មូលដ្ឋានសមុទ្ររាម កងទ័ពជើងទឹក នៃកងយោធពលខេមរភូមិន្ទ សូមជម្រាបជូនដំណឹងដល់ អាជ្ញាធររដ្ឋបាលខេត្តព្រះសីហនុ បណ្តាស្ថាប័ន អង្គភាពពាក់ព័ន្ធ ប្រជាពលរដ្ឋ និងប្រជានេសាទ ទាំងអស់ ឲ្យបានជ្រាបថា៖ មូលដ្ឋានសមុទ្ររាម កងទ័ពជើងទឹក នៃកងយោធពលខេមរភូមិន្ទ នឹងរៀបចំ កម្មវិធីហ្វឹកហ្វឺនបាញ់គ្រាប់ពិត នៅលើដែនសមុទ្រ នៃព្រះរាជាណាចក្រកម្ពុជា ស្ថិតនៅចន្លោះកោះពូលូវៃ និងកោះតាង ភូមិសាស្ត្រខេត្តព្រះសីហនុ ចាប់ពីថ្ងៃទី១១ ដល់ថ្ងៃទី១៣ ខែមិថុនា ឆ្នាំ២០២៥។
សេចក្តីដូចបានជម្រាបជូនខាងលើ សូមបណ្តាស្ថាប័ន អង្គភាពពាក់ព័ន្ធ ជាពិសេសបងប្អូន ប្រជាពលរដ្ឋ ប្រជានេសាទ មេត្តាជ្រាប និងកុំមានការភាន់ច្រឡំ ពេលមានលឺសម្លេងកាំភ្លើងរួមជាមួយការ ចល័តកងទ័ព នាវាចម្បាំងនៅលើផ្ទៃសមុទ្រ និងសូមកុំធ្វើដំណើរឆ្លងកាត់ ឬនេសាទ ជុំវិញតំបន់ហ្វឹកហ្វឺន បាញ់គ្រាប់ពិតនេះ ដើម្បីជៀសវាងការបង្កគ្រោះថ្នាក់ ឬហានិភ័យណាមួយជាយថាហេតុ។ ដូចបានសេចក្ដីជម្រាបជូនខាងលើនេះ សូមអជ្ញាធរដែនដីគ្រប់លំដាប់ថ្នាក់កងកម្លាំង មានសមត្ថកិច្ច គ្រប់ប្រភេទ ប្រធានមន្ទីរ អង្គភាពជុំវិញខេត្ត សូមជួយផ្សព្វផ្សាយដល់បងប្អូនប្រជាពលរដ្ឋ សាធារណជន ជាពិសេសបងប្អូនប្រជានេសាទ ឲ្យបានជ្រាបយ៉ាងទូលំទូលាយ និងសហការអនុវត្តឲ្យមានប្រសិទ្ធភាពខ្ពស់។
សូមចុច Link ដើម្បីទស្សនាព័ត៌មានពិស្ដារ៖ https://youtu.be/vAxADW1WE9o
គ្រូពេទ្យឆ្មប យុវជនស្ម័គ្រចិត្តកាកបាទក្រហម កាយរិទ្ធ និងស្រ្តីមានផ្ទៃពោះ បានចូលរួមអបអរសាទរ ទិវាឆ្មបជាតិ – អន្តរជាតិ “៥ ឧសភា ២០២៥” ក្រោមប្រធានបទ ” ឆ្មបបំពេញតួនាទី សំខាន់គ្រប់ស្ថានភាព គ្រប់ពេលមានអាសន្នគ្រោះមហន្តរាយ” ដែលប្រារព្ធធ្វើឡើងក្រោមអធិបតីភាពឯកឧត្តម អ៊ុំ រាត្រី អភិបាលខេត្ត និងជាប្រធានគណៈកម្មាធិការសាខាកាកបាទក្រហមកម្ពុជាខេត្ត និងឯកឧត្តម ប្លែក វារី ប្រធានក្រុមប្រឹក្សាខេត្ត និងជាអនុប្រធានកិត្តិយសសាខា កាកបាទក្រហមកម្ពុជាខេត្តដែលប្រារព្ធឡើង នៅសាលប្រជុំសាលាខេត្តបន្ទាយមានជ័យ នាថ្ងៃទី០៣ ខែមិថុនា ឆ្នាំ ២០២៥។
