​អាមេរិក ៖ ភ្លើង​ឆេះ​ព្រៃ​ដែល​រាលដាល​យ៉ាង​ឆាប់រហ័ស​នៅ​ភាគ​ខាងជើង​រដ្ឋ កាលីហ្វ័រ​ញ៉ា សហរដ្ឋអាមេរិក បាន​បំផ្លាញ​សំណង 22 កន្លែង និង​កំពុង​បន្ត​ឆាបឆេះ​កាន់តែ​លឿន​ដោយសារ​ខ្យល់​បោកបក់​ខ្លាំង រួម​ជាមួយនឹង​អាកាសធាតុ​ក្ដៅ បង្ខំ​ឲ្យ​មនុស្ស​ប្រមាណ 3 ពាន់​នាក់​ភៀសខ្លួន ។​

​ភ្លើង​ឆេះ​ព្រៃ​ចាប់ផ្ដើម​ឆាប់ឆេះ​កាលពី​ថ្ងៃ សៅរ៍ ក្បែរ​ឧទ្យាន​ជាតិ Mendocino ចម្ងាយ​ជាង 100 គីឡូម៉ែត្រ​ពី​ទីក្រុង Sacramento បាន​បំផ្លាញ​ដីព្រៃ​ជាង 3 ពាន់​ហិច​តា និង​គំរាម​ដល់​សំណង​យ៉ាងតិច 600 ផ្សេងទៀត​ដែល ។ អភិបាលរដ្ឋ កាលីហ្វ័រ​ញ៉ា លោក Jerry Brown បានប្រកាស​អាសន្ន​តំបន់ Lake County ជា​កន្លែង​ដែលមាន​ភ្លើង​ឆាបឆេះ​ខ្លាំង និង​បញ្ជូន​កងកម្លាំង​ទៅកាន់​តំបន់​នោះ​ដើម្បី​ទប់ស្កាត់​ការឆេះ​រាលដាល ។ លោក​អភិបាលរដ្ឋ​និយាយថា ភ្នាក់ងារ​គ្រប់គ្រង​ភាពអាសន្ន​បាន​ចូលរួម​ជួយ​ដល់​បុគ្គលិក​ពន្លត់​អគ្គិភ័យ​ជាង 200 នាក់ ។

​កាលពី​ខែ តុលា ឆ្នាំមុន ភាគ​ខាងជើង​រដ្ឋ California ជួបនឹង​មហន្តរាយ​ភ្លើង​ឆេះ​ព្រៃ​ធ្ងន់ធ្ងរ​បំផុត​ក្នុង​ប្រវត្តិសាស្ត្រ ជា​ពេលដែល​ភ្លើង 21 កន្លែង​បាន​បំផ្លាញ​សហគមន៍​ជាច្រើន​ក្នុង​តំបន់ Napa, Lake, Sonoma, Mendocino, Butte, and Solano ភាកច្រើន​ស្ថិតនៅក្នុង​រដ្ឋ កាលីហ្វ័រ​ញ៉ា ។ អគ្គិភ័យ​ឆ្នាំមុន គឺជា​ភ្លើង​ឆេះ​ព្រៃ​ដែល​បំផ្លាញ​ច្រើន​បំផុត​គិត​ជា​ទឹកប្រាក់​ជិត 10 ពាន់​លាន​ដុល្លារ ចំណែក​ផលប៉ះបាល់​សេដ្ឋកិច្ច​មានទឹក​ប្រាក់​ជាង 80 ពាន់​លាន​៕
​