ជនបរទេស​២​នាក់​ត្រូវ​ចោរឆក់​ខ្សែករ​មិនបាន​សម្រេច​នៅ​ទឹក​នៅ​ខណ្ឌចំការមន​
ដោយ មេគង្គ ប៉ុស្តិ៍ ចេញផ្សាយ​ ថ្ងៃទី 7 August, 2018 ក+ ក-

​ភ្នំពេញ​៖ នៅពេល​អាហារ​ថ្ងៃត្រង់​រួម​សមត្ថកិច្ច​កំពុងតែ​លង់លក់​នឹង​ដំណេក ក្រុម​ដៃ​ស្អិត​បាន​ឆ្លៀតឱកាស​ធ្វើ​សកម្មភាព​ចេញ​ឆក់​ខ្សែករ​ជនជាតិ​បរទេស​២​នាក់​តែ​មិនបាន​សម្រេច ហេតុការណ៍​នេះ​បាន​បង្កអោយមាន​ការណ៍​ផ្អើល​ឆោ​រ​ឡោ កាលពី​វេលា​ម៉ោង​1​និង​៤៥​នាទី​ថ្ងៃទី​៧​ខែសីហា​ឆ្នាំ​២០១៨ តាម​បណ្តោយ​ផ្លូវ​១៦៣​កែង​នឹង​ផ្លូវ​៩២៩​ទល់មុខ​សកល​វិ​ទ្យ​ល័យ​ធនធានមនុស្ស ដែល​ស្ថិតក្នុង​សង្កាត់​អូ​ឡាំ​ពិ​ច ខណ្ឌចំការមន រាជធានី​ភ្នំពេញ​។

​ជនបរទេស​ដែល​ត្រូវ​ក្រុម​ដៃ​ស្អិត​ធ្វើ​សកម្មភាព​ឆក់​ខ្សែក​នោះ​មាន​គ្នា​២​នាក់ (​ប្តី​ប្រពន្ធ​) ខ្សែ​កមាស​។ ជនសង្ស័យ​មាន​គ្នា​២​នាក់​ជិះ​ម៉ូតូ​ម្នាក់​១​គ្រឿង​មិន​ចាំ​ម៉ាក​។

​សាក្សី​ដែល​ឃើញ​ហេតុការណ៍​បានអោយដឹងថា មុនពេល​កើតហេតុ ជនបរទេស​ប្រុស​ស្រី​ទាំង​២​នាក់​បានធ្វើ​ដំណើរ​ចេញពី​ហាង​លក់​អីវ៉ាន់​មួយកន្លែង ពេលដែល​មកដល់​ចំណុចកើតហេតុ ស្រាប់តែ​លេចមុខ​ជនសង្ស័យ ម្នាក់​ជិះ​ម៉ូតូ​មិន​ចាំ​ម៉ាក​ធ្វើ​ស​កមម​ភាព​ឆក់​ខ្សែករ​នោះ​ដាច់​ធ្លាក់​ជ្រុះ តែ​មិនបាន​សម្រេច​ទេ ទើប​ព្យាយាម​ជិះ​រត់គេចខ្លួន ទាំង​២​ម៉ូតូ​បាត់ស្រមោល​។

​នៅពេល​មាន​ហេតុការណ៍​នេះ​ប្រជាពលរដ្ឋ​មិនបាន​ឃើញ​វត្តមាន​សមត្ថកិច្ច​ដែល​ឈរជើង​នៅ​ចំណុច​នេះ​ទេ ។​

​សូម​បញ្ចា​ក់ថា រាល់ពេល​ដែលមាន​ករ​ណី ឆក់ ប្លន់ លួច មិនដែល​ឃើញ​សមត្ថកិច្ច​ប៉ុស្តិ៍នគរបាល​អូ​ឡាំ​ពិ​ច​ចាប់បាន​ម្តងណា​ទេ ឃើញតែ​ប្រជាពលរដ្ឋ​ចាប់​ប្រគល់អោយ​សមត្ថកិច្ច ដើម្បីអោយ​យក​ស្នាដៃ​តែ​ប៉ុន​ណ្ណោះ​។

​ក្រោយពេល​កើតហេតុ ជនបរទេស​ទាំង​២​នាក់​ប្តី​ប្រពន្ធ​មិនបាន​ទៅ​ដាក់​ពាក្យបណ្តឹង​ទេ គឺ​បាន​យក​ខ្សែក​ទៅវិញ រួច​បន្តដំណើរ​ទៅមុខទៀត​ទាំង​ទឹកមុខ​ភ័យខ្លាច​៕​