ក្រុងប៉ៃលិន ៖ មនុស្ស៤នាក់ បានស្លាប់ និងរបួសធ្ងន់ម្នាក់ ក្នុងករណីដាច់ខ្សែរ៉កយោងមនុស្ស និងសម្ភារៈ ធ្លាក់មកក្រោមក្នុងការដ្ឋានសំណង់សណ្ឋាគារ Diamond Crown និងកាស៊ីណូ ស្ថិតក្នុងភូមិផ្សារព្រំ ឃុំស្ទឹងកាច់ ស្រុកសាលាក្រៅ ខេត្តប៉ៃលិន កាលពីម៉ោង ៧ព្រឹកថ្ងៃទី៤ ខែកញ្ញា ឆ្នាំ២០១៨។
សមត្ថកិច្ចបានឲ្យដឹងថា ជនរងគ្រោះរួមមាន ៖ទី១-ឈ្មោះ ធន កក ភេទប្រុស អាយុ២០ឆ្នាំ (ស្លាប់), ទី២-ឈ្មោះ បុរី ភេទប្រុស អាយុ២៣ឆ្នាំ (ស្លាប់), ទី៣-ឈ្មោះ ប្រាក់ ឃឿន ភេទ ប្រុស អាយុ៣៨ឆ្នាំ (ស្លាប់), ទី៤-ឈ្មោះ លីម វែង ភេទ ប្រុស អាយុ ១៨ឆ្នាំ (ស្លាប់) និងទី៥-ឈ្មោះ តន ភេទ ប្រុស អាយុ ៣២ឆ្នាំ បញ្ជូនទៅព្យាបាលនៅមន្ទីរពេទ្យខេត្តបាត់ដំបង។
បច្ចុប្បន្ន សពជនរងគ្រោះ ត្រូវបានក្រុមគ្រួសារយកទៅធ្វើបុណ្យតាមប្រពៃណី ចំណែកជនរងគ្រោះរងរបួសធ្ងន់ បញ្ជូនទៅកាន់មន្ទីរពេទ្យបង្អែកខេត្ត ដើម្បីព្យាបាល និងសង្គ្រោះបន្ទាន់៕
ហេតុការណ៍គ្រោះថ្នាក់នេះ ត្រូវបានសន្និដ្ឋានថា បណ្តាលមកពីមេជាងសំណង់ខ្វះការប្រុងប្រយ័ត្ន មិនត្រួតពិនិត្យសម្ភារៈ គ្រឿងចក្រសំណង់ឲ្យបានត្រឹមត្រូវ៕ ប . សផល
