ថៃ ៖ ពលករខ្មែរចំនួន២នាក់ត្រូវជាប្តី ប្រពន្ធ នឹងគ្នាបានចូលទៅរស់នៅឯប្រទេសថៃបានជួបនឹងឧប្បទ្ទវហេតុគ្រោះថ្នាក់ចរាចរណ៍បណ្តាលអោយស្លាប់ទាំង២នាក់ខណៈដែលពួកគេទាំង២នាក់ កំពុងជិះម៉ូតូ ស្រាប់តែរថយន្តបង្កបានរេចង្កូតមកបុកតែម្តង។
ហេតុការណ៍នេះ បានកើតឡើងកាលពីវេលាម៉ោង ៦ និង ៣០ នាទី ល្ងាច ថ្ងៃទី៣១ខែកក្កដា ឆ្នាំ២០១៨ លើកំណាត់ផ្លូវលំចន្លោះបង្គោលគីឡូម៉ែត្រលេខ៨ និង៩ត្រង់ចំណុចផ្លូវចូលទៅក្រុមហ៊ុនណាំហេង ស្ថិតក្នុងឃុំ កុខាំចាន ស្រុកប្រាក់យុទ្ធបាទ ខេត្តសារៈបុរីប្រទេសថៃ ។យោងតាមការចុះផ្សាយរបស់ការសែតក្នុងស្រុកថៃថាមុនកើតហេតុមានរថយន្តមួយគ្រឿងម៉ាកអ៊ីស៊ុយស៊ុយឌីមេកព៌ណខ្មៅពាក់ស្លាកលេខឈៀងរ៉ាយ ២៦១០ បានរេទៅបុកនឹងម៉ូតូមួយគ្រឿងម៉ាកហុងដាវេវធុន សេ១០០ពាក់ស្លាកលេខ បុរីរ៉ាំ ១៩៤០ ធ្វើអោយអ្នកបើកបរម៉ូតូ និងអ្នករួមដំណើរស្លាប់ទាំង២នាក់ភ្លាមៗនៅនឹងកន្លែងតែម្តងដោយប្រភពមួយចំនួនបាននិយាយថាពួកគេទាំង២នា
ក់ ជាពលករខ្មែរដែលឆ្លងដែនចូលទៅធ្វើការនៅក្នុងប្រទេសថៃដោយស្របច្បាប់និងត្រូវជាប្តី ប្រពន្ធ នឹងគ្នាប៉ុន្តែពុំមានប្រភពណាមួយអះអាងថាជាអ្នករស់នៅក្នុងខេត្តណា នៃប្រទេសកម្ពុជាឡើយដែលពួកគេទាំងពីរនាក់មានឈ្មោះ ឈឿប ម៉ៅ អាយុ៣៧ឆ្នាំ ( ជាប្តី ) រីឯប្រពន្ធ ឈ្មោះជឿន ចាន់ណែត អាយុ២២ឆ្នាំ ។
បច្ចុប្បន្នសមត្ថកិច្ចថៃបានរក្សាសពដើម្បីស្រាវជ្រាវរកក្រុមគ្រួសារសាច់ញាតិក្នុងការបញ្ជូនសពមកកាន់ប្រទេសកម្ពុជាវិញ ៕
