ប៉ោយប៉ែត ៖ ជារៀងរាល់យប់ ថ្ងៃ ទំនិញគ្រប់ប្រភេទ រាប់បញ្ចូលទាំងរថយន្តស៊េរីទំនើបៗ និងម៉ូតូ គេចពន្ធផងដែរ ត្រូវបានក្រុមឈ្មួញនាំចូលមកកម្ពុជា ក្រោមការឃុបឃិតពីមន្ត្រី ជំនាញប្រចាំច្រក ព្រំដែនខាងលើនេះយ៉ាងអនាធិបតេយ្យ ខណៈរាជរដ្ឋាភិបាលកំពុងជាប់ដៃ ក្នុងការរៀបចំការប្រព្រឹត្តិ ទៅនៃគណៈរដ្ឋមន្ត្រី និងបង្កើតរាជរដ្ឋាភិបាលក្រោយការបោះឆ្នោត ដែលទើបតែបានបញ្ចប់ទៅនា ពេលថ្មីៗនេះ។
ប្រភពព័ត៌មានដែលគួរឲ្យទុកចិត្ត បានប្រាប់ឲ្យដឹងថា ច្រករបៀងដែលក្រុមឈ្មួញឃុបឃិតគ្នាជាមួយមន្ត្រីជំនាញនោះ គីមានចាប់តាំងពីច្រករបៀងណងចាន់ ឋិតក្នុងភូមិជោគជ័យ ច្រករបៀងអូរបីជាន់ ឋិតក្នុងភូមិអូរបីជាន់ និងច្រករបៀងព្រៃចាន់ ឋិតក្នុងភូមិព្រៃចាន់ និងច្រករបៀងមួយចំនួនទៀត ក្នុងស្រុកអូរជ្រៅ ខេត្តបន្ទាយមានជ័យ ។
ប្រភពព័ត៌មានដដែលបានឲ្យដឹងទៀតថា នៅតំបន់ច្រករបៀងអូរបីជាន់នេះ គ្រប់គ្រងដោយកងយោធាការពារព្រំដែន៥០៣ និងនគរបាលការពារព្រំដែនគោកផងដែរ។រាល់ទំនិញ និងសត្វព្រៃ ត្រូវគេ នាំចូលមកកម្ពុជានៅពេលយប់ ចំណែកម៉ូតូ និងរថយន្តស៊េរីទមនើបៗ នាំចូលមកកម្ពុជានៅពេលថ្ងៃរសៀល ឬពេលយប់ក៏មានដែរ ទៅតាមការផ្តល់ដំណឹងពីអ្នកមើលផ្លូវ ឬអ្នករត់ការឲ្យតម្រុយទៅក្រុមបក្ខពួកនៅខាងក្នុង ។
ប្រភពបន្ថែមថា ច្ររបៀង ដែលនាំចូលម៉ូតូច្រើនជាងគេក្នុង១ថ្ងៃ មិនក្រោមពី៣០គ្រឿងនោះ គឺច្រករបៀងក្នុងឃុំ និងស្រុកស្វាយចេក ជាពិសេសក្នុងភូមិដំណាក់កកោះ ដែលនៅទីនោះ គ្រប់គ្រងដោយយោធាការពារព្រំដែនគោក៥០៣ ។
សូមរំលឹកថា សម្ដេចក្រឡាហោម ស ខេង ធ្លាប់បានមានប្រសាសន៍ថា ច្រករបៀងនៅតាមខ្សែបន្ទាត់ព្រំដែនដើម្បីសំដៅទប់ស្កាត់ រាល់បទល្មើសឧក្រិដ្ឋកម្ម ឬទំនិញខុសច្បាប់ឆ្លងដែន ដែលធ្វើឲ្យបាត់បង់ពន្ធចូលរដ្ឋយ៉ាងច្រើនសន្ធឹកសន្ធាប់ និងបង្កគ្រោះថ្នាក់ដល់អាយុជីវិត ប្រជាពលរដ្ឋដោយសារតែជនខិលខូច ជួញដូរមនុស្សឆ្លងដែន និងបោកបញ្ឆោតពលរដ្ឋខ្មែរចូលទៅកាប់ឈើគ្រញូងខុសច្បាប់ នៅក្នុងទឹកដីថៃ រងនូវការបាញ់សម្លាប់ និងចាប់ដាក់គុកពីសំណាក់សមត្ថកិច្ចថៃ ។
ទាក់ទិននឹងករណីខាងលើនេះ អ្នកសារព័ត៌មាន មិនទាន់ទទួលបានការបកស្រាយពីយោធាដែលឈរជើងទីនោះនៅឡើយទេ ដោយសារមិនស្គាល់លេខទូរស័ព្ទ៕
( ជ្រូកនាំចូលតាមចក្របឹងត្រកួន ដែលភាគច្រើនមិន
បង់ពន្ធ និងមិនសុខភាព)
( ឯកសារយានយន្ត និងស្លាកលេខម៉ូតូថៃ ដែលគេដោះចោលក្នុងព្រៃ
លើទឹកដីកម្ពូជា មុនពេលបញ្ជូនចេញពីតំបន់បឹងត្រកួន)
(
