អ៊ុយក្រែន បើកការវាយប្រហារដោយដ្រូន ចូលជ្រៅ ១ ០០០ គីឡូម៉ែត្រក្នុងដីរុស្ស៊ី សម្លាប់មនុស្ស ១២នាក់។ ជាការវាយ ប្រហារដ៏គួរឲ្យភ្ញាក់ផ្អើលមួយទៀត ចូលជ្រៅក្នុងទឹកដីប្រទេសរុស្ស៊ី, អ៊ុយក្រែន បានបង្ហោះដ្រូន ចូលទៅចម្ងាយរហូតដល់ ១ ០០០គីឡូម៉ែត្រ ក្នុងដីរុស្ស៊ី វាយប្រហារតំបន់ Tatarstan នៃទីក្រុង Nizhnekamsk សម្លាប់មនុស្ស ១២នាក់ ខណៈ ៣៩នាក់ទៀតរងរបួស។ការវាយប្រហារចូលជ្រៅក្នុងដីរុស្ស៊ី ម្តងហើយម្តងទៀតនេះ គឺកើតឡើងបន្ទាបពីអ៊ុយក្រែន ខិតខំអភិវឌ្ឍនិងបង្កើនសមត្ថភាព លើវិស័យដ្រូនឥតឈប់ឈរ និងថែមទាំងប្រកាសថា ត្រៀមផលិតដ្រូនឆ្លងទ្វីប អាចហោះគ្របដណ្តប់លើទឹកដីរុស្ស៊ីទាំងមូល ថែមទៀតផង។