ភ្នំពេញ ៖ រដ្ឋាភិបាលចិន តាមរយៈអង្គការ CATAS (Chinese Academy of Tropical Agricultural Sciense ) នៃប្រទេសចិន នៅថ្ងៃទី៣០ ខែតុលា ឆ្នាំ២០១៨ បានចុះអនុស្សរណៈយោគយល់គ្នា ជាមួយភាគីកម្ពុជា តាមរយៈរដ្ឋមន្ត្រីក្រសួងការងារ ឯ.ឧ. អ៊ិត សំហេង ដើម្បីជួយអភិវឌ្ឍន៍ លើវិស័យកសិកម្ម នៅកម្ពុជា ឲ្យកាន់តែល្អប្រសើរបន្ថែមទៀត ដោយផ្តោតការបណ្តុះបណ្តាល ធនធាន មនុស្សលើជំនាញបម្រើឲ្យវិស័យសិកម្ម។
លោក ឡៅ ហ៊ីម អគ្គនាយកនៃអគ្គនាយកដ្ឋានអប់រំបណ្តុះបណ្តាលបច្ចេកទេស និងវិជ្ជាជីវៈ នៃក្រសួងការងារ និងបណ្តុះបណ្តាល វិជ្ជាជីវៈ បានឲ្យដឹងថា គោលដៅនៃអនុស្សរណៈ គឺចង់បង្កើនសមត្ថភាព ក្នុងការកែច្នែផលិតផល កសិកម្ម និងលើកកម្ពស់ការអភិវឌ្ឍវិស័យកសិកម្ម ប្រកប ដោយ និរន្តរភាពទាំងនៅប្រទេសចិន និងកម្ពុជា ពិសេសជួយកសិករខ្មែរ ឲ្យចេះច្នៃផ្នែកដាំដុះក៏ ដូច ជា ការប្រមូលផល ធ្វើយ៉ាងណាឲ្យការប្រមូលផល ត្រូវនឹងនិន្នាការ បច្ចុប្បន្ន និងអនាគត ដូចជាការ ប្រើប្រាស់ជី និងការប្រើប្រាស់ពូជជាដើម៕
