(ខេត្តកំពង់ឆ្នាំង)៖ អនុវត្តតាមបទបញ្ជារបស់ មេបញ្ជាការ តំបន់ប្រតិបត្តិការសឹករងកំពង់ឆ្នាំង នៅថ្ងៃទី០៥ ខែតុលា ឆ្នាំ២០២៦ កម្លាំងសហការសរុបចំនួន ១៨នាក់ ដឹកនាំដោយ លោកវរសេនីយ៍ទោ ម៉ៅ វ៉េ មេបញ្ជាការរង តំបន់ប្រតិបត្តិការសឹករងកំពង់ឆ្នាំង ដោយមានការចូលរួមពី កងពលតូចលេខ៧០ និងកម្លាំងខេត្តកំពង់ធំ បានចុះប្រតិបត្តិការល្បាត និងបង្ក្រាបបទល្មើសនេសាទតាមផ្លូវទឹក ក្នុងភូមិសាស្ត្រឃុំជលសា និងឃុំកោះថ្កូវ (ស្រុកជលគីរី ស្រុកកំពង់ត្រឡាច ខេត្តកំពង់ឆ្នាំង) ព្រមទាំងបន្តរហូតដល់ស្រុកបាធាយ ខេត្តកំពង់ចាម។
សូមទស្សនាព័ត៌មានពិស្ដារ៖
យោងតាមក្រសួងយុត្តិធម៌បារាំង, ចាប់តាំងពីការតវ៉ារបស់សិស្សនិងនិស្សិតបានផ្ទុះឡើងកាលពីខែមុនមក មនុស្សចំនួន ៥ពាន់៦០នាក់ត្រូវបានចាប់ឃាត់ខ្លួន ដែលក្នុងនោះ ៨៧% គឺជាអនីតិជន ។ នេះបើតាមការចុះផ្សាយរបស់សារព័ត៌មានបារាំង។
ជប៉ុន៖ កាលពីដើមសប្ដាហ៍នេះ នាយករដ្ឋមន្ត្រីជប៉ុន លោកស្រី សាណាអិ តាកាអ៊ីឈិ (Sanae Takaichi) បានប្រកាសនៅចំពោះមុខសភាថា រដ្ឋាភិបាលទីក្រុងតូក្យូ បានដាក់លិខិតតវ៉ាយ៉ាងម៉ឺងម៉ាត់ទៅកាន់សហរដ្ឋអាម៉េរិក និងបានសម្តែងការសោកស្តាយយ៉ាងខ្លាំង ចំពោះករណីទាហានជើងទឹកអាម៉េរិកឈ្មោះ ឌេវីន ចាខុប បាឡាត (Devin Jacob Ballard) អាយុ ២០ ឆ្នាំ ត្រូវសមត្ថកិច្ចចាប់ខ្លួនពីបទសង្ស័យថាបានប្លន់ និងច្របាច់កសម្លាប់ស្ត្រីរងគ្រោះឈ្មោះ អាណា យ៉ាហ្គិ (Anna Yagi) អាយុ ៣៩ ឆ្នាំ នៅទីក្រុងណាហា (Naha) ខេត្តអូគីណាវ៉ា (Okinawa) ។
តួកគី និងប៉ាគីស្ថាន ដែលជាប្រទេសសមាជិកនៃកិច្ចព្រមព្រៀងទីក្រុងមេកា (Mecca Agreement) ឬគេស្គាល់ថា ណាតូឥស្លាម បានសម្រេចចិត្តចាប់ផ្តើមអនុវត្តជាបន្ទាន់ នូវការប្តេជ្ញាចិត្តការពាររួម និង បញ្ជូនកងកម្លាំងយោធាទៅការពារ
