ក្រុមគ្រូពេទ្យស្ម័គ្រចិត្ត ចុះមូលដ្ឋានស្រុកភ្នំក្រវាញ ដឹកនាំដោយលោក យឹម វិសិដ្ឋ ប្រធានអាជ្ញាធរអគ្គិសនីកម្ពុជា និងជាប្រធានក្រុមការងាររាជរដ្ឋាភិបាល ចុះមូលដ្ឋានស្រុកភ្នំក្រវាញ និងលោកស្រី ប៉ែន ភក្តី យឹម វិសិដ្ឋ នៅថ្ងៃទី០១ ខែមីនា ឆ្នាំ២០២៥នេះ បានបន្តបេសកកម្មចុះពិនិត្យ និងព្យា បាលជំងឺបឋម ដោយឥតគិតថ្លៃ ជូនប្រជាពលរដ្ឋ មកពី៤ភូមិ រួមមាន៖ ភូមិចាន់សេរី ភូមិស្រែជង ភូមិក្របៅជ្រុំ និងភូមិកំពង់ខ្ទុម ក្នុងឃុំបាក់ចិញ្ចៀន បានចំនួន១៨៥នាក់។

សូមចុច Link ដើម្បីទស្សនាព័ត៌មានពិស្ដារ៖ https://youtu.be/Iq1nLJ8rxmM

កូនផ្សោតទើបកើតថ្មីមួយក្បាល ត្រូវបានក្រុមការងារស្រាវជ្រាវនៃរដ្ឋបាល ជលផលនិងអង្គការ WWF-កម្ពុជា បានប្រទះឃើញនៅក្នុងអន្លង់ផ្សោតកាំពី ជ្រោយបន្ទាយ ក្នុងខេត្តក្រចេះ ខណៈកូនផ្សោតកើតថ្មីមួយក្បាលនេះ កំពុងហែលលេងទឹកជាមួយផ្សោតពេញវ័យ ជាច្រើនក្បាលទៀត។

កូនផ្សោតនេះត្រូវបានប្រទះឃើញដោយក្រុមការងារស្រាវជ្រាវនៃរដ្ឋបាល ជលផលនិងអង្គការ WWF-កម្ពុជា កាលពីចុង ខែកុម្ភៈ ឆ្នាំ២០២៥ នៅចន្លោះអន្លង់កាំពី-ជ្រោយបន្ទាយ ភូមិសំបុក ឃុំសំបុក ស្រុកចិត្របុរី ខេត្តក្រចេះ។
កូនផ្សោតនេះ មានអាយុប្រមាណ២ថ្ងៃ និងជាកូនផ្សោតទី៤ហើយ ដែលបានកើតនៅដើមឆ្នាំ២០២៥នេះ។

កូនផ្សោតនេះស្ថិតនៅក្នុងក្រុមសត្វផ្សោតពេញវ័យចំនួន៧ក្បាល ផ្សេងទៀត ដែលកំពុងហែលលេងទឹក ជាមួយគ្នា។

សូមចុច Link ដើម្បីទស្សនាព័ត៌មានពិស្ដារ៖ https://youtu.be/rj2Ry0eteoM

មន្ទីរកសិកម្ម រុក្ខាប្រមាញ់ និងនេសាទខេត្តព្រះវិហារ បានបើកកិច្ចប្រជុំតម្រង់ទិសពង្រឹងសមត្ថភាព និងលើកកម្ពស់ប្រសិទ្ធភាពការងាររបស់មន្ដ្រី បច្ចេកទេសកសិកម្មឃុំ ពិសេសមន្ដ្រីកសិកម្មដែលទើបតែត្រូវបានតែងតាំងថ្មី ឱ្យចុះមកបំពេញ ការងារនៅតាមបណ្ដាឃុំនានា ក្នុងភូមិសាស្ដ្រខេត្ត ក្រោមអធិបតីភាព រដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ ឯកឧត្តម យ៉ង់ សាំងកុមារ និងអភិបាលរងខេត្ត ព្រះវិហារ លោក មិន ស៊ីថា ។

