អឺរ៉ុប៖បណ្តាប្រទេសមានឥទ្ធិពលខ្លាំងនៅតំបន់អឺរ៉ុបមានចក្រភពអង់គ្លេស, បារាំង, និង អាល្លឺម៉ង់ បាននិងកំពុងជំរុញឲ្យសហភាពអឺរ៉ុបចេញសេចក្តីថ្លែងការណ៍រួមមួយ ថ្កោលទោសប្រទេសរុស្ស៊ីពាក់ព័ន្ធស្ថានការណ៍នៅក្នុងប្រទេសស៊ីរី។ នេះបើតាមទីភ្នាក់ងារព័ត៌មានស៊ិនហួរចេញផ្សាយនាព្រឹកថ្ងៃចន្ទ ទី១៧ ខែតុលា ឆ្នាំ២០១៦នេះ។
ជាមួយគ្នានេះមហាអំណាចធំជាងគេនៅសហភាពអឺរ៉ុបទាំងបីនេះក៏បានជំរុញឲ្យមានការដាក់ទណ្ឌកម្មប្រឆាំងនឹងរបបដឹកនាំរដ្ឋាភិបាលស៊ីរីរបស់លោកប្រធានាធិបតី បាហ្សា អាល់ អាស្សាដ ផងដែរ។
គួរបញ្ជាក់ថា ប្រទេសលោកខាងលិចបានចោទថា កងទ័ពអាកាសរុស្ស៊ីដែលមានមូលដ្ឋាននៅក្នុងទឹកដីស៊ីរីបានទម្លាក់គ្រាប់បែកនៅក្នុងទីក្រុង អាឡេប៉ូ ដើម្បីសម្លាប់ក្រុមប្រឆាំងរដ្ឋាភិបាលលោក អាស្សាដ ដែលបានបង្កឲ្យមនុស្សស្លាប់ និងរបួសជាច្រើននាក់៕
