រថយន្ត​កុងតឺន័រ​មួយគ្រឿង​បុក​ផ្តួល​ដើមឈើ​មួយ​ដើម នី​សង្កាត់​ទឹកល្អក់​៣
ដោយ មេគង្គ ប៉ុស្តិ៍ ចេញផ្សាយ​ ថ្ងៃទី 13 July, 2018

​ភ្នំពេញ ៖ រថយន្ត​ដឹក​កុងតឺន័រ​ខ្នាត​ធំ​មួយគ្រឿង​បាន​បើក​កៀរ​ផ្តួល​ដើមឈើ​មួយ​ដើម ខណ​:​ដែល​បើក​ចូល​ចត​លើ​ចិញ្ចឹម​ផ្លូវ​។ ហេតុការណ៍​នេះ​បាន​កើតឡើង​នៅវេលា​ម៉ោង ១២​និង​៣០​នាទី តាម​បណ្តោយ​ផ្លូវ​១៨២ ទល់មុខ​នឹង​ខា​រ៉​អូ​ខេ នគរ​សំ​រិ​ទិ្ធ ដែល​ស្ថិតក្នុង​សង្កាត់​ទឹកល្អក់​៣ ខណ្ឌទួលគោក រាជធានី​ភ្នំពេញ​។

​តៃកុង​រថយន្ត​បានអោយដឹងថា មុនពេល​កើត​នេះ គាត់​បាន​បើករថយន្ត​បំរុង​ចូល​ចត​នៅ​អែប​លើ​ចិញ្ចើមផ្លូវ​កន្លែងកើតហេតុ​ខាងលើ ប៉ុន្តែ​ខណ​:​អែប​ខាង​នោះ រថយន្ត​របស់គាត់​បា​ន​ទាក់​និង​ដើមឈើ​ខាងលើ​តែ​បន្តិច​ទេ ដោយសារតែ​ដើមឈើ​នោះ​មាន​សភាព​ទ្រុប​ទ្រុម គ្មាន​ឬ​កែវ ទើប​បណ្តាលអោយ​បាក់​ដួលរលំ​ដូច្នោះ​។

​ក្រោយពេល​កើតហេតុ​មាន​សមត្ថកិច្ច និង​អាជ្ញាធរ​ដែនដី​បាន​ចុះមក​ត្រួតពិនិត្យ និង​បាន​ឃាត់​រថយន្ត​បង្ក​បណ្តោះអាស្ន ដើម្បី​រង់ចាំ​ការដោះស្រាយ​បន្ត​។

​សូមបញ្ជាក់ថា​ក្នុង​ហេតុការណ៍​នេះ​មិន​បង្កអោយមាន​គ្រោះថ្នាក់​ដល់​នរណាម្នាក់​ទេ​៕