អាមេរិក ៖ សហរដ្ឋអាមេរិកបានបំបែកតំណត់ត្រា ប្រចាំថ្ងៃរបស់ខ្លួនសម្រាប់ករណីឆ្លងថ្មីនៃជំងឺ COVID-19 មានជាង ៧៧.០០០ ករណី និងចំនួនអ្នកឆស្លាប់បានកើនឡើងជិត ១.០០០ នាក់ក្នុងរយៈពេល ២៤ ម៉ោង។ នេះបើយោងតាមចេញផ្សាយរបស់សារព័ត៌មាន Reuters។
ជាងពាក់កណ្ដាលនៃរដ្ឋទាំង ៥០ មានរដ្ឋចំនួន ៣០ បានរាយការណ៍អំពីករណីឆ្លងកើនឡើង ក្នុងរយៈពេលតែមួយថ្ងៃនៅក្នុងខែនេះ។ ការឆ្លងកំពុងហក់ឡើងនៅស្ទើរតែគ្រប់រដ្ឋទាំងអស់ ដោយផ្អែកលើការវិភាគរបស់សារព័ត៌មាន Reuters អំពីករណីឆ្លងកាលពីរយៈពេលពីរសប្ដាហ៍កន្លងមកនេះ បើប្រៀបធៀបទៅនឹងរយៈពេលពីរសប្ដាហ៍ដំបូង។
រដ្ឋហ្វ្លរីដាបានរាយការណ៍អំពីការកើនឡើង ចំនួនករណីឆ្លងថ្មីនៃជំងឺ COVID-19 ជាង ១៥.០០០នាក់ក្នុងរយៈពេល ២៤ម៉ោងកាលពីថ្ងៃអាទិត្យ ខណៈដែលរដ្ឋបាលលោក Trump បានបន្តជំរុញឲ្យសាលារៀនបើកឡើងវិញ៕