អារ៉ាប៊ីសាអូឌីត ដែលជាសមាជិកសម្ព័ន្ធភាពយោធានេះដូចគ្នា។ នេះបើតាមការចេញផ្សាយរបស់ទីភ្នាក់ងារសារព័ត៌មាន Tass នៅថ្ងៃអង្គារនេះ។ គណៈកម្មាធិការបានសម្រេចចិត្តចាប់ផ្តើមអនុវត្តជាក់ស្តែងជាបន្ទាន់ នូវការប្តេជ្ញាចិត្តការពាររួម ព្រមទាំងចាត់វិធានការចាំបាច់នានាដើម្បីផ្តល់កងកម្លាំងប្រដាប់អាវុធ និងសមត្ថភាពយោធាដែលបានព្រមព្រៀងគ្នា ហើយបញ្ជូនកងកម្លាំងទាំងនោះទៅកាន់អារ៉ាប៊ីសាអូឌីតឱ្យបានឆាប់តាមដែលអាចធ្វើទៅបាន ។
បច្ចុប្បន្នភាពស្តីពី «ការវិវត្តនៃស្ថានភាពព្រំដែនកម្ពុជា-ថៃ និងព័ត៌មានផ្សេងទៀតពីរាជរដ្ឋាភិបាល»។ ថ្ងៃអង្គារ ១០រោច ខែភទ្របទ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី៦ ខែតុលា ឆ្នាំ២០២៦ នៅទីស្តីការគណៈរដ្ឋមន្ត្រី។
សូមទស្សនាសេចក្ដីថ្លែងការណ៍ខាងក្រោម៖
ប្រធានាធិបតីអាមេរិក ដូណាល់ ត្រាំ បានថ្លែងទទួលស្គាល់ហើយថា អ៊ីរ៉ង់ ស្ទើរតែបោះបង់ចោល នូវអ្វីដែលលោកហៅថា «ផែនការដើម្បីអភិវឌ្ឍអាវុធនុយក្លេអ៊ែរ» ខណៈដែលវាគឺជាគោលបំណងមួយ ក្នុងចំណោមហេតុផលធ្វើសង្គ្រាម ប្រឆាំងនឹងទីក្រុងតេអេរ៉ង់ ដែលឥឡូវនេះ អូសបន្លាយចូលដល់ខែទី៨។
សូមទស្សនាព័ត៌មានពិស្ដារ៖
(ភ្នំពេញ)៖ នៅព្រឹកថ្ងៃចន្ទ ទី៥ ខែតុលា ឆ្នាំ២០២៦ នេះ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា និងជាអនុប្រធានទី១ សមាគមអតីតយុទ្ធជន និងនិវត្តជនកម្ពុជា បានអញ្ជើញជាអធិបតីភាពបើកមហាសន្និបាតសហព័ន្ធអតីតយុទ្ធជនបណ្តាប្រទេសអាស៊ាន (VECONAC) លើកទី២៥ នៅវិមានសន្តិភាព ដោយមានការចូលរួមពីគណៈប្រតិភូសមាជិក VECONAC មន្ត្រីជាន់ខ្ពស់រាជរដ្ឋាភិបាល និងគណៈអភិបាលខេត្តនានា។
សូមទស្សនាព័ត៌មានពិស្ដារ៖
(សាធារណរដ្ឋកូរ៉េ)៖ កាលពីថ្ងៃទី៤ ខែតុលា ឆ្នាំ២០២៦ ពលករ ពលការិនី និងសហគមន៍ខ្មែរប្រមាណជាង ២,៥០០ នាក់ ដែលកំពុងរស់នៅ និងធ្វើការនៅសាធារណរដ្ឋកូរ៉េ បានជួបជុំគ្នាយ៉ាងកក់ក្តៅក្នុងកម្មវិធីបុណ្យភ្ជុំបិណ្ឌ ដោយមានការចូលរួមពី ឯកឧត្តម សេង សក្តា រដ្ឋលេខាធិការ តំណាងដ៏ខ្ពង់ខ្ពស់ ឯកឧត្តម ហេង សួរ រដ្ឋមន្ត្រីក្រសួងការងារ និងបណ្តុះបណ្តាលវិជ្ជាជីវៈ ឯកឧត្តម ឃួន ផុនរតនៈ ឯកអគ្គរាជទូតកម្ពុជាប្រចាំសាធារណរដ្ឋកូរ៉េ ព្រមទាំង ឯកឧត្តម ផាក គូនថែក សមាជិកសភាជាតិកូរ៉េ និងអាជ្ញាធរដែនដីពាក់ព័ន្ធ។
