ស្រាស្រវឹងជោកជាំ ដកកាំភ្លើងបាញ់មេឃ១គ្រាប់ ត្រូវសមត្ថកិច្ចចាប់ខ្លួន
ភ្នំពេញ ៖ បុរសម្នាក់ជាមន្ត្រីនគរបាលមួយរូបស្រវឹងស្រាជិះម៉ូតូម៉ាក ស៊ូរូស ពាក់ស្លាកលេខនគរបាល ហើយ មកឈប់ម៉ូតូនៅម្តុំផ្លូវទៅវត្តទួល មិនដឹងថាមានមូលហេតុអីនោះទេ ស្រាប់តែដកកាំភ្លើងខ្លីបាញ់មួយ គ្រាប់ តែត្រូវបានសមត្ថកិច្ចមកឃាត់ខ្លួនភ្លាមៗតែម្តង នៅវេលាម៉ោង ១០និង ៣០នាទីយប់ ថ្ងៃទី ១០ ខែធ្នូ ឆ្នាំ២០១៨ តាមបណ្តោយផ្លូវ99Rនៅចំណុចផ្លូវទៅវត្តទួល ស្ថិតនៅក្នុងភូមិបឹងសាឡាង សង្កាត់ឬស្សីកែវ ខណ្ឌឬស្សីកែវ។
សមត្ថកិច្ចបានឲ្យដឹងថា យ៉ាងណាក៏ដោយ ជនសង្ស័យដែលជាមន្ត្រីនគរបាល រួមនិងវត្ថុតាំង ត្រូវបាន សមត្ថកិច្ចកសាងសំណុំរឿងបញ្ចូន់ខ្លួនទៅកាន់តុលារដើម្បីចាត់ការទៅតាមផ្លូវច្បាប់ មិនអាចអនុញ្ញាត ឲ្យមន្ត្រីដែលមានសិទ្ធិប្រើប្រាស់អាវុធដើរបាញ់បោះសេរីតាមអំពើចិត្តនោះឡើយ៕
