(ភ្នំពេញ)៖ នៅព្រឹកថ្ងៃទី១៧ ខែមេសា ឆ្នាំ២០២៤នេះ សម្តេចតេជោ ហ៊ុន សែន ប្រធានព្រឹទ្ធសភា និងជាប្រធានគណបក្សប្រជាជនកម្ពុជា បានផ្ញើសារសម្លេងជូនលោក មុំ អស្សនី ដែលជេរប្រមាថសម្តេច បន្ទាប់ពីលោកទទួលស្គាល់កំហុសនិងសូមទោស។សម្តេចតេជោ ហ៊ុន សែន បានប្រកាសស្វាគមន៍លោក មុំ អស្សនី និងក្រុមគ្រួសារមកលេងស្រុកកំណើត។
សូមចុចទីនេះដើម្បីទស្សនាព័ត៌មានពិស្ដារ ៖https://youtu.be/cHlMAHpfrf0
(ញូស៊ីលែន)៖លោក មុំ អស្សនី ដែលធ្លាប់បានជេរប្រមាថសម្តេចតេជោ ហ៊ុន សែន កាលពីពេលកន្លងទៅបានបង្ហោះជាវីដេអូសូមទោសទៅកាន់សម្តេច និងទទួលស្គាល់កំហុសរបស់លោក។
សូមចុចទីនេះដើម្បីទស្សនាព័ត៌មានពិស្ដារ ៖https://youtu.be/VIAHWqyrWEk
(ភ្នំពេញ)៖ ខ្មែរនៅអូស្ត្រាលីពីរនាក់ប្តីប្រពន្ធ ដែលធ្លាប់ជេរប្រមាថសម្តេចតេជោ ហ៊ុន សែន និងរាជរដ្ឋាភិបាល មិនប្រណីមាត់នោះ បានភ្ញាក់រលឹកនឹកស្តាយកំហុសរបស់ខ្លួន ហើយសូមទោស សម្តេចតេជោ ហ៊ុន សែន ប្រធានព្រឹទ្ធសភា ចំពោះកំហុសឆ្គងរបស់ខ្លួននាពេលកន្លងមក។
ខ្មែរនៅអូស្ត្រាលីពីរនាក់ប្តីប្រពន្ធ គឺលោក ស៊ុត សារ៉េត និងលោកស្រី ម៉ៅ សាវឿន ជាអ្នកដែលធ្លាប់ជេរប្រមាថសម្តេចតេជោ ហ៊ុន សែន និងរាជរដ្ឋាភិបាល ដោយមិនសំចៃមាត់នោះឡើយ។
នៅថ្ងៃនេះខ្មែរនៅអូស្ត្រាលីពីរនាក់ប្តីប្រពន្ធនេះ បានចេញវីដេអូសូមទោសសម្តេចតេជោ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន និងសម្តេចធិបតី ហ៊ុន ម៉ាណែត នាយករដ្ឋមន្ត្រីកម្ពុជាផងដែរ។
ជាមួយនឹងការសូមទោសខ្មែរនៅអូស្ត្រាលីទាំងពីររូបនេះ បានសម្តែងការសោកស្តាយជាខ្លាំងចំពោះកំហុសឆ្គងនាពេលកន្លងមក។
ក្រោយទទួលបានវីដេអូសូមទោសនេះ សម្តេចតេជោ ហ៊ុន សែន មេដឹកនាំដែលមានក្តីសណ្តោសប្រណី និងមិនដែលយកខ្មែររូបណាជាសត្រូវនោះ បានប្រកាសស្វាគមន៍ដោយរីករាយចំពោះការភ្ញាក់រលឹករបស់ខ្មែរនៅអូស្ត្រាលីពីរនាក់ប្តីប្រពន្ធនេះ។
សម្តេចតេជោ ហ៊ុន សែន បានអញ្ជើញខ្មែរពីរនាក់ប្តីប្រពន្ធនេះមកលេងខ្មែរ ហើយធ្វើដំណើរទៅតាមព្រំដែនទាំងព្រំដែនជាមួយថៃ វៀតណាម និងឡាវ ដើម្បីយល់ពីសភាពពិតនៅតាមព្រំដែនខ្មែរជាមួយប្រទេសដទៃ។(សូមចុចបើក Link ទស្សនានិងស្ដាប់សម្លេងពិស្ដារ)៖https://youtu.be/ipZyVJ44V0k
