មនុស្សជិត១០នាក់ស្លាប់ និងរបួសក្នុងហេតុការណ៍វាយប្រហារដោយគ្រាប់បែកនៅតួកគី
អ៊ីស្តង់ប៊ុល៖មានករណីវាយប្រហារដោយគ្រាប់បែកនៅកណ្តាលទីក្រុងអ៊ីស្តង់ប៊ុល ប្រទេសតួកគីបណ្តាលឲ្យមនុស្សយ៉ាងហោចណាស់២នាក់បានស្លាប់ និង៥នាក់ផ្សេងទៀតបានរងរបួស។ នេះបើយោងតាមការចេញផ្សាយរបស់ Reuters នៅមុននេះបន្តិច។
ករណីវាយប្រហារនេះធ្វើឡើងលើរថយន្តប៉ូលិសនៅក្នុងតំបន់ Vezneciler ស្ថិតនៅកណ្ដាលទីក្រុងអ៊ីស្តង់ប៊ុល ជាទីកន្លែងដែលសម្បូរដោយសកលវិទ្យាល័យ និងតំបន់ទេសចរណ៍ កាលពីព្រឹកមិញ។
ទោះជាយ៉ាងណាករណីវាយប្រហារនេះ គេនៅមិនទាន់ដឹងច្បាស់ថា ជាទង្វើរបស់ក្រុមណានោះទេ ប៉ុន្តែអាជ្ញាធរអ៊ីស្តង់ប៊ុល បានសន្និដ្ឋានជាជំហានដំបូងថា អាចជាទង្វើរបស់ក្រុមសកម្មប្រយុទ្ធឃើដ៕
