​លោក សួន វិសាល បន្ត​ជាប់ឆ្នោត​ជា​ប្រធាន​គណៈមេធាវី ក្នុង​អាណត្តិ​ទី​១២
ដោយ មេគង្គ ប៉ុស្តិ៍ ចេញផ្សាយ​ ថ្ងៃទី 17 October, 2018 ក+ ក-

​ភ្នំពេញ ៖ លោក សួន វិសាល បាន​បន្ត​ជាប់ឆ្នោត​ជា​ប្រធាន​គណៈមេធាវី​ដដែល​សម្រាប់​អាណត្តិ​ទី​១២ នេះ​។ លទ្ធផល​ដែល​បានប្រកាស​នា​រសៀល​ថ្ងៃទី​១៦ ខែតុលា ឆ្នាំ​២០១៨ នេះ បង្ហាញថា លោក សួន វិសាល ទទួលបាន​សំឡេង ៩៣០ ចំណែក​លោក សំ សុ​គង់ ដែល​បាន​ឈរឈ្មោះ​ប្រជែង​យក តំណែង​នេះ ទទួលបាន​សំឡេង ២៨៨​។

​គួរ​បញ្ជាក់ថា មេធាវី​ម្នាក់ អាច​ធ្វើជា​ប្រធាន​គណៈមេធាវី បានតែ​២​អាណត្តិ​ប៉ុណ្ណោះ ហើយ ក្នុង​១ អាណត្តិ មាន​រយៈពេល​២​ឆ្នាំ​។ លោក សួន វិសាល បាន​ជាប់ឆ្នោត​ជា​ប្រធាន​គណៈ មេធាវី ជា​លើក ទី​១ កាលពី​ឆ្នាំ​២០១៦ សម្រាប់​អាណត្តិ​១១​។ សម្រាប់​អាណត្តិ​ទី​១២​នេះ មាន​បេក្ខជន ប្រកួត ប្រជែង​ក្នុង​តំណែង​នេះ តែ​ម្នាក់​ប៉ុណ្ណោះ គឺ​លោក សំ សុ​គង់ ។ លោក សួន វិសាល ដែល មាន​វ័យ​៥៣​ឆ្នាំ បាន​ស្បថ​ចូល​ធ្វើជា​មេធាវី​តាំងពី​ឆ្នាំ​១៩៩៨​មក​៕