ភ្នំពេញ ៖ នារីវ័យក្មេងម្នាក់ ត្រូវបានបុរសម្នាក់ប្រើល្បិចឲ្យមិត្តភក្តិបបួលទៅញ៉ាំអាហារនៅត្រើយ ម្ខាង ព្រែកលៀប និងចូលច្រៀងខារាអូខេ រួចប្រើល្បិចថាជូននាងទៅផ្ទះ តែបែរជាឌុបចូលផ្ទះ សំណាក់ ចាប់បង្ខំរួមភេទមិនបានសម្រេច ទើបដឹកបន្តទៅកន្លែងស្ងាត់ ចាប់រំលោភរហូតបាន សម្រេច ហើយគេចខ្លួនបាត់ស្រមោលតែម្តង។

ហេតុការណ៍នេះ បានកើតឡើងកើតឡើងកាលពីវេលាម៉ោង ៣នឹង១៥នាទីទាបភ្លឺ ឈានចូលថ្ងៃទី ១១ ខែឧសភា ឆ្នាំ២០១៩ តាមបណ្តោយផ្លូវបឹងកក់ នៅចំណុចដីឡូមួយកន្លែង ក្នុងទឺកដីរដ្ឋបាល សង្កាត់ស្រះចក ខណ្ឌដូនពេញ។

នារីរងគ្រោះមានឈ្មោះ អែម ស្រីណា ហៅក្រៅ ស្រីពេជ្រ អាយុ២៩ឆ្នាំ ស្នាក់នៅម្តុំផ្លូវដីថ្មី សង្កាត់ ស្ទឹងមានជ័យ៣ ខ័ណ្ឌមានជ័យ៣។ តាមការរៀបរាប់របស់ជនរងគ្រោះបានអោយដឹងថា មុនពេល កើតហេតុខ្លួនបានស្គាល់មិត្តភ័ក្ដ្រស្រីម្នាក់ ទើបតែរយៈពេល ៣ខែប៉ុណ្ណោះ។ នៅមុនពេលកើតហេតុ វេលាម៉ោង ៩យប់ ក៏មិត្តភ័ក្រនោះបានជិះម៉ូតូកង់បី ឥណ្ឌា មកទទួលយកខ្លួន(ជនរងគ្រោះ) ទៅញ៉ាំ អីនៅខាងត្រើយម្ខាងព្រែកលៀប លុះពេលដែលញ៉ាំរួចហើយ ក៏បន្តទៅច្រៀងខារ៉ាអូខេបន្ត នៅម្តុំ ជ្រោយចង្វារ។

ខណៈដែលច្រៀងចប់រូចបុរសសង្ស័យម្នាក់ បានប្រើល្បិចជូននាងទៅផ្ទះដោយ និយាយថា ផ្ទះ ក្បែរគ្នា។ ដោយសារខ្លួន(ជនរងគ្រោះ)មិនមានម៉ូតូជិះផងនោះ ក៏ព្រមទៅជាមួយ រួចក៏ជិះម៉ូតូមួយគ្រឿង ម៉ាកហុងដាស្តុបពី ពណ៌ទឹកក្រូច ពាក់ស្លាកលេខភ្នំពេញ1HL-5880 ដែល ជាម៉ូតូរបស់ជន សង្ស័យ ហើយក៏ស្រាប់ជិះដឹកនាងចូលក្នុងផ្ទះសំណាក់ មួយកន្លែង នៅម្តុំផ្លូវទំនប់ ៧០ រួចបានចាប់បង្ខំរួមភេទ តែមិនបានសម្រេច ដោយសារនាងបា នស្រែកឡូឡាខ្លាំអៗ បង្កការ ភ្ញាក់ផ្អើលដល់សន្តិសុខផ្ទះសំណាក់ ហើយជនរងគ្រោះរត់ចេញក្រៅ ត្រូវបានជនសង្ស័យតាមលួង លោម អោយជិះម៉ូតូជាមួយ រួចដឹកចេញទៅម្តុំដីឡូមួយកន្លែង នៅក្នុងប្លុកបឹងកក់ រួចធ្វើសកម្មភាព ចាប់រំលោភនាងម្តងទៀតរហូតបានសម្រេច ដោយប្រើអំពើហឹង្សាទះកំភ្លៀងចំនួនមួយកំភ្លៀង ទៀត ផង។

នារីរងគ្រោះបន្តថា ក្រោយធ្វើសកម្មភាពរួចមក ជនសង្ស័យបានដឹករូបនាង យកទៅទំលាក់ចោល នៅម្តុំ DN ទើបបង្កការភ្ញាក់ផ្អើលទៅដល់សមត្ថកិច្ចមូលដ្ឋាន ចុះមកដល់កន្លែងកើតហេតុដើម្បីសាក សួរផងដែរ។

ក្រោយពេលកើតហេតុជនរងគ្រោះ បានសម្រេចទៅដាក់ពាក្យបណ្តឹង នៅប៉ុស្តិ៍រដ្ឋបាលនគរបាល ស្រះចក ដើម្បីអោយសមត្ថកិច្ចតាមស្រាវជ្រាវតាមជនបង្កហេតុយកមកផ្តន្ទាទោសទៅ តាមផ្លូវ ច្បាប់៕