សូមទស្សនាព័ត៌មានពិស្ដារ៖
(កំពង់ចាម)៖ បន្ទាប់ពីបានបញ្ចប់បេសកកម្មនៅខេត្តព្រះវិហារ កាលពីថ្ងៃទី៣ ខែតុលា ឆ្នាំ២០២៦ ឯកឧត្តម អ៊ុន ចាន់ដា អភិបាលខេត្តកំពង់ចាម រួមជាមួយសហការី និងសប្បុរសជន បានបន្តនាំយកអំណោយសប្បុរសធម៌ និងថវិកា ចុះសួរសុខទុក្ខ និងលើកទឹកចិត្តដល់កងទ័ពជួរមុខនៃកងពលតូចថ្មើរជើងលេខ ២១ ដែលកំពុងឈរជើងការពារព្រំដែន ស្ថិតក្នុងស្រុកអន្លង់វែង ខេត្តឧត្តរមានជ័យ ក្នុងឱកាសពិធីបុណ្យភ្ជុំបិណ្ឌ។
សូមទស្សនាព័ត៌មានពិស្ដារ៖
(បន្ទាយមានជ័យ)៖ នៅព្រឹកថ្ងៃចន្ទ ទី៥ ខែតុលា ឆ្នាំ២០២៦ នេះ លោក ខុន សុខុម ប្រធានមន្ទីរអធិការកិច្ចខេត្តបន្ទាយមានជ័យ តំណាង ឯកឧត្ដម លីវ សុភក្ត្រា រដ្ឋលេខាធិការក្រសួងអធិការកិច្ច និងជាសមាជិកក្រុមការងាររាជរដ្ឋាភិបាលចុះមូលដ្ឋានខេត្តបន្ទាយមានជ័យ បាននាំយកអំណោយអង្ករចំនួន ៣តោន ទៅប្រគល់ជូនរដ្ឋបាលក្រុងប៉ោយប៉ែត ដើម្បីចាត់ចែងចែកជូនប្រជាពលរដ្ឋដែលកំពុងរងផលប៉ះពាល់ដោយសារគ្រោះទឹកជំនន់។
សូមទស្សនាព័ត៌មានពិស្ដារ៖
(ហ្វីលីពីន)៖ នៅព្រឹកថ្ងៃទី៥ ខែតុលា ឆ្នាំ២០២៦ នេះ សម្តេចមហារដ្ឋសភាធិការធិបតី ឃួន សុដារី ប្រធានរដ្ឋសភានៃព្រះរាជាណាចក្រកម្ពុជា បានអញ្ជើញដឹកនាំកិច្ចប្រជុំជាមួយសមាសភាពគណៈប្រតិភូជាន់ខ្ពស់សភាកម្ពុជា ដើម្បីរៀបចំ និងត្រៀមលក្ខណៈសម្បត្តិឱ្យបានគ្រប់ជ្រុងជ្រោយ ក្នុងការចូលរួមមហាសន្និបាតអន្តរសភាអាស៊ាន (AIPA) លើកទី៤៧ ដែលនឹងប្រព្រឹត្តទៅចាប់ពីថ្ងៃទី១៦ ដល់ថ្ងៃទី២២ ខែវិច្ឆិកា ឆ្នាំ២០២៦ ខាងមុខនេះ នៅប្រទេសហ្វ៊ីលីពីន។
សូមទស្សនាព័ត៌មានពិស្ដារ៖
