ឪពុក​ក្មេងស្រី​នៅតែ​ថា កូនស្រី​គាត់​ត្រូវគេ​ចាប់​បង្ខាំង តែ​សមត្ថកិច្ច​ថា គ្មាន​
ដោយ មេគង្គ ប៉ុស្តិ៍ ចេញផ្សាយ​ ថ្ងៃទី 7 August, 2018 ក+ ក-

​ភ្នំពេញ ៖ ក្រោយពេល​លេច​ឭ​ពត៍​មាន​ផ្សព្វផ្សាយ​ថា​មាន​ករណី​ជន​មិន​ស្គាល់មុខ​មួយក្រុម​បាន​ចាប់​យុវតី​សិស្ស​វិទ្យា​ល​យ័​ទួល​អំពិល​កាលពី​រសៀល​ថ្ងៃទី​៣​ខែសីហា​ឆ្នាំ​២០១៨​ស្ថិតនៅ​ផ្លូវ​៥០​ម៉ែត្រ​ភូមិ​ពាម​សង្កាត់​ព្រៃ​ស​ខណ្ឌដង្កោ​រាជធានី​ភ្នំពេញ​ដែល​បាន​អះអាង​ពី​ឪពុក​បង្កើត​របស់​យុវតី​រងគ្រោះ​ខាងលើ​តាម​ការរៀបរាប់​ពី​កូនស្រី​របស់គាត់​។​
​បន្ទាប់ពី​ទទួលបាន​ពត៍​មាន​ថា​មាន​ករណី​ចាប់​បង្ខាំង​ក្មេងស្រី​ជាង​១០​នាក់​យកទៅ​លាក់ទុក​ក្នុងផ្ទះ​មួយកន្លែង​នៅ​ខណ្ឌចំការមន
​ក្រសួងមហាផ្ទៃ​សហការ​ណ៏​ជាមួយ​អគ្គស្នងការ​នគរបាល​ជាតិ​ស្នងការ​នគរបាល​រាជធានី​ភ្នំពេញ​អធិការដ្ឋាន​នគរបាល​ខណ្ឌដង្កោ​និង​កម្លាំង​អាវុធហត្ថ​បាន​បើក​ការស្រាវជ្រាវ​យ៉ាង​យកចិត្តទុកដាក់​បំផុត​

​និង​បាន​ប្រមូល​ពាក្យបណ្តឹង​តាម​បណ្តា​ប៉ុស្តិនគរបាល​រដ្ឋបាល​ទាំង​២៥​ខេត្ត​ក្រុង​ពុំមាន​បានទទួល​បណ្តឹង​ពី​អ​ណា​ព្យាបាល​ក្មេងស្រី​១០​នាក់​ផ្សេងទៀត​ដែល​បាន​បាត់​កូន​របស់ខ្លួន​នោះទេ​ដូច្នេះ​ការនិយាយ​របស់​យុវតី​ស៊ុម​ណាវិន​ដែលថា​មាន​យុវតី​ជាង​១០​នាក់​ដែល​ជន​មិន​ស្គាល់មុខ​បង្ខាំង​ទុក​យកទៅលក់​នោះ​ដូចជា​រៀង​ប្រឌិត​ដើម្បី​ឆ្លើយ​យករួចខ្លួន​ពី​ឪពុកម្តាយ​របស់​នាង​ដែល​ខ្លួន​បាន​បាត់​ពី​ផ្ទះ​អស់​រយះពេល​៣​ថ្ងៃ​ក្រែង​ឪពុកម្តាយ​រករឿង​ទើប​នាង​ឆ្លើយ​ដូច្នេះ​។​

​តែ​ទោះជា​យ៉ាងណា​ឪពុក​យុវតី​ខាងលើ​នោះ​នៅតែ​អះអាងថា​កូន​គាត់​ត្រូវគេ​ចាប់​ញាត់​ចូល​រថយន្ត​ដឹក​យកទៅ​បង្ខាំង​ទុក​ជាមួយ​ក្មេងស្រី​១០​នាក់​ផ្សេង​ទៀតហើយ​នៅ​ព្រឹក​មិញ​នេះ​រូបគាត់​ក៏បាន​នាំ​សមត្ថកិច្ច​ទៅ​ចង្អុល​ចំនុច​ដែល​ពួក​ជនសង្ស័យ​ចាប់​កូន​របស់គាត់​។​

​ទោះជា​យ៉ាងណា​ថា​រឿងនេះ​ជាការ​ពិត​ឬ​ជាការ​ប្រឌិត​នោះ​សមត្ថកិច្ច​នៅតែ​បន្ត​រការ​ស្រាវ​រងចាំ​យុវតី​ខាងលើ​ចេញពី​មន្ទីរពេទ្យ​សិន​ដោយសារតែ​ពេលនេះ​នាង​កំពុងតែ​សម្រាក​ព្យាបាល​នៅ​មន្ទីរពេទ្យ​ព្រោះ​អាកា​រះ​របស់​យុវតី​រងគ្រោះ​នេះ​ពុំទាន់​បាន​ធូ​ស្បើយ​នៅឡើយ​នោះទេ​។​