ជនបរទេស​៣៥​នាក់​ត្រូវបាន​ឃាត់ខ្លួន​នៅ​ថៃ ក្នុង​ហេតុផល​ខុសគ្នា​
ដោយ មេគង្គ ប៉ុស្តិ៍ ចេញផ្សាយ​ ថ្ងៃទី 26 July, 2018 ក+ ក-

​ថៃ ៖ ជនបរទេស​៣៥​នាក់ ត្រូវបាន​ឃាត់ខ្លួន ពីបទ​ល្មើស​ទិ​ដ្ឋ​ការ និង​ការ​ចូលមក​ដោយ​ខុសច្បាប់ អំលុង​ការ​វាយឆ្មក់​ដែលមាន​ការសម្របសម្រួល នៅ​ទីតាំង​៦២​កន្លែង ទូទាំងប្រទេស​ថៃ ។

ស្នងការរង​នៃ​ការិយាល័យ​ប៉ូលីស​ទេសចរ​ណ៏​បាន​ឲ្យ​ដឹងថា ក្រុម​ប៉ូលីស មកពី អង្គភាព​ជាច្រើន បាន​ឆ្មក់ ចូល​ទីតាំង​គោលដៅ​ចំនួន​៦២​កន្លែង ក្នុង​ក្រុង​បាងកក និង​បណ្តា​ខេត្ត មួយចំនួនទៀត រួមមាន​ទាំង សាលា​ភាសា​ចំនួន​៣​កន្លែង និង​សាលា​អនុវិទ្យាល័យ ចំនួន​១១​កន្លែង ។

៩​នាក់​ក្នុងចំនោម ជនសង្ស័យ ៣៥​នាក់ ៦​នាក់​មកពី​ប្រទេស​ឥណ្ឌា មកពី​ប្រទេស​ចិន​ម្នាក់ កាំ​មឺ​រូ​ន​ម្នាក់ និង​អាល្លឺម៉ង់​ម្នាក់ ដែល​ត្រូវបាន ចោទប្រកាន់​ពីបទ ស្នាក់​នៅលើ​កាលកំណត់​នៃ​ទិ​ដ្ឋ​ការ​របស់​ពួកគេ​។ រីឯ​ជន​ស​ង្ស័​២៥​នាក់​ផ្សេងទៀត មកពី ប្រទេស​ឡាវ មី​យ៉ាន់​ម៉ា ឥណ្ឌា ស៊ី​រី អេ​ហ្សី​ប យ៉េ​មែន និង​អ៊ុយ​ហ្គ​ង់​ដា ត្រូវបាន​ចោទប្រកាន់​ពីបទ ចូល​ប្រទេស​ថៃ​ដោយ​ខុសច្បាប់​។

ការ​ឆ្មក់​ចូល​ឃាត់ខ្លួន​ជា​បន្តបន្ទាប់​ដែល​លើក​នេះ​ជាការ បង្ក្រាប​លើក​ទី​១៨ លើ​ជនបរទេស​ចូលមក​ដោយ​បន្លំ​ជា​ភ្ញៀវ ទេសចរណ៍ ដើម្បី​អនុវត្តន៍​កម្ម​ដែល​ធ្វើ​ឲ្យ​ប៉ះពាល់​ដល់ សន្តិសុខ និង​ទេសចរណ៍​ជាតិ​៕