បរទេស ៖ គិតត្រឹមម៉ោង ៨ព្រឹកថ្ងៃសៅរ៍ ទី០៩ ខែឧសភា ឆ្នាំ២០២០នេះ ចំនួនអ្នកឆ្លងជំងឺ COVID-19 នៅទូទាំងពិភពលោក បានកើនឡើងដល់ ៤,០១០,៧៧២ករណីហើយ។ ក្នុងនោះអ្នកស្លាប់មានចំនួន ២៧៥,៩៧២នាក់ និងជាសះស្បើយឡើងវិញ ១,៣៨២,៣៧២នាក់។ នេះបើយោងតាមទិន្នន័យពីគេហទំព័រអន្តរជាតិ Worldometer។

គេហទំព័រដដែលបន្តបង្ហាញថា សហរដ្ឋអាមេរិក នៅតែជាប្រទេសមានចំនួនអ្នកឆ្លង និងស្លាប់ដោយសារជំងឺ COVID-19 ច្រើនជាងគេ។ សហរដ្ឋអាមេរិក មានអ្នកឆ្លងជំងឺ COVID-19 ចំនួន ១,៣២១,៧៨៥នាក់ ស្លាប់ចំនួន ៧៨,៦១១នាក់ និងជាសះស្បើយចំនួន ២២៣,៦០៣នាក់៕