សូមចុច Link ដើម្បីទស្សនាព័ត៌មានពិស្ដារ៖ https://youtu.be/fq4kUwHSETg

បន្ទាប់ពីបានទៅចូលរួមកិច្ចប្រជុំចង្អៀត រដ្ឋមន្ត្រីការពារជាតិអាស៊ាន ឆ្នាំ២០២៥ អស់រយៈពេល ៣ថ្ងៃ នៅទីក្រុងប៉េណាំង ប្រទេសម៉ាឡេស៊ី រួចមក, នាយឧត្តមសេនីយ៍ ទៀ សីហា  ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ បានដឹកនាំគណៈប្រតិភូជាន់ខ្ពស់ ក្រសួងការពារជាតិ ធ្វើមាតុភូមិនិវត្តន៍ មកដល់ព្រះរាជាណាចក្រកម្ពុជាវិញ នាល្ងាចថ្ងៃទី២៧ ខែកុម្ភៈ ឆ្នាំ២០២៥ម្សិលមិញនេះប្រកបដោយសុវត្ថិភាព។

សូមចុច Link ដើម្បីទស្សនាព័ត៌មានពិស្ដារ៖ https://youtu.be/KicFtGUvVWU

ក្រោយទទួលបានព័ត៌មានពីប្រជាពលរដ្ឋមូលដ្ឋាន ព្រមទាំងមានការណែនាំពីថ្នាក់ដឹកនាំ នៅថ្ងៃទី២៦-២៧ ខែកុម្ភៈ ឆ្នាំ២០២៥ ក្រុមការងារ អធិការកិច្ច នៃក្រសួងបរិស្ថាន បានសហការជាមួយមន្ត្រីនៃមន្ទីរបរិស្ថានខេត្តព្រះសីហនុ និងអាជ្ញាធរក្នុងឃុំកែវផុស ស្រុកព្រៃនប់ ខេត្តព្រះសីហនុ បានចុះត្រួតពិនិត្យករណីបូមបង្ហូរសំណល់រាវចូលសមុទ្របង្កឡើងដោយក្រុមហ៊ុនកែច្នៃស្បែក CS TAN CO. LTD ដែលមានទីតាំងនៅភូមិឫទ្ធី១ ឃុំកែវផុស ស្រុកស្ទឹងហាវ ខេត្តព្រះសីហនុ។

សូមចុច Link ដើម្បីទស្សនាព័ត៌មានពិស្ដារ៖​ https://youtu.be/JaJjYbLA3aw

នាព្រឹកថ្ងៃទី២៨ ខែកុម្ភៈ ឆ្នាំ២០២៥, សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា បានអនុញ្ញាតឱ្យ ឯកឧត្តមបណ្ឌិត Yun Seongdae នាយកប្រតិបត្តិសាជីវកម្មធនធានទឹកកូរ៉េ (K-water) នៃក្រសួងបរិស្ថានរបស់សាធារណរដ្ឋកូរ៉េ និងជាប្រធានក្រុមប្រឹក្សាទឹកអាស៊ី (AWC) និងគណៈប្រតិភូ ចូលជួបសម្ដែងការគួរសម និងពិភាក្សាការងារ នៅវិមានសន្ដិភាព។

សូមចុច Link ដើម្បីទស្សនាព័ត៌មានពិស្ដារ៖ https://youtu.be/cBVHnu_XVv0

ក្រុមអ្នកអភិរក្ស កាលពីពេលថ្មីៗនេះបានប្រទះឃើញ ហ្វូងសត្វទន្សោងមួយហ្វូង កំពុងនាំគ្នាដើររកចំណី យ៉ាងសុខសាន្តនៅដែនជម្រកសត្វព្រៃភ្នំត្នោត ក្នុងភូមិសាស្ត្រខេត្តព្រះវិហារ។ ហ្វូងសត្វទន្សោង ដែលថតបានដោយកាម៉េរ៉ា មានចំនួនជាង ១០ ក្បាល មានទាំងញី ឈ្មោល និងកូនតូចៗ ទៀតផង។