នៅថ្ងៃចន្ទ ទី១៥ ខែមេសា ឆ្នាំ២០២៤ ដែលត្រូវថ្ងៃទី៣នៃពិធីបុណ្យចូលឆ្នាំថ្មីប្រពៃណីជាតិខ្មែរនេះ សម្តេចអគ្គមហាសេនាបតីតេជោ ហ៊ុន សែន អតីតនាយករដ្ឋមន្រ្តីនៃព្រះរាជាណាចក្រកម្ពុជា បានថ្លែងនូវសារពិសេសមួយប្រកាសស្វាគមន៍ខ្មែរនៅអូស្ត្រាលី ដែលធ្លាប់ជេរសម្តេច និងបញ្ជាក់ពីគុណប្រយោជន៍មហាសាលព្រែកជីកហ្វូណន-តេជោ។
សូមចុចទីនេះដើម្បីទស្សនាព័ត៌មានពិស្ដារ៖https://youtu.be/6wIQVcmAbmc
(ខេត្តមណ្ឌលគិរី)៖ជនជាតិដើមភាគតិចខេត្តមណ្ឌលគិរី ដែលភាគច្រើនជាបងប្អូនជនជាតិដើមព្នង បានរួបរួមគ្នារៀបចំសង្ក្រាន្តតាមបែបប្រពៃណីរបស់ពួកគាត់ ដើម្បីអបអរឆ្នាំថ្មីជាមួយខ្មែរកណ្ដាលយ៉ាងសប្បាយរីករាយ ។
(ខេត្តបាត់ដំបង)៖នៅក្នុងខេត្តបាត់ដំបង មានវត្តអារាមជាច្រើនដែលបានកសាងឡើងតាំងពីរាប់រយឆ្នាំមកហើយ។វត្តអារាមទាំងនោះបានក្លាយទៅជាទីតាំងទេសចរណ៍បែបពុទ្ធសាសនាដ៏ពេញនិយមសម្រាប់អ្នកទេសចរណ៍ជាតិ និងអន្តរជាតិគ្រប់រូបដែលបានមកទស្សនាខេត្តបាត់ដំបង ។
ក្នុងចំណោមអារាមទាំងនោះវត្តបាឡាត់ក៏ជាវត្តដ៏មានវ័យចំណាស់មួយក្នុងខេត្ត បាត់ដំបងផងដែរ។លោកអ្នកចង់ដឹងទេពីប្រវត្តិដើមដែលនាំឲ្យវត្តមួយនេះមានឈ្មោះថា វត្តបាឡាត់ នោះ។
វត្តបាឡាត់ មានទីតាំងស្ថិតនៅមាត់ច្រាំងដងស្ទឹងសង្កែត្រើយខាងកើត និងមានចម្ងាយប្រមាណ៣គីឡូម៉ែត្រពីទីក្រុងបាត់ដំបង។ តាមឯកសារសៀវភៅប្រវត្តិខេត្តបាត់ដំបងសម័យលោកម្ចាស់របស់លោក តូច ឈួង បានសរសេរថាអ្នកផ្តើមកសាងវត្តបាឡាត់ គឺជាមន្រ្តីក្រមការនៅក្រុងបាត់ដំបងមួយរូប ឈ្មោះលោកបាឡាត់ រស់។លោកកសាងវត្តនេះឡើងដើម្បីលាបំណន់ ក្នុងគ្រាដែលពួកអាណ្ណាមចាប់ខ្លួនលោក និងក្រុមគ្រួសារ យកទៅឃុំទុកនៅក្រុងវ៉េ អស់រយៈពេល ១០ឆ្នាំនោះ។ នៅក្រុងវ៉េ លោកបាឡាត់រស់ បានបន់ស្រន់ព្រះរតនត្រៃសូមជួយលោកនិងក្រុមគ្រួសារឲ្យបានត្រលប់មកស្រុកខ្មែរវិញ។ លោកបាឡាត់បានបន់ស្រន់ថា នឹងកសាងវត្តមួយដើម្បីតបស្នងសងគុណព្រះរតនត្រៃ។