សូមចុច Link ដើម្បីទស្សនាព័ត៌មានពិស្ដារ៖ https://youtu.be/lZWnEcNFRsE
ការបង្ហាញនេះធ្វើឡើងក្នុងជំនួបរវាងលោកជំទាវ សុវណ្ណ វណ្ណារតន៍ រដ្ឋលេខាធិការប្រចាំការនៃក្រសួងការងារ និងបណ្តុះបណ្តាលវិជ្ជាជីវៈតំណាងដ៏ខ្ពង់ខ្ពស់ឯកឧត្តមរដ្ឋមន្រ្តី ហេង សួរ បានទទួលជួបពិភាក្សាការងារជាមួយគណៈប្រតិភូធុរកិច្ចនៃប្រទេសអាល្លឺម៉ង់ដែលដឹកនាំដោយលោកស្រីបណ្ឌិត Martina Habibes អ្នកជំនាញផ្នែកគំនិតផ្តួចផ្តើម VB4-នាំចេញថាមពល, កម្មវិធីអភិវឌ្ឍន៍ទីផ្សារនៃក្រសួងកិច្ចការសេដ្ឋកិច្ច និងសកម្មភាពអាកាសធាតុសហព័ន្ធ នៅទីស្ដីការក្រសួងការងារ និងបណ្តុះបណ្តាលវិជ្ជាជីវៈ នារសៀលថ្ងៃទី២ ខែមិថុនា ឆ្នាំ២០២៥។
សូមចុច Link ដើម្បីទស្សនាព័ត៌មានពិស្ដារ៖ https://youtu.be/23abY3rblZs
សម្តេចធិបតី ហ៊ុន ម៉ាណែត នាយករដ្ឋមន្រ្តីនៃព្រះរាជា ណាចក្រកម្ពុជា បានគូសបញ្ជាក់ថា សព្វថ្ងៃនេះរាជរដ្ឋាភិបា លបាននិងកំពុងយកចិត្តទុកដាក់និងគាំទ្រការអភិវឌ្ឍសហគមន៍កសិកម្មទំនើប តាមរយៈការរៀបចំកញ្ចប់ថវិកាមួយចំនួនដើម្បីត្រៀមជូនដល់បណ្ដាសហគមន៍កសិកម្មទំនើប។
សូមចុច Link ដើម្បីទស្សនាព័ត៌មានពិស្ដារ៖ https://youtu.be/v5ZDoPPqf2M
(ភ្នំពេញ)៖ មនុស្សប្រុសស្រីចំនួន៤នាក់ត្រូវបានកម្លាំងសមត្ថកិច្ចនគរបាលផ្នែកប្រឆាំងគ្រឿងញៀនខណ្ឌដង្កោចាប់ឃាត់ខ្លួនភ្លាមៗពីបទពាក់ព័ន្ធករណីជួញដូរគ្រឿងញៀនជាច្រើនកញ្ចប់ ខណៈដែលពួកគេជិះម៉ូតូឆ្លងកាត់គោលដៅត្រួត
ពិនិត្យជាតិស្រវឹង។
អធិការនគរបាលខណ្ឌដង្កោបានឲ្យដឹងថា៖ កម្លាំងចម្រុះ នៃអធិដ្ឋាននគរបាលខណ្ឌដង្កោ សហការជាមួយការិយាល័យចរាចរណ៍ នៃស្នងការដ្ឋាននគរបាលរាជធានីភ្នំពេញចុះដាក់គោលដៅត្រួតពិនិត្យជាតិស្រវឹងនៅវេលាម៉ោង ២៣និង យប់ថ្ងៃទី០២ ខែមិថុនា ឆ្នាំ២០២៥ នៅចំណុចមុខផ្សារប៉េងអ៊ីម ផ្លូវ៥០ម៉ែត្រ ភូមិប្រការ សង្កាត់ព្រៃស ខណ្ឌដង្កោ។ស្រាប់តែមានជនសង្ស័យប្រុសស្រីចំនួន៤នាក់ ជិះម៉ូតូពីជើងមកត្បូងឆ្លងកាត់គោលដៅត្រួតពិនិត្យជាតិស្រវឹងកម្លាំងសមត្ថកិច្ចក៏ហៅត្រួតពិនិត្យប្រទះឃើញកញ្ចប់គ្រឿងញៀនក្រាមសថ្លាចំនួន១០កញ្ចប់ ។
