ក្រសួងទេសចរណ៍ប្រឡងជ្រើសរើសបេក្ខជនបណ្ដុះបណ្ដាលមគ្គុទ្ទេសក៍ជំនាន់ទី២០
ភ្នំពេញ ៖ ក្រសួងទេសចរណ៍ ប្រកាសជ្រើសរើសបេក្ខជនប្រឡងចូលរៀន វគ្គបណ្ដុះបណ្ដាលមគ្គុទ្ទេសក៏ ទេសចរណ៍ថ្នាក់តំបន់ ជំនាន់ទី២០ សម្រាប់តំបន់ភ្នំពេញ និងតំបន់ជុំវិញ ដែលប្រព្រឹត្ដ ទៅនៅ សាកលវិទ្យាល័យ អាស៊ី អឺរ៉ុប, ចុះឈ្មោះប្រឡង ចាប់ពីថ្ងៃជូនដំណឹងនេះ រហូតដល់ថ្ងៃទី១៥ ខែកុម្ភៈ ឆ្នាំ២០១៩ ខាងមុខនេះ ។
តាមសេចក្ដីប្រកាសរបស់ក្រសួងទេសចរណ៍ ចុះថ្ងៃទី៣ ខែធ្នូ ឆ្នាំ២០១៨ នេះ បានឲ្យដឹងថា កាល បរិច្ឆេទនៃការប្រឡងនឹងធ្វើឡើងនៅថ្ងៃទី១៩ ខែកុម្ភៈ ឆ្នាំ២០១៩ ដោយចែកចេញជា ២ វគ្គ ខុសគ្នា គឺវិញ្ញាសារសរសេរនឹងប្រព្រឹត្ដទៅនៅថ្ងៃទី១៩ ខែកុម្ភៈ និងប្រកាសលទ្ធផលនៅថ្ងៃទី២០ ខែកុម្ភៈ, សម្រាប់វិញ្ញាសារប្រឡងផ្ទាល់មាត់ នឹងប្រព្រឹត្ដទៅនៅថ្ងៃទី២៧ ខែកុម្ភៈ ឆ្នាំ២០១៩ ៕
