ប៉េកាំង៖រដ្ឋាភិបាលក្រុងប៉េកាំងបានប្រកាសថ្កោលទោសចំពោះអាមេរិកបន្ទាប់ការបញ្ជូននាវាចម្បាំងចូលមកក្នុងសមុទ្រចិនខាងត្បូងដែលមានចំងាយជាង១៩គីឡូម៉ែត្រពីដែនកោះដែលកំពុងមានជម្លោះ។
តាមអ្នកនាំពាក្យក្រសួងការបរទេសចិនលោក Lu Kang បាននិយាយក្នុងសន្និសីទកាសែត កាលពីម្សិលមិញថា ប្រទេសចិននៅតែអះអាងថា សមុទ្រចិនខាងត្បូងភាគច្រើនជាកម្មសិទ្ធិរបស់ខ្លួន។ លោកបញ្ជាក់ថា ពាណិជ្ជកម្មប្រមាណ៥ពាន់លានដុល្លារអាមេរិក បាននាំចេញជារៀងរាល់ឆ្នាំ ឆ្លងកាត់តាមសមុទ្រខាងត្បូងនេះ។លោកLu Kang បានសង្កត់ធ្ងន់ថា នាវាចម្បាំងរបស់សហរដ្ឋអាមេរិកដែលធ្វើនាវាចរនៅសមុទ្រចិនខាងត្បូង គឺផ្ទុយពីច្បាប់អន្តរជាតិទាំងស្រុង។
គួរបញ្ជាក់ថា នេះមិនមែនជាលើកទី១ទេ ដែលចិនប្រកាសថ្កោលទោស ចំពោះការធ្វើនាវាចររបស់អាមេរិកនៅក្នុងសមុទ្រចិនខាងត្បូង៕