លោកអធិការបន្តថា៖ ជនសង្ស័យមានឈ្មោះ កង សុភា ភេទប្រុស អាយុ៣៧ឆ្នាំ មុខរបរមិនពិតប្រាកដ ស្នាក់នៅបន្ទប់ជួលលេខ៣ ភូមិភា សង្កាត់ប្រទះឡាង ខណ្ឌកំបូល។ ឈ្មោះ វណ្ណា រក្សា ភេទប្រុស អាយុ២១ឆ្នាំ មុខរបរមិនពិតប្រាកដ ទីលំនៅមិនពិតប្រាកដ។ ឈ្មោះ អាត ស្រីនា ភេទស្រី អាយុ ២៣ឆ្នាំ មុខរបរមិនពិតប្រាកដ ទីលំនៅមិនពិតប្រាកដ។ និងឈ្មោះ សន សម្បត្តិ ភេទស្រី អាយុ២០ឆ្នាំ មុខរបរកម្មការិនីរោងចក្រ មានទីលំនៅភូមិត្រពាំងគរ សង្កាត់ពងទឹក ខណ្ឌដង្កោ។
បច្ចុប្បន្នជនសង្ស័យទាំង៤នាក់ កំពុងស្ថិតក្រោមការ សាកសួរនៅអធិការដ្ឋាននគរបាលខណ្ឌដង្កោ ដើម្បីកសាងសំណុំរឿងបញ្ជូនទៅកាន់សាលាដំបូងរាជធានីភ្នំពេញ៕
ចុច Link ទស្សនាព័ត៌មានពិស្ដារ៖https://youtu.be/xSkWmiiqlEc
នៅឯព្រលានយន្តហោះ ឯកបណ្ឌិត អ៊ាង សុផល្លែត បានគូសបញ្ជាក់ថា កម្ពុជាបានបញ្ជាក់អំពីការប្តេជ្ញាចិត្តក្នុងការអនុវត្តកិច្ចព្រមព្រៀងទីក្រុងប៉ារីសស្ដីពីការប្រែ ប្រួលអាកាសធាតុ ដោយបានកំណត់ក្នុងផែនការជាតិរួមចំណែកឆ្លើយតបនឹងការប្រែប្រួលអាកាសធាតុ (NDC) ក្នុងគោលដៅជាប្រទេសអព្យាក្រឹតភាពកាបូននៅឆ្នាំ 2050 ការរួមបញ្ចូលក្នុងយុទ្ធសាស្ត្រចក្រាវិស័យបរិស្ថាននូវសកម្មភាពអាទិភាពក្នុងការកាត់បន្ថយនូវការបំភាយឧស្ម័នក្នុងវិស័យថាមពល ឧស្សាហកម្ម កសិកម្ម ព្រៃឈើ និងសំណល់។ ប្តេជ្ញាពង្រឹងតួនាទីរបស់ខ្លួនក្នុងការអភិរក្សផ្ទាំងទឹកកក ដោយអំពាវនាវឱ្យប្រទេសអភិវឌ្ឍន៍ និងស្ថាប័នហិរញ្ញវត្ថុគាំទ្រគម្រោងអភិរក្សប្រកបដោយភាពច្នៃប្រឌិត និងការចែករំលែកបច្ចេកវិទ្យាក្នុងការត្រួតពិនិត្យផ្ទាំងទឹកកក និងប្រព័ន្ធព្រមានជាមុន។
សូមចុច Link ដើម្បីទស្សនាព័ត៌មានពិស្ដារ៖ https://youtu.be/cuCI6tNHl7s
