៩ខែនេះ មានរោងចក្របើកថ្មីសរុប១២៩ ក្នុងនោះរោងចក្រកាត់ដេរចំនួន៦៩
ភ្នំពេញ ៖ រយៈពេល៩ខែដើមឆ្នាំនេះ កម្ពុជាមានរោងចក្រថ្មីសរុប១២៩ ត្រូវបានបើកដំណើរការ ក្នុងនោះមាន ចំនួន៦៩ ជារោងចក្រកាត់ដេរ ខណៈដែលរោងចក្រកាត់ដេរចំនួន៣២ ត្រូវបានបិទទ្វារក្នុងអំឡុងពេលនេះដែរ ធ្វើឲ្យកម្មករគ្មានការងារធ្វើសរុប ១៨.៦៤៥ នាក់។ នេះបើយោងតាមរបាយការណ៍ បានពីក្រសួងឧស្សាហកម្ម និងសិប្បកម្ម។
សូមជម្រាបថា វិស័យឧស្សាហកម្មកាត់ដេររបស់កម្ពុជាបានរកចំណូលបាន ៥,៣២ពាន់លានដុល្លារ ក្នុងរយៈពេល៨ខែដំបូងក្នុងឆ្នាំនេះ ខណៈរាជរដ្ឋាភិបាលកម្ពុជា បានចំណាយថវិកាប្រមាណ ២២ លានដុល្លារ សម្រាប់បើកប្រាក់បៀវត្សរ៍ជូនកម្មករ ដែលត្រូវថៅកែបិទទ្វាររោងចក្រ៕