ក្រោយពេលដែលមានសេរីភាព និងបានវិលត្រឡប់ទៅដល់ទឹកដីកំណើតវិញ, លោកបាឡាត់ រស់ ក៏បានកសាងអារាមបាឡាត់នេះឡើង។ហើយអ្នកស្រុកក៏ហៅវត្តនេះថា វត្តបាឡាត់ៗ ជាប់រហូតមក។ ឯកាលបរិច្ឆេទនៃការកកើតទីអារាមនេះ ក្នុងឯកសាររបស់លោក តូច ឈួង មិនបានបញ្ជាក់ច្បាស់លាស់ទេ។ ប៉ុន្តែ បើយោងតាមឯកសារប្រវត្តិសាស្ត្រ ព្រឹត្តិការណ៍ពួកអាណ្ណាមចាប់លោកបាឡាត់ រស់ ទៅឃុំទុកនៅក្រុងវ៉េ កើតឡើងក្នុងរវាងទសវត្សរ៍ឆ្នាំមួយពាន់ប្រាំបីរយប្លាយ ។តែបើតាមឯកសារដែលបានចារទុកនៅក្នុងវត្តបាឡាត់នោះបង្ហាញថា វត្តបាឡាត់ត្រូវបានកសាងឡើងឆ្នាំ ១៨៤៥ ដោយលោកបាឡាត់ឈ្មោះ រស់ ។
អ្នកយកព័ត៌មាន មេគង្គប៉ុស្ដ បានទៅដល់អារាមនេះផ្ទាល់ ឃើញព្រះវិហារវត្ត បាឡាត់ សង់នៅលើខឿនថ្ម និងមានរាងរៅស្រដៀងគ្នានឹងព្រះវិហារចាស់នៅវត្តកែវដែរ។ នៅពាក់កណ្តាលជញ្ជាំងព្រះវិហារប៉ែកខាងលិច មានព្រះពុទ្ធបដិមាមួយអង្គដ៏ស្អាតសោភាតំកល់នៅលើទីខ្ពស់មួយ។ នៅជាប់នឹងខឿនព្រះវិហារប៉ែកខាងលិច គឺជាសាលាបុណ្យ ដែលបានសង់ថ្មីជំនួសសាលាបុណ្យចាស់ដែលសង់ទាប និងចាស់ណាស់ទៅហើយនោះ។
ព្រះគ្រូចៅអធិការវត្តបាឡាត់ជំនាន់ទី១២ ព្រះនាម សៀន សាន បានមានថេរដិកា ប្រាប់អ្នកយកព័ត៌មានមេគង្គប៉ុស្ដិ៍ថា បច្ចុប្បន្ន ព្រះវិហារវត្តបាឡាត់កំពុងទទួលការជួសជុលកែលម្អឡើងវិញនូវចំណុចខ្លះដែលរងការខូខាតដោយ សារអាយុកាលដ៏យូរលង់របស់ព្រះវិហារនេះ។ ព្រះអង្គមានថេរដិកាបញ្ជាក់ថា នៅហោជាងខាងលិចមានបញ្ជាក់ប្រាប់ពី គ.ស១៩៣៤ នោះគឺជាពេលវេលានៃការ
កសាងព្រះវិហារទី២។គឺព្រះវិហារសព្វថ្ងៃដែលបានកសាងជំនាន់លោកគ្រូចៅ អធិការទី៦ ព្រះនាម ហ៊ីង ។តាមពិតវត្តបាឡាត់ចាប់ពីកសាង១៨៤៥ ដែលមកទល់នឹងសព្វថ្ងៃនេះគឺមានអាយុកាល១៧៩ឆ្នាំមកហើយ។
សូមបញ្ជាក់ថា មកទល់បច្ចុប្បន្ន វត្តបាឡាត់មានចៅអធិការចំនួន១២ អង្គបានបន្តវេនគ្រប់គ្រងអារាមមួយនេះ៕សូមចុចបើកLink ដើម្បីទស្សនាព័ត៌មានពិស្ដារ( https://youtu.be/tLWVtd7KIgw)
(ខេត្តកំពង់ចាម)៖សម្ដេចមហាបវរធិបតីហ៊ុន ម៉ាណែត នាយករដ្ឋមន្ត្រី បានផ្ដល់អំពូលសូឡាចំនួន១ពាន់ដើមដែលមានតម្លៃស្មើនឹង៦ម៉ឺនដុល្លារ តាមរយៈក្រុមការងារគណបក្សប្រជាជនកម្ពុជា សម្រាប់បំពាក់តាមដងផ្លូវនានាទាំង១៥ភូមិ នៅក្នុងឃុំកោះសូទិនស្រុកកោះសូទិន ។
