កម្ពុជា អាមេរិក នឹង​ចុះ​អនុស្សរណៈ​លើ​គម្រោង ស៊ើបអង្កេត​រួមគ្នា ដើម្បី​ទប់ស្កាត់​ឧក្រិដ្ឋកម្ម
ដោយ មេគង្គ ប៉ុស្តិ៍ ចេញផ្សាយ​ ថ្ងៃទី 15 November, 2018 ក+ ក-

​ភ្នំពេញ ៖ កម្ពុជា អាមេរិក គ្រោង​ចុះ​អនុស្សរណៈ​លើ​គម្រោង​ស៊ើបអង្កេត​រួមគ្នា ដើម្បី​ទប់ស្កាត់​ទៅលើ​បទល្មើស​ឧក្រិដ្ឋកម្ម​ផ្សេងៗ ដូចជា​ទប់ស្កាត់​បញ្ហា ជួញដូរ​គ្រឿងញៀន ការជួញដូរ​មនុស្ស​ខុសច្បាប់ ឧក្រិដ្ឋកម្ម​ឆ្លងដែន និង​បទឧក្រិដ្ឋ​នានា​។ នេះ​បើតាម​ការផ្សាយ​របស់​វេ​ប​សាយ​របស់​អគ្គស្នងការ​នគរបាលជាតិ​។

​គម្រោង​នេះ ត្រូវបាន​លើកយក​មក​ពិភាក្សា​ក្នុងជំនួប​រវាង ឯ​.​ឧ​.​នាយ​ឧ​ត្ត​ម​សេនីយ៍​សន្តិ​បណ្ឌិត នេ​ត សាវឿន អគ្គស្នងការ​នគរបាល​ជាតិ ជាមួយ​លោក ច​ន ឌី​. វៀល​សុន (Jonh D. Wilson) ដែលជា​អនុព័ន្ធ​ផ្នែក​ច្បាប់ តំណាង​ការិយាល័យ​ស៊ើបអង្កេត​សហព័ន្ធ អេ​ហ្វ​ប៊ី​អាយ អាមេរិក (FBI) កាលពី​ព្រឹក​ថ្ងៃទី​១៥ ខែវិច្ឆិកា ឆ្នាំ​២០១៨ នេះ នៅ​អគ្គស្នងការដ្ឋាន​នគរ​បាល​ជាតិ​។​

​ជាការ​ឆ្លើយតប ឯ​.​ឧ​.​នាយ​ឧ​ត្ត​ម​សេនីយ៍ នេ​ត សាវឿន បាន​ថ្លែង​ដោយ​ជំរុញអោយមាន​ការត្រួត​ពិនិត្យ​ខ្លឹមសារ អឹម​អូ​យូ (MoU) នេះ​បន្ថែមទៀត ដើម្បី​ព​ន្លឿ​ន​ពេលវេលា​នៃ​ការចុះ MoU លើ​គម្រោង ស៊ើបអង្កេត​រួមគ្នា នេះ ឲ្យ​បាន​ឆាប់​៕