១០​ខែ​នេះ ការនាំចេញ​អង្ករ​របស​កម្ពុជា​ធា្ល​ក់​ចុះ​ជាង ១៣​ភាគរយ
ដោយ មេគង្គ ប៉ុស្តិ៍ ចេញផ្សាយ​ ថ្ងៃទី 13 November, 2018 ក+ ក-

​ភ្នំពេញ ៖ លេខាធិការដ្ឋាន​ច្រកចេញចូល​តែមួយ សម្រាប់​បំពេញបែបបទ​នាំចេញ​អង្ករ បាន​បង្ហាញថា ក្នុង​រយៈពេល​១០​ខែ ឆ្នាំ​២០១៨ កម្ពុជា​បាន​នាំ​អង្ករ​ចេញ​ចំនួន​សរុប ៤៣៤.៨០៧​តោន ធា្ល​ក់​ចុះ ១៣,២០ ភាគរយ បើ​ធៀប​នឹង​រយៈពេល​ដូចគ្នា​ឆ្នាំ​២០១៧ ដែលមាន​ចំនួន ៤៩២.១១៥​តោន​។​

​សូម​រំលឹកថា កន្លងមក​បារាំង ជា​ប្រទេស​ឈរ​លំដាប់​ទី​១ ក្នុង​ការនាំ​អង្ករ​ចូល​ពី​កម្ពុជា ប៉ុន្តែ​បច្ចុប្បន្ន​លំដាប់​លេខ​១​នេះ បាន​ធា្ល​ក់​ទៅ​ប្រទេស​ចិន​វិញ​។

​តាម​របាយការណ៍​បង្ហា​ញ​ថា កម្ពុជា​បាន​នាំចេញ​ទៅកាន់​ទីផ្សារ​អឺរ៉ុប មាន​ជាង ២១​ម៉ឺន​តោន តំបន់​អាស៊ាន មាន​ជិត ៤៦​ពាន់​តោន និង​តំបន់​ផ្សេងៗ​ទៀត​មាន​ជាង ១៨​ម៉ឺន​តោន​។ ដោយឡែក ប្រទេស​ដែល​ទិញ​អង្ករ​កម្ពុជា​ច្រើនជាងគេ​ក្នុង​រយៈពេល​នេះ មានដូចជា​ប្រទេស​ចិន​ចំនួន ១១៣.៥៣៧​តោន ប្រទេស​បារាំង​ចំនួន ៦៤.០៣២​តោន និង​ប្រទេស​ម៉ាឡេស៊ី មាន​ចំនួន ៣២.៥៣៧​តោន​៕