សូមចុចទីនេះដើម្បីទស្សនាព័ត៌មានពិស្ដារ៖https://youtu.be/YbG8VgCkGJ4
(រាជធានីភ្នំពេញ)៖ឯកឧត្ដមឃួង ស្រេង អភិបាល នៃគណៈអភិបាលរាជធានីភ្នំពេញ,អភិបាលរងរួមជាមួយមន្ត្រីជាច្រើនរូបទៀត នាព្រឹកព្រលឹមថ្ងៃទី១២ មេសាឆ្នាំ២០២៤នេះ ពោល គឺនៅមុនថ្ងៃបុណ្យចូលឆ្នាំថ្មី ប្រពៃណីជាតិខ្មែរ មួយថ្ងៃបានអញ្ជើញជូនដំណើរ កម្មករ កម្មការិនី និងប្រជាពលរដ្ឋឡើងជិៈរថយន្តក្រុងទៅស្រុកកំណើតតាមខេត្តក្រុង នានា នៅទីលានប្រជាធិបតេយ្យ ទល់មុខអតីតឃ្លាំងសាំង ខណ្ឌឬស្សីកែវ រាជធានីភ្នំពេញ។
សូមចុចទីនេះដើម្បីទស្សនាព័ត៌មានពិស្ដារ៖https://youtu.be/7kLt8iuT2E0
(អគ្គនាយកដ្ឋានគយ)៖អគ្គនាយកដ្ឋានគយ និងរដ្ឋាករកម្ពុជា បានឲ្យដឹងថា កម្ពុជាសម្រេចបានទំហំពាណិជ្ជកម្មនាំចេញ-នាំចូល ក្នុងទឹកប្រាក់ប្រមាណ១២,៤៩ពាន់លានដុល្លារអាម៉េរិក នៅត្រីមាសទី១ ឆ្នាំ២០២៤នេះ ដោយបានកើនឡើង ១១,៩ ភាគរយ បើប្រៀបធៀបនឹងរយៈពេលដូចគ្នានិងឆ្នាំមុន ។
សូមចុចទីនេះដើម្បីទស្សនាព័ត៌មានពិស្ដារ៖https://youtu.be/rtGog6coCHA
(រាជធានីភ្នំពេញ)៖ សាកលវិទ្យាល័យជាតិ សាំងហ្គាពួរ បានប្តេជ្ញាចិត្ត បន្តកិច្ចសហប្រតិបត្តិការជាមួយក្រសួងសុខាភិបាល លើកិច្ចការជាអាទិភាព លើការប្រយុទ្ធប្រឆាំងនឹងភាពស៊ាំជាមួយថ្នាំអង់ទីប៊ីយ៉ូទិក និងការប្រយុទ្ធប្រឆាំងនឹងជំងឺមិនឆ្លង។
សូមចុចទីនេះដើម្បីទស្សនាព័ត៌មានពិស្ដារ៖https://youtu.be/s43BhIGVpXg
(ខេត្តកោះកុង)៖នៅពេលដែលថ្ងៃចូលឆ្នាំថ្មី ប្រពៃណីជាតិខ្មែរកាន់តែខិតជិតចូលមកដល់បន្តិចម្ដងៗ នោះ គេបានសង្កេតឃើញភ្ញៀវទេសចរណ៍ជាតិ និងអន្តរ
ជាតិ កំពុងតែសម្រុកចូលមកលេងនៅក្នុងខេត្តកោះកុងជាហូរហែនិងជារៀងរាល់ថ្ងៃ។ដោយឡែកសម្រាប់ឆ្នាំ២០២៤ នេះគេបានឃើញកំណើនភ្ញៀវទេសចរណ៍ជាតិ និង អន្តរជាតិបានចូលមកលេងជាហូរហែគឺច្រើនជាងឆ្នាំ២០២៣កន្លងទៅ។
សូមចុចទីនេះដើម្បីទស្សនាព័ត៌មានពិស្ដារ៖https://youtu.be/A9QdxdOWT_Y
