៩​ខែ​ដើម​ឆ្នាំនេះ បង្ក្រាប​គ្រឿងញៀន ៥.៦៤១​ករណី ឃាត់ខ្លួន​១១.២៧៥​នាក់​
ដោយ មេគង្គ ប៉ុស្តិ៍ ចេញផ្សាយ​ ថ្ងៃទី 30 September, 2018 ក+ ក-

​ភ្នំពេញ ៖ រយៈពេល​៩​ខែ ក្នុង​ឆ្នាំ​២០១៨ នេះ សមត្ថកិច្ច​បានធ្វើការ​បង្ក្រាប​បទល្មើស​គ្រឿងញៀន​សរុប​ចំនួន​៥.៦៤១​ករណី លើ​គោលដៅ​ចំនួន ៦.២៩៥​ករណី ឃាត់ខ្លួន​មនុស្ស ១១.២៧៥​នាក់ ក្នុង ចំណោម​ជនសង្ស័យ​១៣.៦៩១​នាក់ ចាប់យក​សារធាតុ​ញៀន​គ្រប់​ប្រភេទ​សរុប ៤៨៩,៩៦ គីឡូ ក្រាម និង​៧៩០​កញ្ចប់ ក​ញ្ជា​ក្រៀម ២៥,៩៦ គីឡូក្រាម ក​ញ្ជា​ស្រស់ ១៤១.៦៨៣​ដើម និង​មធ្យោបាយ​សម្ភារៈ វត្ថុតាង​មួយចំនួនទៀត​។ នេះ​បើ​យោងតាម​របាយការណ៍​អនុវត្ត​ផែនការ​យុទ្ធនា ការប្រយុទ្ធប្រឆាំង​គ្រឿងញៀន​ខុសច្បាប់ លើក​ទី​៣ រយៈពេល​ល​៩​ខែ ឆ្នាំ​២០១៨ ដែល​បាន​ផ្សព្វ ផ្សាយ​នៅក្នុង​កិច្ចប្រជុំ​នៅ​ព្រឹក​ថ្ងៃទី​២៨ ខែកញ្ញា នេះ ក្រោម​អធិបតីភាព​នាយ​ឧ​ត្ត​ម​សេនីយ៍ នេ​ត សាវឿន អគ្គស្នងការ​នគរបាល​ជាតិ​។​

​ក្នុងនោះ​ករណី​ជួញដូរ ៣.៥៧២​ករណី ឃាត់ខ្លួន​មនុស្ស​៦.៤៩៤​នាក់​។ ករណី​សំយោគ កែច្នៃ ២​ករណី ឃាត់ខ្លួន​២​នាក់​។​ករណី​ដាំ​ដុះ ៣០​ករណី ឃាត់ខ្លួន​៤​នាក់ ករណី​ប្រើប្រាស់​២.០៣៧​ករណី ឃាត់ខ្លួន ៤. ៧៧៣​នាក់​។​

របាយការណ៍​ដដែល​ប​ញ្ចា​ក់ថា រយៈពេល​៩​ខែ ដើមឆ្នាំ​២០១៨ នេះ​សកម្មភាព​បង្ក្រាប​ករណី​ធំៗ ដែល​ល​មាន​សារធាតុ​ញៀន​ចាប់​ពីមួយ​គីឡូក្រាម​ឡើង មាន ៤២​ករណី ចាប់យក​សារធាតុ​សរុប ៤៦០,៣៥​គីឡូក្រាម និង​ចាប់បាន​មេក្លោង​ចំនួន​១៦​នាក់ ខ្សែរយៈ​បណ្តាញ​ចំនួន​៥៧​នាក់ ៕