រូបសំណាកលោកយាយម៉ៅដាក់ក្នុងអាស្រមជាប់និងផ្លូវនៅជើងភ្នំសែនហានច្រកសៀមស្ថិតក្នុងឃុំដំបូកខ្ពស់ ស្រុកអង្គរជ័យ ខេត្តកំពតត្រូវបានជនមិនស្គាល់មុខលួចយកទៅបាត់សល់តែអាស្រមនៅជើងភ្នំតែប៉ុណ្ណោះ។
ប្រជាពលរដ្ឋទោះជានៅទីជិតឬឆ្ងាយដែលធ្លាប់មានជំនឿជឿជាក់លើលោកយាយម៉ៅថាមានបារមីខ្លាំងពូកែស័ក្តិសិទ្ធិ។តែងទៅធ្វើការបួងសួងនិងបែបន់លោកយាយម៉ៅដើម្បីសុំសេចក្ដីសុខ និងរកស៊ីមានបាន។
ប្រជាពលរដ្ឋនៅភូមិដំណាក់ចំបក់ ឃុំសំរោងលើ ស្រុកបន្ទាយមាសដេលមានជំនឿយ៉ាងមុតមាំលើបារមីលោកយាយម៉ៅបាននិយាយកាលពីព្រឹកថ្ងៃទី១១ ខែតុលាឆ្នាំ២០២៤នេះថា ពួកគាត់សោកសៅណាស់បន្ទាប់ពីគេលួចរូបសំណាកលោកយាយម៉ៅទៅបាត់នោះ។ព្រោះប្រជាពលរដ្ឋធ្វើដំណើរឆ្លងកាត់ក៏ចូលទៅអុចធូបបែបន់លោកយាយម៉ៅសុំក្ដីសុខ ហើយក៏បានទទួលដូចការបន់ស្រន់ជាដរាបរៀងមក។ ជំនឿលើបារមីលោកយាយម៉ៅ របស់អ្នកភូមិដំណាក់ចំបក់ ក៏ដូចជាអ្នកដែលនៅទីជិតឆ្ងាយៗទាំងឡាយបានកើតមានតាំងពីយូរយាណាស់មកហើយ។
គួរបញ្ជាក់ថា ពីមុនរូបសំណាកលោកយាយម៉ៅស្ថិតនៅក្នុងខ្ទមតូច។តែដល់ក្រោយមកក្រុមអ្នកមានជំនឿបាននាំគ្នាកសាងអាស្រមឲ្យធំដើម្បីងាយស្រួលដល់ការចូលទៅធ្វការបន់ស្រន់។ស្រាប់តែកាលពីយប់ថ្ងៃទី០៦ ខែតុលាឆ្នាំ២០២៤ កន្លងទៅរូបសំណាកលោកយាយម៉ៅត្រូវបានជនមិនស្គាល់មុខលួចយកទៅបាត់។ ប្រជាពលរដ្ឋនៅភូមិដំណាក់ចំបក់បានផ្ដោតការសង្ស័យថា អ្នកយករូបសំណាកលោកយាយម៉ៅចេញនេះ ទំនងជាចង់កាន់កាប់ដីជើងភ្នំសែនហានច្រកសៀមនេះ។
យ៉ាងណាក៏ដោយ អាជ្ញាធរមូលដ្ឋានឃុំសំរោងលើ នៅមិនទាន់មានប្រតិកម្មជុំវិញការបាត់រូបសំណាកយាយម៉ៅនេះនៅឡើយ ។មានតែប្រជាពលរដ្ឋនៅក្នុងឃុំសំរោងលើប៉ុណ្ណោះដែលកំពុងច្រួលច្របល់ចំពោះការបាត់រូបសំណាកលោកយាយម៉ៅនេះ៕
https://youtu.be/EIOuNyUoWUE
តាមការបញ្ជាក់ពី ប្រធានមន្ទីរអប់រំយុវជននិងកីឡាខេត្តកំពង់ឆ្នាំង លោក សឹម ប្រឹម បានឲ្យដឹងថាខេត្តកំពង់ឆ្នាំង មានមណ្ឌលប្រឡងចំនួន ៨ ចែកចេញជា ១៨៦ បន្ទប់ មានបេក្ខជនប្រឡងចំនួន៤ពាន់៦១៨ នាក់ ស្រី២ពាន់៦៤ នាក់។
