ភ្នំពេញ ៖ រដ្ឋាភិបាលកូរ៉េខាងត្បូង បានផ្តល់ឥណទានជិត ៦៤លានដុល្លារអាមេរិក សម្រាប់សាងសង់ស្ថានីយ៍ ប្រព្រឹត្ដកម្មទឹកកខ្វក់នៅក្នុងក្រុងតាខ្មៅ ខេត្តកណ្តាល។
ពិធីចុះហត្ថលេខាទទួល និងផ្តល់ឥណទាន បានធ្វើឡើងនៅព្រឹកថ្ងៃទី២៦ ខែធ្នូ ឆ្នាំ២០១៨នេះ រវាងលោកទេសរដ្ឋមន្ត្រី ស៊ុន ចាន់ថុល រដ្ឋមន្ត្រី ក្រសួងសាធារណការ និងដឹកជញ្ជូន ជាមួយតំណាងក្រុមហ៊ុនទីប្រឹក្សាបច្ចេកទេស Dohwa Engineering Co.,Ltd.។
លោក ទេសរដ្ឋមន្ត្រី ស៊ុន ចាន់ថុល បានថ្លែងបញ្ជាក់ថា ស្ថានីយ៍ប្រព្រឹត្ដកម្មទឹកកខ្វក់នេះ មានសមត្ថ ភាព ចម្រោះ ៧.៦០០ម៉ែត្រគូប ក្នុង១ថ្ងៃ សាងសង់ស្ថានីយបូមចំនួន ១០ទីតាំង មានសមត្ថភាព បូម ២៩.៩៥២ ម៉ែត្រគូប ក្នុងមួយថ្ងៃ ដោយប្រើរយៈ ពេលសាងស់ប្រមាណ ៤៨ខែ។
គួរជម្រាបថា ស្ថានីយប្រព្រឹត្ដកម្មទឹកកខ្វក់នេះ មានសមត្ថភាពគ្រប់គ្រាន់ក្នុងការច្រោះសម្អាតទឹក កខ្វក់ ពិសេសមានប្រព័ន្ធបណ្ដាញលូ និងការតភ្ជាប់បណ្ដាញលូពីផ្ទះប្រជាពលរដ្ឋ មកកាន់ស្ថានីយ ប្រព្រឹត្ដកម្មទឹកកខ្វក់ និងការពារទឹកជំនន់ ជាដើម៕
