ភ្នំពេញ ៖ ខណៈដែលកម្ពុជាសម្រេចបានកំណើនសេដ្ឋកិច្ចប្រចាំឆ្នាំជាមធ្យមក្នុងរង្វង់៧% កម្ពុជានាពេលបច្ចុប្បន្ន ត្រូវបានទទួលស្គាល់ថា ជាប្រទេស មានកំណើនសេដ្ឋកិច្ចខ្ពស់ និងលឿនបំផុត លំដាប់ទី៦នៅលើពិភពលោក។
នេះបើតាមការថ្លែងបញ្ជាក់របស់ សម្ដេចតេជោ ហ៊ុន សែន នាយក រដ្ឋមន្ដ្រីនៃប្រទសកម្ពុជា នៅក្នុងពិធីអបអរសាទរខួបលើកទី៤០ឆ្នាំ នៃថ្ងៃជ័យជម្នះ៧មករា នៅពហុកីឡដ្ឋានជាតិអូឡាំពិក នាថ្ងៃទី ៧ ខែមករា ឆ្នាំ២០១៩ នេះ ក្នុងចំណោមមហាជនជាង៦ម៉ឺននាក់។
បើតាមការព្យាកររបស់ស្ថាប័នហិរញ្ញវត្ថុធំៗរបស់ពិភពលោក ដូចជា ធនាគារពិភពលោក ធនាគារ អភិវឌ្ឍអាស៊ី(ADB)មូលនិធិរូបិយវត្ថុអន្តរជាតិជាដើម ក៏មើលឃើញដែរថា កម្ពុជានៅតែបន្តកំណើន សេដ្ឋកិច្ចដ៏រឹងមាំក្នុងរង្វង់៧ភាគរយនៅឆ្នាំខាងមុខដែរ បើទោះជាកម្ពុជានៅមានបញ្ហា ប្រឈមមួយ ចំនួនដែលត្រូវបន្តដោះស្រាយក្តី៕
