បុរសម្នាក់ត្រូវបានខ្មាន់កាំភ្លើងបាញ់សម្លាប់នៅក្បែរស្តុបចំការមន
រាជធានីភ្នំពេញ ៖ បុរសអ្នករត់ម៉ូតូកង់បីម្នាក់ត្រូវខ្មាន់កាំភ្លើងបាញ់សម្លាប់ នៅក្បែរស្តុបចំការមន (ជិតវត្តថាន់) តាមបណ្តោយផ្លូវព្រះនរោត្តម ក្នុងសង្កាត់ទន្លេបាសាក់ ខណ្ឌចំការមន រាជធានីភ្នំពេញ នៅយប់ថ្ងៃទី២៣ ខែមិថុនា ឆ្នាំ២០១៧។
តាមប្រភពព័ត៌មាននៅកន្លែងកើតហេតុបានឲ្យដឹងថា បុរសដែលរងការបាញ់សម្លាប់នេះ ជាអ្នករត់ម៉ូតូកង់៣ ឈ្មោះ លុច្ស សារីម អាយុ២៩ឆ្នាំ ស្រុកកំណើត នៅខេត្តព្រៃវែង។ ចំណែកខ្មាន់កាំភ្លើងជិះម៉ូតូម៉ាកអាយខន។ សាកសពរបស់ជនរងគ្រោះបានយកមករក្សាទុកនៅក្នុងសាលរក្សាសាកសព ក្នុងមន្ទីរពិសោធន៍លាងឈាម ក្បែរមន្ទីរពេទ្យកាល់ម៉ែត។ ចំណែកជនដៃដល់បានជិះគេចខ្លួនបាត់តែម្តង៕
