​ឥណ្ឌូនេស៊ី៖​យន្តហោះ​ដឹក​សម្ភារ​យោធា​មួយគ្រឿង​ដែល​ផលិត​នៅ​សហរដ្ឋអា មេរិក​បាន​ធ្លាក់​នៅលើ​កោះ​ស៊ូ​ម៉ា​ត្រា​ក្នុង​តំបន់​មួយ​ដែលមាន​សណ្ឋាគារ និង​ផ្ទះ​ប្រជាពលរដ្ឋ​រស់នៅ​ប្រមាណ​២​លាន​នាក់​ភាគ​ខាងជើង​ទីក្រុង​ស៊ូ​ម៉ា​ត្រា ។ នេះ​បើ​យោងតាម​បណ្ដាញ​ផ្សាយ​ព័ត៌មាន CNN ។​

​អ្នកនាំពាក្យ​យោធា​ឥណ្ឌូនេស៊ី លោក Fuad Basya និយាយថា យន្ដហោះ​យោធា Hercules C-130 ផលិត​នៅ​សហរដ្ឋអាមេរិក​បាន​ដឹក​មនុស្ស​១២​នាក់ រាប់បញ្ចូល​ទាំង​អ្នកបើកបរ​យន្ដហោះ​ផង​នោះ បាន​ធ្លាក់​ក្រោយពេល​ហោះ​ចេញពី​ព្រលាន​បាន​ប្រហែល​ពីរ​នាទី ។
​
អ្នកនាំពាក្យ​រូបនេះ​បន្ដថា យន្ដហោះ​យោធា​នោះ​ធ្វើដំណើរ​ពី​អាកាស​យាន្ដ​ដ្ឋា​ន​មី​ទែន​ទៅ​កោះដាច់​ស្រា​យា​ល មួយ​ឈ្មោះ Natuna ហើយ​យន្ដហោះ​នោះបាន​ធ្លា​ក់នៅ​ពីរ​បី​នាទី​ក្រោយពេល​ហោះ​ឡើង ដែលមាន​ចម្ងាយ​៥​គីឡូម៉ែត្រ​ពី​ព្រលានយន្ដហោះ ។ លោក​បន្ដថា អ្នកបើក​យន្ដហោះ​សុំ​ត្រឡប់ក្រោយ​វិញ បន្ទាប់ពី​ហោះ​បាន​ពីរ​នាទី​ចេញពី​ព្រលាន​ដោយសារ​តែមាន​បញ្ហា​ខុស បច្ចេកទេស ។​
​
មន្ត្រី​កាកបាតក្រហម​ឥណ្ឌូនេស៊ី​មួយរូប Zulkifli ឲ្យ​ដឹងថា សាកសព​៣៨​ត្រូវបាន​រកឃើញ​គេ​រកឃើញ​នៅ​តំបន់​ដែល​យន្តហោះ​នោះ​ធ្លាក់ ។​

​ចំណែក​បណ្តាញសារព័ត៌មាន​Channel News Asia បាន​ចុះផ្សាយ​ដោយ​ដកស្រង់​សម្ដី​របស់​អ្នក​ទទួលភ្ញៀវ​នៅ​សណ្ឋាគារ Golden Eleven Hotel ថា យន្ដហោះ​នេះ​បាន​ហោះ​ឆ្វែល​យ៉ាង​ទាប​ពីលើ​ក្បាល​ពីរ​បី​ដង ព្រមទាំង​មាន​ភ្លើង​ឆេះ និង​ចេញ​ផ្សែង​ពណ៌​ខ្មៅ​ផងដែរ ។ នៅ​លើក​ទី​បី​យន្ដហោះ​នោះបាន​ធ្លាក់​នៅលើ​ដំបូល​សណ្ឋាគារ និង​បង្ក​ឲ្យ​ផ្ទុះ​តែម្ដង ។​

​មន្ដ្រី​ទំនាក់ទំនង​សាធារណៈ​នៅ​មន្ទីរពេទ្យ Adam Malik លោក Sairi M Saragih និយាយថា សាកសព​ចំនួន​១១ ត្រូវបាន​បញ្ជូន​ទៅដល់​មន្ទីរពេទ្យ ។​

​យោងតាម​បណ្ដាញ​សុវត្ថិភាព​អាកាសចរ​ឥណ្ឌូនេស៊ី បាន​បញ្ជាក់ថា ក្នុង​រយៈពេល​មួយ​ទស្សវត្ស​ចុងក្រោយ​នេះ មានការ​ធ្លាក់​យន្ដហោះ​ចំនួន​១០​លើក​ហើយ រាប់បញ្ចូល​ទាំង​យន្ដហោះ​យោធារ​ដែល​ធ្លាក់​នៅថ្ងៃនេះ ។ កាលពី​ថ្ងៃទី​២៨ ខែធ្នូ ឆ្នាំ​២០១៤ យន្ដ AirAsia មួយគ្រឿង​បាន​ធ្លាក់​ក្រោយពេល​ហោះ​បាន​ពាក់កណ្ដាល​ផ្លូវ​ពី​តំបន់ Surabaya ក្នុងប្រទេស​ឥណ្ឌូនេស៊ី ទៅ​ប្រទេស​សិង្ហ​បុរី បណ្ដាល​ឲ្យ​អ្នកជិះ​ទាំងអស់ ១៦២ បាន​ស្លាប់៕

​