សូមចុច Link ដើម្បីទស្សនាព័ត៌មានពិស្ដារ៖ https://youtu.be/CgSAaHq0LZY

អភិបាលរងខេត្តព្រះវិហារ លោក សុខសាន ដារ៉ា, ប្រធានមន្ទីរបរិស្ថានខេត្ត លោកមឿន សុផេន  អនុប្រធានដែនជម្រកសត្វព្រៃភ្នំត្នោត-ភ្នំពកលោកមាសញឹម មន្ត្រីស្នាក់ការថ្មគ្រោង និងស្នាក់ការព្រះខ័ន្ធ រួមទាំងមន្ត្រីរដ្ឋបាលស្រុកគូលែន និងកងកម្លាំងសហការទាំងបី និងប្រជាពលរដ្ឋជាង១០០នាក់បានចូលរួមក្នុងកម្មវិធីផ្សព្វផ្សាយដល់ពលរដ្ឋកុំឱ្យកាប់រុករានដីព្រៃរបស់រដ្ឋនិងបញ្ឈប់ការបរបាញ់សត្វព្រៃ។កម្មវិធីនេះប្រព្រឹត្តិទៅ នៅភូមិប្រឱប ឃុំស្រយង់ ស្រុកគូលេន ខេត្ត ព្រះវិហារ ។

សូមចុច Link ដើម្បីទស្សនាព័ត៌មានពិស្ដារ៖ https://youtu.be/zQcr2JXM5Vw

លោកជំទាវ ពុំ ចន្ទីនី អគ្គលេខាធិការកាកបាទក្រហមកម្ពុជាតំណាង ដ៏ខ្ពង់ខ្ពស់របស់សម្តេចកិត្តិព្រឹទ្ធបណ្ឌិតប៊ុនរ៉ានីហ៊ុនសែនប្រធានកាកបាទក្រហមកម្ពុជា,បាននាំយកអំណោយមនុស្សធម៌ផ្តល់ជូនដល់បងប្អូនចំនួន២០ខ្នងផ្ទះ ។

សូមចុច Link ដើម្បីទស្សនាព័ត៌មានពិស្ដារ៖ https://youtu.be/ur8qnurw5zY

ឯកឧត្តម ប៉ែន បូណា អ្នកនាំពាក្យរាជរដ្ឋាភិបាលកម្ពុជា បានលើកឡើងថា គិតចាប់ពីថ្ងៃទទួលពាក្យស្នើសុំដី នៅក្នុងកម្មវិធី“ផ្តល់ដី ការពារព្រៃ ដើម្បីរួមគ្នាអភិវឌ្ឍដោយចីរភាព” មកទល់ពេលនេះ គឺមានប្រជាពលរដ្ឋជាង៦,៧០០នាក់ហើយ ដែលបានដាក់ពាក្យស្នើសុំទទួលយកដី ដែលមកពី ២៣រាជធានី-ខេត្ត ទូទាំងប្រទេស។

សូមចុច Link ដើម្បីទស្សនាព័ត៌មានពិស្ដារ៖  https://youtu.be/URxdOU9vd4Q

យ៉ាងហោចណាស់ មានកិច្ចការងារសំខាន់ៗចំនួន៥ ត្រូវបានឯកឧត្តមអភិសន្តិបណ្ឌិត ស សុខា ឧបនាយករដ្ឋមន្រ្តី រដ្ឋមន្ដ្រីក្រសួងមហាផ្ទៃ និងជាប្រធានគណៈកម្មាធិការជាតិសុវត្ថិភាពចរាចរណ៍ផ្លូវគោកសង្កត់ធ្ងន់ក្នុងកិច្ចប្រជុំបូកសរុបលទ្ធផលការងារអនុវត្តច្បាប់ស្ដីពីចរាចរណ៍ផ្លូវគោកឆ្នាំ២០២៤ លើកទិសដៅការងារឆ្នាំ២០២៥ នៅទីស្ដីការក្រសួងមហាផ្ទៃ នាព្រឹកថ្ងៃទី២៦ ខែកុម្ភៈ ឆ្នាំ២០២៥។

