។
តាមមន្ដ្រីសន្ដិសុខខេត្ដបាននិយាយថា នៅក្នុងហេតុការណ៍មួយមានក្រុមសកម្មប្រយុទ្ធរដ្ឋអ៊ីស្លាម១៨នាក់ត្រូវបានសម្លាប់ និងយានយន្ដរបស់ពួកគេ៥គ្រឿងត្រូវបានបំផ្លាញដោយការវាយប្រហារតាមជើងអាកាសរបស់ក្រុមចម្រុះអន្ដរជាតិដឹកនាំដោយអាមេរិកទម្លាក់គ្រាប់ទៅលើទីតាំងពីររបស់ក្រុមរដ្ឋអ៊ីស្លាម។ ប្រភពបន្តថា ក្រៅពីនេះនៅមានក្រុមសកម្មប្រយុទ្ធ១៣នាក់ផ្សេងទៀតត្រូវបានសម្លាប់ គ្រាដែលប៉ះទង្គិចជាមួយកងកម្លាំងសន្ដិសុខអ៊ីរ៉ាក់៕
