ភ្នំពេញ ៖ នៅថ្ងៃទី២៨ ខែមករា ឆ្នាំ២០១៩ មានករណីគ្រោះថ្នាក់ចរាចរណ៍ នៅទូទាំងប្រទេសកើតឡើង ចំនួន១៣លើក បណ្ដាលឲ្យមនុស្សស្លាប់៥នាក់ របួសស្រាល៦នាក់ និងរបួសធ្ងន់១៧នាក់ ។
តាមរបាយការណ៍ពីនាយកដ្ឋាននគរបាលចរាចរណ៍ នៃអគ្គស្នងការដ្ឋាននគរបាលជាតិ បានឲ្យដឹង ថា នៅក្នុងហេតុការណ៍គ្រោះថ្នាក់ចរាចរណ៍ទាំង ១១លើកនេះ បណ្ដាលឲ្យខូតខាតម៉ូតូចំនួន ១៤ គ្រឿង, រថយន្តតូច៧គ្រឿង, រថយន្តធំ២គ្រឿង, គោយន្ត១គ្រឿង និងថ្មើរជើងម្នាក់ ហើយមូលហេតុ ដែលបណ្ដាលឲ្យកើត មានគ្រោះថ្នាក់ចរាចរណ៍រួមមានល្មើសល្បឿន, ប្រជែង, មិនគោរពសិទ្ធិ និងមិនប្រកាន់ស្តាំ។
របាយការណ៍បញ្ជាក់ថា រយៈពេល២៨ថ្ងៃចាប់ពីថ្ងៃទី១ដល់ថ្ងៃទី២៨ ខែមករា ឆ្នាំ២០១៩នេះ មាន ករណីគ្រោះថ្នាក់ចរាចរណ៍នៅទូទាំងប្រទេសកើតឡើងចំនួន ២៩៧លើក បណ្ដាឲ្យមនុស្សស្លាប់ ចំនួន ១២៦នាក់, របួសធ្ងន់ ៣០០នាក់ និងរបួសស្រាល ១៦៣នាក់៕
