ខេត្តបាត់ដំបង៖យ៉ាងហោចណាស់មនុស្សម្នាក់បានស្លាប់ភ្លាមៗនិងម្នាក់ទៀតរងរបួសស្រាលក្នុងហេតុការណ៍រថយន្តពីរគ្រឿងបើកប៉ះគៀរគ្នានៅលើផ្លូវជាតិលេខ៥។
សមត្ថកិច្ចបានអោយដឹងថា ហេតុការណ៍គ្រោះថ្នាក់ចរាចរណ៍ខាងលើនេះបានកើនឡើងនៅវេលាម៉ោង១០-៤០នាទី ថ្ងៃទី១៦ ខែឧសភា ឆ្នាំ២០១៨ នៅលើកំណាត់ផ្លូវជាតិលេខ៥ ចំណុចឃុំកំពង់ព្រៀង ស្រុកសង្កែ ខេត្តបាត់ដំបង។
កើតឡើងរវាងរថយន្តនីសាន់ចង្កូតស្តាំប្រភេទដឹកទំនិញ(ខ្សាច់)ពណ៌សខៀវ ពាក់ស្លាកលេខPP០២០៥អ្នកបើកបរមិនស្គាល់អត្តសញ្ញាណបានប៉ះគៀរនិងរថយន្តសុីណាប្រភេទទេសចរ ពណ៌សពាក់ស្លាកលេខបាត់ដំបង២C៦៨៧៨ បើកបរដោយឈ្មោះ ហេង សុខអេង ភេទប្រុស អាយុ២៩ឆ្នាំ(ស្លាប់)និងអ្នករួមដំណើរឈ្មោះ ឈឿន វិសែល ភេទប្រុស អាយុ១៩ឆ្នាំ(របួសស្រាល)ទាំងពីរនាក់រស់នៅភូមិ១៣មករា សង្កាត់ព្រែកព្រះស្តេច ក្រុងបាត់ដំបង។
ប្រភពនៅកន្លែងកើតហេតុបានប្រាប់ថា នៅមុនពេលកើតហេតុគេឃើញរថយន្តដឹកខ្សាច់ខាងលើបើកបរក្នុងល្បឿនយ៉ាងលឿនទិសដៅពីត្បូងទៅជើង(ភ្នំពេញ បាត់ដំបង)លុះមកដល់ចំណុចកើតហេតុបានជ្រុលទៅគៀររថយន្តសុីណាដឹកភ្ញៀវពេញទំហឹងបណ្តាលអោយរថយន្តទាំងពីរគ្រឿងក្រឡាប់ផ្ងារជើងម្ខាងចាក់ខ្សាច់ចោលនិងម្ខាងទៀតស្លាប់និងរបួសតែម្តង។
ក្រោយពេលកើតហេតុសមត្ថកិច្ចជំនាញបានចុះទៅដល់ពិនិត្យវាស់វែងនិងប្រគល់សាកសពអោយក្រុមគ្រួសារយកទៅធ្វើបុណ្យតាមប្រពៃណី ដោយលែករថយន្តទាំងពីរគ្រឿងសមត្ថកិច្ចយកទៅរក្សាទុកនៅការិយាល័យនគរបាលចរាចរណ៍ផ្លូវគោកខេត្តរងចាំដោះស្រាយទៅតាមផ្ទូវច្បាប់៕