ប្រទេសអ៊ុយក្រែន និងអាល្លឺម៉ង់ បានចុះហត្ថលេខាលើកិច្ចព្រមព្រៀងតម្លៃ១ពាន់៥ រយលានដុល្លារអាមេរិក ដើម្បីជួយប្រយុទ្ធប្រឆាំងនឹងកំណើននៃការវាយប្រហារដោយដ្រូនរបស់រុស្ស៊ី ទន្ទឹមពេលដែលការវាយប្រហារថ្មីៗ និងសំឡេងប្រកាសអាសន្នបានបន្លឺឡើង ទទួលស្វាគមន៍អធិការបតីអាល្លឺម៉ង់ លោក Friedrich Merz ដែលបានទៅទស្សនកិច្ច ដើម្បីបង្ហាញការគាំទ្រដល់អ៊ុយក្រែន កាលពីថ្ងៃអាទិត្យទី៤ ខែតុលា ។
កាលពីថ្ងៃសៅរ៍កន្លងទៅ កូរ៉េខាងជើងបានបាញ់សាកល្បងមីស៊ីលយុទ្ធសាស្ត្រចម្ងាយមធ្យម ដែលមានសមត្ថភាពផ្លាស់ប្តូរគន្លងហោះហើរក្នុងរយៈកម្ពស់ទាប និងប្រើប្រាស់បច្ចេកវិទ្យា AI ក្នុងអំឡុងពេលនៃការធ្វើសមយុទ្ធបាញ់សាកល្បងនៅឆ្នេរសមុទ្រភាគខាងកើតរបស់ខ្លួន។ នេះបើតាមសេចក្តីរាយការណ៍របស់ទីភ្នាក់ងារសារព័ត៌មានរដ្ឋកូរ៉េខាងជើង KCNA។ អ្នកស្រី គីម យ៉ូជុង ប្អូនស្រីរបស់មេដឹកនាំកូរ៉េខាងជើង បានថ្លែងថា បងប្រុសរបស់អ្នកស្រីបានចុះត្រួតពិនិត្យការធ្វើសមយុទ្ធបាញ់សាកល្បងនេះដោយផ្ទាល់ ។
តបតាមការអញ្ជើញរបស់ឯកឧត្តមកិត្តិសង្គហបណ្ឌិត គន់ គីម ទេសរដ្ឋមន្ត្រីទទួលបន្ទុកបេសកកម្មពិសេស អនុប្រធាន និងជាអគ្គលេខាធិការសមាគមអតីតយុទ្ធជនកម្ពុជា (Cambodian Veterans Association – CVA) និងជាប្រធានប្តូរវេនសហព័ន្ធសមាគមអតីតយុទ្ធជនបណ្តាប្រទេសអាស៊ាន (Veterans Confederation of ASEAN Countries – VECONAC) នៅព្រឹកថ្ងៃអាទិត្យ ៨រោច ខែភទ្របទ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី ៤ ខែតុលា ឆ្នាំ២០២៦ នៅរាជធានីភ្នំពេញ ឯកឧត្តមបណ្ឌិត កៅ គឹមហួន អគ្គលេខាធិការអាស៊ានបានជួបពិភាក្សាការងារជាមួយប្រធាន អគ្គលេខាធិការ និងអគ្គហិរញ្ញិក និងប្រធានគណៈប្រតិភូនៃ VECONAC មុនពេលចាប់ផ្តើមកិច្ចប្រជុំក្រុមប្រឹក្សាប្រតិបត្តិលើកទី ៣៨ របស់ VECONAC។
សូមទស្សនាព័ត៌មានពិស្ដារ៖
បច្ចុប្បន្នភាពស្តីពី «ការវិវត្តនៃស្ថានភាពព្រំដែនកម្ពុជា-ថៃ និងព័ត៌មានផ្សេងទៀតពីរាជរដ្ឋាភិបាល»។ ថ្ងៃចន្ទ ៩រោច ខែភទ្របទ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី៥ ខែតុលា ឆ្នាំ២០២៦ នៅទីស្តីការគណៈរដ្ឋមន្ត្រី។