(ខេត្តតាកែវ)៖ សម្តេចធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា បានបញ្ជាក់ថា គម្រោងព្រែកជីកហ្វូណនតេជោរបស់កម្ពុជា គឺបង្កើតឡើងដើម្បីទាញយកអត្ថប្រយោជន៍ផ្នែកសេដ្ឋកិច្ច កាត់បន្ថយចំណាយដឹកជញ្ជូន ជួយសម្រួលដល់ជីវភាពប្រជាពលរដ្ឋប៉ុណ្ណោះ ដោយមិនមានការប៉ះពាល់ដល់បរិស្ថានទន្លេមេគង្គនោះទេ។
សូមចុចទីនេះដើម្បីទស្សនាព័ត៌មានពិស្ដារ៖https://youtu.be/T-zLjtAzQro
(ខេត្តបាត់ដំបង)៖គ្រូពេទ្យស្ម័គ្រចិត្ត ស សុខា ចំនួន ១៥០នាក់ បានចុះទៅបំពេញ បេសកកម្មពិនិត្យ និងព្យបាលជំងឺដោយឥតគិថ្លៃ ជូនប្រជាពលរដ្ឋ ក្នុងស្រុកបាណន់ ខេត្តបា ត់ដំបង។ កម្មវិធីនេះបានប្រព្រឹត្តទៅដោយមានការអញ្ជើញចូលរួមជាអធិបតីពីឯកឧត្តមអភិសន្តិបណ្ឌិត ស សុខា ឧបនាយករដ្ឋមន្រ្តី រដ្ឋមន្រ្តីក្រសួងមហាផ្ទៃ និងលោក ជំទាវ កែ សួនសុភី ស សុខា លោកជំទាវ ញ៉ែម សាខន សខេង និងលោកជំទាវ ម៉ៅ ម៉ាល័យ កែ កឹមយ៉ាន។
សូមចុចទីនេះដើម្បីទស្សនាព័ត៌មានពិស្ដារ៖https://youtu.be/nD3H-EjzQDA
(រាជធានីភ្នំពេញ)៖យោងតាមរបាយការណ៍ដែលចេញផ្សាយដោយធនាគារអភិវឌ្ឍន៍អាស៊ី(ADB) បានឱ្យដឹងថា សេដ្ឋកិច្ចកម្ពុជាត្រូវបានព្យាករថា នឹងកើនឡើងក្នុងអត្រា ៥,៨% ក្នុងឆ្នាំ ២០២៤ និង ៦,០% ក្នុងឆ្នាំ ២០២៥ ក្នុងនោះវិស័យកម្មន្តសាល និងការស្ទុះឡើងវិញជាបន្តទៀតនៃវិស័យទេសចរណ៍ គឺជាតួអង្គនៃការធ្វើឱ្យមានកំណើនសេដ្ឋកិច្ចរបស់ប្រទេសកម្ពុជាសម្រាប់ឆ្នាំ២០២៤នេះ និងឆ្នាំ២០២៥ ខាងមុខ។
សូមចុចទីនេះដើម្បីទស្សនាព័ត៌មានពិស្ដារ៖https://youtu.be/0NrMvFIo9zI
(កោះកុង)៖សិស្ស-និស្សិត ក្រីក្រ ខ្វះលទ្ធភាព ថវិកា បង់ថ្លៃសិក្សា ដែលទទួលបានអាហារូបករណ៍ ពីសម្តេចតេជោ ហ៊ុន សែន កោះកុង បានចូលរួមប្រឡងប្រណាំង ជាបេក្ខជនឆ្នើម ផ្នែកចំណេះដឹងទូទៅ និងជួបជុំប្រកួតប្រជែង ដណ្តើមពានរង្វាន់ជ័យលាភី ជាមួយនឹងការលេងល្បែងប្រជាប្រិយ ប្រពៃណីខ្មែរពីបុរាណ ពហុទម្រង់ ដែលរៀបចំឡើងក្នុងកម្មវិធីអាហារសាមគ្គី នៅស្នាក់ការ (អមត) ស្រុកមណ្ឌលសីមា ខេត្តកោះកុង។
សូមចុចទីនេះដើម្បីទស្សនាព័ត៌មានពិស្ដារ៖https://youtu.be/BU5E46rNAwU
