​ភ្លើង​ឆេះ​ព្រៃ​ក្នុងប្រទេស​ក្រិ​ក សម្លាប់​មនុស្ស​20​នាក់ និង​ជាង​100​នាក់រងរបួស
ដោយ មេគង្គ ប៉ុស្តិ៍ ចេញផ្សាយ​ ថ្ងៃទី 24 July, 2018 ក+ ក-


​ក្រិ​ក ៖ ភ្លើង​ឆេះ​ព្រៃ​ក្នុងប្រទេស ក្រិច បានសម្លាប់​មនុស្ស​យ៉ាងតិច 20 នាក់ និង​ជាង​100​នាក់​រងរបួស ហើយ​ភ្លើង​ឆេះ​ព្រៃ​ខិត​កាន់តែ​ជិត​ទៅ​ក្បែរ​រដ្ឋធានី អា​តែ​ន បង្ខំ​ឲ្យ​អាជ្ញាធរ​ចេញ​សេចក្ដីប្រកាស​ដល់​ប្រជាជន​ក្នុង​តំបន់​មួយចំនួន​ជាយក្រុង អា​តែ​ន ត្រូវតែ​ជម្លៀស​ខ្លួន​ចេញ​ជា​បណ្ដោះអាសន្ន ។

​ទីប្រជុំជន​មួយ​ចម្ងាយ​ជាង​20 គីឡូម៉ែត្រ​ពី​ទីក្រុង អា​តែ​ន ត្រូវបាន​បំផ្លាញ​ដោយសារ​ភ្លើង​ឆេះ​ព្រៃ ធ្វើ​ឲ្យ​ភ្លើង​ឆេះ​ព្រៃ​នេះ ក្លាយជា​មហន្តរាយ​ធ្ងន់ធ្ងរ​បំផុត​ជាង​ឆ្នាំ 2007 ហើយ​ស្ថានភាព​នៅ​មិនទាន់​ធូរស្រាល​នៅឡើយ ដោយសារ​ខ្យល់​បោកបក់​ខ្លាំង ។ តំបន់​ទេសចរណ៍​ភាគ​ខាងកើត​ទីក្រុង អា​តែ​ន ត្រូវបាន​បិទ​មិន​ឲ្យ​មនុស្ស​ចូល បន្ទាប់ពី​ភ្លើង​ឆាបឆេះ​យ៉ាងខ្លាំង​សម្លាប់​មនុស្ស 4 នាក់ ក្នុង​តំបន់ ។

​រដ្ឋាភិបាល ចេញ​ការប្រកាសអាសន្ន ដើម្បី​ស្វះ​ស្វែងរក​ជំនួយ​សម្រាប់​ប្រតិបត្តិការ​ពន្លត់ភ្លើង​ឆេះ​ព្រៃ​នេះ បំណង​គ្រប់គ្រង​ស្ថានភាព ដែល​អាច​ឈានទៅ​រកម​ហ​ន្ត​រាយ​កាន់តែ​ធ្ងន់ ។

​រដ្ឋាភិបាល​បញ្ជាក់ថា ពេលនេះ ប្រតិបត្តិការ​ទប់ទល់​នឹង​ការ​រាលដាល​របស់​ភ្លើង​ឆេះ​ព្រៃ ទាមទារ​ឲ្យ​ប្រើប្រាស់​យន្តហោះ និង​គ្រឿងយន្ត​ក្នុង​ចំនួន​ដ៏​ច្រើន ៕