នៅឯខេត្តក្រចេះ អភិបាលខេត្តក្រចេះឯកឧត្តម វ៉ា ថន រួមទាំងថ្នាក់ដឹកនាំក្រ សួងអប់រំ យុវជននិងកីឡា គណ:មេប្រយោគទូទាំងខេត្តបានអញ្ជើញបើកវិញ្ញា សារដំបូងនៃដំណើរការប្រឡង នៅវិទ្យាល័យ ព្រះមហាក្សត្រិយានីកុសុមៈក្រុងក្រចេះ។
រីឯខេត្តបន្ទាយមានជ័យវិញឆ្នាំ២០២៤នេះ ការប្រឡងសញ្ញាបត្រមធ្យមសិក្សាទុតិយភូមិនៅ ក្នុងខេត្តនេះ មានបេក្ខជនចូលរួមប្រឡង៦ពាន់២៣៥នាក់ ស្រី៣ពាន់៥៦៩នាក់ មានមណ្ឌលប្រឡងចំនួន៨មណ្ឌល ចែកចេញជា២៥០បន្ទប់ ។ ក្នុងនោះថ្នាក់វិទ្យាសាស្រ្ត មាន៣មណ្ឌល និងថ្នាក់វិទ្យាសាស្រ្តសង្គម មាន៥មណ្ឌល ។
ចំណែកខេត្តព្រះវិហារ ឯកឧត្តម គីម រិទ្ធី អភិបាលខេត្ត បានចូលរួមកាត់វិញ្ញាសាជូនបេក្ខជននៅវិទ្យាល័យចំណេះទូទៅ និងបច្ចេកទេស ជា ស៊ីម ត្បែងមានជ័យ ។ រីឯលោកស្រី ប៉ាង រ៉ាវី អភិបាលរងខេត្ត បានចូលរួមកាត់វិញ្ញាសានៅសាលាគរុកោសល្យ និងវិក្រឹត្យការខេត្ត។
នៅខេត្តព្រៃវែង អភិបាលខេត្ត ឯកឧត្តម សួន សុម៉ាលីន និងលោកជំទាវ ទន់ សាអ៊ុម អនុរដ្ឋលេខាធិការក្រសួងអបរំយុវជន និងកីឡា និងជាប្រធានគណៈមេប្រយោគប្រចាំខេត្តព្រៃវែង បានដឹកនាំក្រុមការងារអាជ្ញាធរពាក់ព័ន្ធ មន្ទីរអង្គភាព អញ្ជើញពិនិត្យ និងកាត់វិញ្ញាសារប្រឡងសញ្ញាបត្រមធ្យមសិក្សាទុតិយភូមិ ឆ្នាំ២០២៤ នៅមណ្ឌលសាលាបឋមសិក្សាសម្តេចតេជោ ហ៊ុន សែន ព្រៃវែងក្រុង។
ក្នុងខេត្តព្រៃវែង មានបេក្ខជនបានដាក់ពាក្យប្រឡងចំនួន៨ពាន់៤៧៣នាក់ ស្រី៤ពាន់៦៦៨នាក់ចែកចេញជា១៥ មណ្ឌល ស្មើនិង៣៤០បន្ទប់។ចែកជាពីរផ្នែកគឺផ្នែកវិទ្យាសាស្ត្រ និងផ្នែកវិទ្យាសាស្រ្តសង្គម។ផ្នែកវិទ្យាសាស្រ្តមាន៣មណ្ឌលស្មើនិង៨៤បន្ទប់មានបេក្ខជនប្រឡង២ពាន់៨៨នាក់ និងផ្នែកវិទ្យាសាស្រ្តសង្គម១២មណ្ឌលស្មើនិង២៥៦បន្ទប់ មានបេក្ខជនប្រឡង៦ពាន់៣៨៥នាក់ ៕