ក្នុងរយៈពេល៤ខែ ដើមឆ្នាំ២០២៥នេះ សមត្ថកិច្ចក្រសួងមហាផ្ទៃបានបង្ក្រាបបទល្មើសព្រហ្មទណ្ឌចំនួន ៨៨៦លើក។ ចំនួននេះ បើធៀបនឹងរយៈពេលដូចគ្នាឆ្នាំ២០២៤ បានថយចុះចំនួន២៦៦លើក។ ឆ្នាំ២០២៤ សមត្ថកិច្ច បង្ក្រាបបទល្មើសបានចំនួន១.១៥២លើក។ ក្នុងចំណោមបទល្មើសដែលបានថយចុះនៅក្នុងរយៈពេល៤ខែដើមឆ្នាំមកនេះ អ្នកនាំពាក្យរងក្រសួងមហាផ្ទៃ លោក ទូច សុឃៈ បានឱ្យដឹងថា បទល្មើសឧក្រិដ្ឋ បានថយចុះ ចំនួន២៩លើក និងបទល្មើសមជ្ឈិមបានថយចុះចំនួន២៣៧លើក។
សូមចុច Link ដើម្បីទស្សនាព័ត៌មានពិស្ដារ៖ https://youtu.be/Rp3Z1y90ZYY
ក្នុងឱកាសអញ្ជើញជាអធិបតីភាព ដឹកនាំសមាជរដ្ឋសភានិងព្រឹទ្ធសភា ដោយកិច្ចប្រជុំនាថ្ងៃទី២នេះ ជាកិច្ចប្រជុំពិភាក្សាលើប្រធានបទទី៣ ស្តីពីវិស័យកសិកម្ម សម្តេចតេជោ ហ៊ុន សែន បានថ្លែងថា មុនរដ្ឋប្រហាឆ្នាំ១៩៧០ ដំណាំកសិកម្មកម្ពុជាមានជាង៣លានតោនហើយ សម្ដេចបានអះអាងថាប្រសិនបើប្រៀបធៀមមកដល់ពេលនេះយ៉ាងហោច ណាស់បើគុណនឹងដប់ដងគឺពី៣លានតោន ដល់៣០ លានតោនប្រសិនបើគ្មានសង្គ្រាម។
សូមចុច Link ដើម្បីទស្សនាព័ត៌មានពិស្ដារ៖ https://youtu.be/9OQzN74xS4w
នៅព្រឹកថ្ងៃអង្គារទី៣ ខែមិថុនា ឆ្នាំ២០២៥ សមាជរដ្ឋសភានិងព្រឹទ្ធសភា បានបន្តកិច្ចប្រជុំ ក្រោមអធិបតីភាពដ៏ខ្ពង់ខ្ពស់របស់ សម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភានិងជាប្រធានសមាជរដ្ឋសភានិងព្រឹទ្ធសភា ដោយត្រូវប្រជុំពិភាក្សាលើប្រធានបទទី៣ ស្តីពីវិស័យកសិកម្ម បន្ទាប់ពិបានចំណាយពេលជាង១៦ម៉ោង ពោលគឺការប្រជុំចាប់ពីម៉ោង៨ព្រឹក រហូតដល់ម៉ោង០០:២៥នាទី ឈានចូលថ្ងៃទី៣មិថុនា ក្នុងការពិភាក្សានិងអនុម័តលើប្រធានបទចំនួនពីរ គឺប្រធានបទស្តីពី ប្រព័ន្ធគំាពារសង្គមនិងប្រធានបទស្តីពី សេដ្ឋកិច្ចក្រៅប្រព័ន្ធ។
សូមចុច Link ដើម្បីទស្សនាព័ត៌មានពិស្ដារ៖ https://youtu.be/LF79Z7BO68E
