បាល់ទាត់៖ប្រធានសហព័ន្ធបាល់ទាត់ពិភពលោកហៅកាត់ថា FIFA លោក Gianni Infantino មាននិយាយថា លោកមានបំណងចង់បង្កើនចំនួនក្រុមទៅប្រកួតជុំផ្ដាច់ព្រ័ត្រ World Cup ពី៣២ដល់៤៨ក្រុម។
បុរសសញ្ជាតិអ៊ីតាលីវ័យ៤៦ឆ្នាំរូបនេះ ធ្លាប់បានលើកឡើងមុនពេលគាត់ក្លាយជាប្រមុខដឹកនាំ FIFA លោកនឹងបង្កើនចំនួនក្រុមជម្រើសជាតិទៅ World Cup ដល់៤០ក្រុម តែពេលនេះលោកគិតថា ចំនួន៤៨ក្រុមហាក់ដូចជាជម្រើសល្អជាង។
រូបមន្តថ្មីខាងលើរបស់ Infantino មិនខុសពីការប្រកួត World Cup មុនៗប៉ុន្មានទេ ពោលគឺក្នុង៤៨ក្រុមនេះ មាន១៦ក្រុមត្រូវជម្រុះចេញនៅវគ្គចាញ់ធ្លាក់ ( knockout) មុនពេលដែលឈានទៅវគ្គចែកពូលដែលមាន៣២ ក្រុមដូច World Cup មុនៗ។ លទ្ធផលនៃការសម្រេចចិត្តយ៉ាងណានោះត្រូវរង់ចាំរហូតដល់ការបើកកិច្ចប្រជុំរបស់ FIFA នៅខែមករាឆ្នាំក្រោយ៕
