លោក សុខ ឥសាន ៖ ករណី​លោក សម រង្ស៊ី ប្រកាស​វិល​ចូល​ស្រុក មិនបាច់​ត្រៀមកម្លាំង​ទទួល​ទេ គុក​ចាំ​ទទួល​រួចហើយ
ដោយ មេគង្គ ប៉ុស្តិ៍ ចេញផ្សាយ​ ថ្ងៃទី 22 January, 2019 ក+ ក-

​ភ្នំពេញ ៖ សមាសភាព​នៃ​អតីត​គណបក្ស​សង្គ្រោះ​ជាតិប្រមាណ​១៥​នាក់ រួមទាំង​លោក អេង ឆៃអ៊ាង ផងដែរ បានធ្វើ​សន្និសីទកាសែត​នៅក្រៅ​ប្រទេស បន្ទាប់​ធ្វើ​កិច្ចប្រជុំ​ជាមួយ​លោក សម រង្ស៊ី​ដោយ​ប្រយោល ដោយ​លើកឡើងថា នឹង​ត្រៀមកម្លាំង​មនុស្ស​ទៅ​ទទួល​លោក សម រង្ស៊ី ពេល​វិល​ត្រលប់​មកកាន់​ប្រទេស​កម្ពុជា​វិញ នៅពេល​ឆាប់ៗ​ខាងមុខនេះ​។

​ទាក់ទង​នឹង​ការប្រកាស​វិលត្រឡប់​របស់ លោក សម រង្ស៊ី មកកាន់​កម្ពុជា​នាពេល​នេះ លោក សុខ ឥសាន អ្នកនាំពាក្យ​គណបក្ស​ប្រជាជន​កម្ពុជា បាន​ឆ្លើយតប​ថា គឺជា​សង្គ្រាមចិត្តសាស្ត្រ ព្រោះ ប្រឆាំងនឹង​សាលដីកា​ស្ថាពរ និង​បិទផ្លូវ​តវ៉ា​របស់​តុលាការ​កំពូល ដែល​ត្រូវ​មានទោស​។

លោក បន្តថា «​មិនបាច់​ត្រៀម​ស្អី​ទេ ទ្វារ​បាន​បើកចំហ​រួចហើយ មាន​ខ្នោះដៃ និង​គុក​រង់ចាំ​ទទួល​រួចជាស្រេច មិន​ពិបាក​ទេ បើ​ពិបាក ពិបាក​រក សម រង្សី ដាក់​ខ្នោះ​មិនបាន ដោយសារ​ទណ្ឌិត សម រង្ស៊ី ជា​មនុស្ស​កំសាក​មិន​ហ៊ាន​មក​កម្ពុជា​ឡើយ​»៕