សូមចុច Link ដើម្បីទស្សនាព័ត៌មានពិស្ដារ៖ https://youtu.be/AWUI57klpkY

សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា បានថ្លែងក្នុងពិធីបើកកិច្ចប្រជុំកំពូលឥស្លាម ក្រោមប្រធានបទ “ឥស្លាម និងពុទ្ធសាសនា” នាព្រឹកថ្ងៃព្រហស្បត្តិ៍ ទី២៧ ខែកុម្ភៈ ឆ្នាំ២០២៥ ថា “ឥស្លាម និង ពុទ្ធសាសនា” ដែលជាជម្រើសប្រធានបទដ៏ស័ក្តិសមបំផុតសម្រាប់ការរៀបចំកម្មវិធី នៅក្នុងប្រទេសកម្ពុជា ដែលតែងតែលើកស្ទួយកិច្ចសន្ទនាអន្តរសាសនា និង សន្តិសហវិជ្ជមានរវាងជំនឿសាសនា, សមាជិករបស់អង្គការសម្ព័ន្ធពិភពឥស្លាម, បណ្តារដ្ឋសមាជិកទាំង ៥៧ នៃអង្គការសហប្រតិបត្តិការឥស្លាម(OIC) និង ប្រទេសនានា លើសាកលលោក សុទ្ធតែបានទទួលស្គាល់ថា កម្ពុជា គឺជាប្រទេសគំរូមួយ ក្នុងការបញ្ចប់សង្គ្រាមរ៉ាំរ៉ៃទាំងស្រុង និង ទទួលបានសុខសន្តិភាពពេញលេញ និងបានលើកកម្ពស់សិទ្ធិសេរីភាពជំនឿសាសនារបស់ប្រជាពលរដ្ឋទូទៅ, បូករួមទាំងបងប្អូនសាសនិកឥស្លាម។

សូមចុច Link ដើម្បីទស្សនាព័ត៌មានពិស្ដារ៖ https://youtu.be/K3bf269c9K8

សម្ដេចមហាបវរធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា បានធានាអះអាងថែរក្សាភាពសុខសាន្ត និងសុខដុមរមនាសាសនារបស់សង្គមជាតិយើងទាំងមូល នៅក្នុងនាមជាថ្នាក់ដឹកនាំបន្ត។ ថ្លែងនៅក្នុងឱកាសដែលសម្ដេច អញ្ជើញជាអធិបតីបើកកិច្ចប្រជុំកំពូលឥស្លាម ក្រោមប្រធានបទ៖ «ឥស្លាមនិងពុទ្ធសាសនា» នៅសណ្ឋាគារសុខាភ្នំពេញ នាព្រឹកថ្ងៃទី២៧ ខែកុម្ភៈ ឆ្នាំ២០២៥ សម្ដេចធិបតី នាយករដ្ឋមន្រ្តីនៃកម្ពុជា បានមានប្រសាសន៍ថា ជាតិ សាសនា ព្រះមហាក្សត្រ គឺជាបាវចនារបស់ជាតិកម្ពុជា ហើយរដ្ឋធម្មនុញ្ញ បានកំណត់យកសាសនាព្រះពុទ្ធ ជាសាសនារបស់រដ្ឋ។

សូមចុច Link ដើម្បីទស្សនាព័ត៌មានពិស្ដារ៖ https://youtu.be/Bjg5E0rnrAc

ឯកឧត្ដម អ៊ុ រាត្រី អភិបាលខេត្តបន្ទាយមានជ័យ មានប្រសាសន៍ ថា ក្នុងនាមគណៈកម្មាធិការសាខាកាកបាទក្រហមកម្ពុជាខេត្តបន្ទាយមានជ័យ ក្នុងនាមប្រជាពលរដ្ឋដែលរងគ្រោះទាំងអស់ ឯកឧត្ដម ថ្លែងនូវការដឹងគុណយ៉ាងជ្រាលជ្រៅជាទីបំផុតចំពោះរាជរដ្ឋាភិបាល ដែលមានសម្តេចមហាបវរធិបតី ហ៊ុន ម៉ាណែត ជាប្រមុខ អង្គការជាតិ-អន្តរជាតិនានា សប្បុរសជនទាំងក្នុង និងក្រៅខេត្ត អាជ្ញាធរគ្រប់លំដាប់ថ្នាក់ ដែលបាននិងកំពុងជួយឧបត្ថម្ភគាំទ្រ ទាំងកម្លាំងកាយ កម្លាំងចិត្ត និងសំភារៈ ធ្វើឱ្យសាខាមានដំណើរការល្អទាំងក្នុងបច្ចុប្បន្ន និងទៅអនាគត។

សូមចុច Link ដើម្បីទស្សនាព័ត៌មានពិស្ដារ៖ https://youtu.be/EtNlKwlZiSQ