ក្នុងកិច្ចសម្ភាសន៍ផ្ដាច់មុខជាមួយសារព័ត៌មានមេគង្គប៉ុស្ដិ៍ លោក ញឹក ប៊ុនឆៃ ប្រធានគណបក្សខ្មែររួបរួមជាតិ អតីតមេទ័ពក្នុងចលនាតស៊ូនៅភាគខាងលិចនៃប្រទេសកម្ពុជា រូបនេះបានទម្លាយអាថ៌កំបាំងមួយ កាលពីសម័យលោកកំពុងតស៊ូនៅតាមព្រំដែនភាគខាងលិចប្រទេសកម្ពុជា ក្នុងអំឡុងឆ្នាំ១៩៧៧ ក្រុមមេដឹកនាំជ្រុលនិយមថៃថៃកាលណោះមានគម្រោងកាត់យកទឹកដីខ្មែរចាប់ពីតំបន់ព្រះវិហាររហូតដល់ខេត្តកោះកុងយកមកធ្វើជាទឹកដីរបស់ថៃ។
លោកញឹក ប៊ុនឆៃ បានរំលឹករឿងរ៉ាវនេះថា កាលណោះមេដឹកនាំថៃបានយល់ព្រមផ្ដល់ទ័ព១០ម៉ឺននាក់ដើម្បីជួយចលនាតស៊ូខ្មែរក្នុងការវាយផ្ដួលរំលំរបបដឹក នាំខ្មែរក្រហម។ដោយវាយចេញពីទិសខាងលិចនៃប្រទេសកម្ពុជា។ ជាសំណាងល្អក្នុងចំណោម កងទ័ពថៃនាពេលនោះមាននាយទាហានមួយរូបជាជនជាតិខ្មែរបានលួចខ្សិប ប្រាប់ពីគោលបំណងរបស់មេដឹកនាំថៃដែលកាលណោះមេដឹកនាំរូបនេះឡើងកាន់អំណាចដោយការធ្វើរដ្ឋប្រហារយោធានោះថា ពេលថៃជួយវាយឈ្នះគេនឹងកាត់យកដីខ្មែរតាមផែនទី ឯកតោភាគីរបស់គេមកកាន់កាប់ជាដីរបស់ថៃ។
ដោយទទួលបានព័ត៌មាននេះ ចលនាតស៊ូខ្មែរនៅភាគខាងលិចបានបដិសេធមិន
ទទួលយកកម្លាំងទ័ព១០ម៉ឺននាក់ដែលថៃផ្ដល់ឲ្យនោះឡើយ៕
សូមស្ដាប់ការរៀបរាប់រំលឹករបស់ លោកញឹក ប៊ុនឆៃទាំងស្រុងដូចខាងក្រោម៖
សូមចុចបើក Link ស្ដាប់ព័ត៌មានពិស្ដារ៖https://youtu.be/eFm5QhWrTro
ក្នុងសមាជជាលើកដំបូងជជែកអំពីប្រព័ន្ធគាំពារសង្គម, សេដ្ឋកិច្ចក្រៅប្រព័ន្ធ និងកសិកម្ម របស់រដ្ឋសភា និងព្រឹទ្ធសភា នៅព្រឹកថ្ងៃទី២ ខែមិថុនា ឆ្នាំ២០២៥នេះ សម្ដេចមហាបវរធិបតី ហ៊ុន ម៉ាណែត នាយករដ្ឋមន្ដ្រីនៃកម្ពុជា បានអះអាងជាថ្មីម្ដងទៀតថា រាជរដ្ឋាភិបាលកម្ពុជា នឹងប្ដឹងទៅតុលាការយុត្តិធម៌អន្ដរជាតិ ICJ ដើម្បីរំលត់ និងបញ្ចប់បញ្ហាព្រំដែនជាមួយប្រទេសថៃ បើទោះ បីថៃមិនព្រមឡើងទៅតុលាការ ICJ យ៉ាងណាក៏ដោយ។
សូមចុច Link ដើម្បីទស្សនាព័ត៌មានពិស្ដារ៖ https://youtu.be/slLjlohLmAk
សមាគមគ្រូពេទ្យស្ម័គ្រចិត្តយុវជនសម្តេចតេជោ (TYDA) ចុះពិនិត្យ និងព្យាបាលជំងឺ ទូទៅ និងសុខភាពមាត់ធ្មេញ ជូនសិស្សានុសិស្សជិត២០០០នាក់ មកពីសាលាបឋមសិក្សាចំនួន៣ នៃស្រុកបន្ទាយស្រី មានសាលាបឋមសិក្សាព្រះដាក់ សាលាបឋមសិក្សា ស្រះស្រង់ និងសាលាបឋមសិក្សាតាប៉ាង ដែលពិធីនេះធ្វើឡើងនៅបរិវេណសាលាបឋមសិក្សាព្រះដាក់ ភូមិព្រះដាក់ ឃុំព្រដាក់ ស្រុកបន្ទាយស្រី ខេត្តសៀមរាប។
