បរទេស ៖ យោងតាមទិន្នន័យពីគេហទំព័រអន្តរជាតិ Worldometer បានបង្ហាញថា គិតត្រឹមម៉ោង ៧ព្រឹកថ្ងៃសៅរ៍ ទី២៥ ខែកក្កដា ឆ្នាំ២០២០នេះ ចំនួនអ្នកឆ្លងជំងឺ COVID-19 នៅទូទាំងពិភពលោក បានកើនឡើងដល់ ១៥,៩២៩,៦៧០នាក់ហើយ។ ក្នុងនោះអ្នកស្លាប់មានចំនួន ៦៤១,៨២៩នាក់ និងជាសះស្បើយឡើងវិញ ៩,៧១៤,៤៥៤នាក់។

គេហទំព័រដដែលបានបង្ហាញថា ការរីករាលដាលនៃជំងឺកូវីដ១៩ នៅតែមានសភាពស្រួចស្រាវចំនួនអ្នកឆ្លង និងស្លាប់ថ្មីនៅតែមានចំនួនច្រើន។ ក្នុងនោះសហរដ្ឋអាមេរិក នៅតែជាប្រទេសមានចំនួនអ្នកឆ្លង និងស្លាប់ដោយសារជំងឺ COVID-19 ច្រើនជាងគេ ដែលមានអ្នកឆ្លងជំងឺ COVID-19 ចំនួន ៤,២៤៧,៤០៧នាក់ ស្លាប់ចំនួន ១៤៨,៤៥០នាក់ និងជាសះស្បើយចំនួន ២,០២៧,២៧៦នាក់។

ដោយឡែកប្រទេសដែលឈរនៅចំណាត់ថ្នាក់ទី២ នៃតារាងស្ថិតិនៃអ្នកឆ្លងជំងឺកូវីដ១៩ គឺប្រទេសប្រេស៊ីល មានអ្នកឆ្លង ២,៣៤៨,២០០នាក់ ស្លាប់ចំនួន ៨៥,៣៨៥នាក់ និងជាសះស្បើយ ១,៥៩២,២៨១នាក់ និងប្រទេសឈរនៅចំណាត់ថ្នាក់ទី៣ គឺប្រទេសឥណ្ឌា មានអ្នកឆ្លង ១,៣៣៧,០២២នាក់ ស្លាប់ ៣១,៤០៦នាក់ និងជាសះស្បើយ ៨៥០,១០៧នាក់៕