បរទេស ៖ គិតត្រឹមម៉ោង ៧ព្រឹកថ្ងៃចន្ទ ទី១៨ ខែឧសភា ឆ្នាំ២០២០នេះ ចំនួនអ្នកឆ្លងជំងឺ COVID-19 នៅទូទាំងពិភពលោក បានកើនឡើងដល់ ៤,៧៩៨,៩៥២ករណីហើយ ដោយក្នុងនោះអ្នកស្លាប់មានចំនួន ៣១៦,៥១៤នាក់ និងជាសះស្បើយឡើងវិញ ១,៨៥៥,១៣២នាក់។ នេះបើយោងតាមទិន្នន័យពីគេហទំព័រអន្តរជាតិ Worldometer។

គេហទំព័រដដែល បានបង្ហាញថា សហរដ្ឋអាមេរិក នៅតែជាប្រទេសមានចំនួនអ្នកឆ្លង និងស្លាប់ដោយសារជំងឺ COVID-19 ច្រើនជាងគេ។ សហរដ្ឋអាមេរិក មានអ្នកឆ្លងជំងឺ COVID-19 ចំនួន ១,៥២៧,៣៥២នាក់ ស្លាប់ចំនួន ៩០,៩៧៣នាក់ និងជាសះស្បើយចំនួន ៣៤៤,៩៥២នាក់៕