កាប៊ុល៖បើតាមការចេញផ្សាយពីទីភ្នាក់ងារព័ត៌មានចិនស៊ិនហួនៅថ្ងៃសុក្រ ទី០៤ ខែធ្នូ ឆ្នាំ២០១៥ នេះបានឲ្យដឹងថា មេដឹកនាំកំពូល របស់ក្រុម តាលីបង់ ក្នុងប្រទេស អាហ្វហ្គានីស្ថាន គឺលោក មូឡាហ៍ អាកតា ម៉ាន់សួរ បានទទួលមរណភាព បន្ទាប់ពី ទទួលរងរបួសយ៉ាងធ្ងន់ធ្ងរ កាលពីព្រហស្បតិ៍ដោយសារមានជម្លោះផ្ទៃក្នុង។
មន្ត្រីរដ្ឋាភិបាលអាហ្វហ្គានីស្ថាន បានបញ្ជាក់ថា មេដឹកនាំកំពូលរបស់ តាលីបង់ ខាងលើនេះ បានទទួលរងរបួសជាទម្ងន់ នៅក្នុងការបាញ់បោះដាក់គ្នាយ៉ាងព្រៃផ្សៃ ជាមួយនឹងមេបញ្ជាការជាច្រើនរូបក្នុងជួរថ្នាក់ដឹកនាំរបស់ខ្លួនទៅលើរឿងបែងចែកកម្លាំងទៅតាមតំបន់ផ្សេងៗ នៅក្នុងប្រទេសអាស៊ីខាងត្បូងមួយនេះ។
គួរបញ្ជាក់ថា មេដឹកនាំកំពូល របស់ក្រុម តាលីបង់ទទួលមរណភាពដោយសារបញ្ហាកិច្ចចរចា សន្តិភាព ដែល គ្រោងធ្វើឡើងនោះក៏ទំនងជាបញ្ហាមួយដែលនាំឲ្យជួរថ្នាក់ដឹកនាំកំពូលរបស់តាលីបង់ឈ្លោះប្រកែកដល់ថ្នាក់បាញ់បោះដាក់គ្នានោះផងដែរ៕
