ព្រះសីហនុ ៖ ក្រោយពីមានព័ត៌មានជាច្រើននិយាយអំពីការចាក់ដីលុបឆ្នេរព្រែកត្រែង សម្ដេចនាយករដ្ឋ មន្ត្រីតេជោ ហ៊ុន សែន បានបញ្ជូនលោក ជា សុផារ៉ា រដ្ឋមន្ត្រីក្រសួងដែនដី និងជាប្រធាន គណៈ កម្មការគ្រប់គ្រងឆ្នេរ ឲ្យចុះទៅពិនិត្យសកម្មភាពនេះ។
បន្ទាប់ពីការចុះពិនិត្យផ្ទាល់រួចមក នៅថ្ងៃទី១៨ ខែកញ្ញា គណៈកម្មាធិការជាតិគ្រប់គ្រងនិងអភិវឌ្ឍតំបន់ឆ្នេរសមុទ្រកម្ពុជា បានបានចេញលិខិតព្រមានផ្អាកការសាងសង់ និងផ្អាកការធ្វើអាជីវកម្ម ជាបណ្ដោះអាសន្ន នូវសំណង់លំនៅឋាន ពាណិជ្ជកម្ម សេវាកម្ម សណ្ឋាគារ ភោជនីយ ដ្ឋាន និងរោងចក្រ ដែលមានស្រាប់ ឬគម្រោងសាងសង់ថ្មី ប្រសិនបើមិនបានគោរពតាមការណែនាំ ស្ដីពីការរៀបចំអាងប្រព្រឹត្តកម្មទឹកកខ្វក់ អាងបង្គន់អនាម័យ និងប្រព័ន្ធបណ្ដាញលូ។
ក្នុងលិខិតនេះ ក៏បានបញ្ជាក់ពីគោលបំណង គឺដើម្បីធានាបានការអភិវឌ្ឍប្រកបដោយចីរភាព ផាសុកភាព សោភ័ណភាព គុណភាពទឹកសមុទ្រ ធនធានសមុទ្រ ប្រព័ន្ធអេកូឡូស៊ី ជីវៈចម្រុះ និងឆ្នេរខ្សាច់កម្សាន្ត៕