សូមចុច Link ដើម្បីទស្សនាព័ត៌មានពិស្ដារ៖ https://youtu.be/_axxWyL-JO4
សមាជរដ្ឋសភានិងព្រឹទ្ធសភា នៅព្រឹកថ្ងៃទី២ ខែមិថុនាឆ្នាំ២០២៥ បានគំាទ្រទំាងស្រុងលើយន្តការដោះស្រាយបញ្ហាព្រំដែន របស់សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តីនៃព្រះរាជាណាចក្រកម្ពុជា ដែលបានបញ្ជាក់ពីការលើកយកបញ្ហាប្រាសាទតាមាន់ធំ ប្រាសាទតាមាន់តូច ប្រាសាទតាក្របី និងតំបន់មុំបី ទៅតុលាការយុត្តិធម៌អន្តរជាតិ (ICJ)។
សូមចុច Link ដើម្បីទស្សនាព័ត៌មានពិស្ដារ៖ https://youtu.be/MR6ps6wJcEU
លោកជំទាវ បណ្ឌិត ពេជ ចន្ទមុន្នី ហ៊ុនម៉ាណែត ប្រធានកិត្តិយសនៃមូលនិធិគន្ធបុប្ផាកម្ពុជា បានថ្លែងថា មន្ទីរពេទ្យគន្ធបុប្ផា ជាមន្ទីរពេទ្យបង្គោលមួយក្នុងចំណោមមន្ទីរពេទ្យរបស់ជាតិ នៅក្នុងការព្យាបាល និងសង្គ្រោះកុមារកម្ពុជា រាប់សែននាក់ក្នុងមួយឆ្នាំៗ។ គិតមកដល់ពេលនេះ មន្ទីរពេទ្យគន្ធបុប្ផាបានដំណើរការចំនួន ៣៣ឆ្នាំមកហើយចាប់ផ្តើមដំណើរការឡើងវិញ កាលពីឆ្នាំ ១៩៩២ ក្រោមការដឹកនាំ របស់ លោកវេជ្ជ-បណ្ឌិត បេអាត រិចឈ្នឺរ និង ក្រោមការគ្រប់គ្រងរបស់ក្រសួងសុខាភិបាលកម្ពុជា ដែលបានព្យាបាល និងសង្គ្រោះកុមារកម្ពុជារាប់មិនអស់។
សូមចុច Link ដើម្បីទស្សនាព័ត៌មានពិស្ដារ៖ https://youtu.be/ThY5T_tjm-A
មេគង្គប៉ុស្តិ៍លើបណ្តាញសង្គម
ព័ត៌មានគួរចាប់អារម្មណ៍
បានសាងសង់ស្តូបមិត្តភាពកម្ពុជា-វៀតណាម នៅតាមបណ្តារាជធានី,ខេត្តទូទាំងប្រទេស ដើម្បីរម្លឹកអនុស្សាវរីយ៍ និងសាមគ្គីភាព ក្នុងការជួយគ្នាទៅវិញទៅមករវាងប្រទេសទាំងពីរ។សម្រាប់ខ្លឹមសារប្រវត្តិសាស្រ្ត ដែលត្រូវចារឹកតាមស្តូបមិត្តភាពកម្ពុជា-វៀតណាម មាន២ចំណុចគឺ៖ កម្ពុជាធ្លាប់ជួយវៀតណាម ក្នុងការបង្រួបបង្រួមទឹកដី ឯវៀតណាមបានជួយកម្ពុជា ឱ្យរួចផុតពីរបបប្រល័យពូជសាសន៍ខ្មែរក្រហម។
