ភ្លៀងរដូវវស្សានៅ​កម្ពុជា បន្តធ្លាក់ពីថ្ងៃទី១៩ ដល់ថ្ងៃទី២៥ ខែឧសភា
ដោយ មេគង្គ ប៉ុស្តិ៍ ចេញផ្សាយ​ ថ្ងៃទី 18 May, 2019 ក+ ក-

ភ្នំពេញ ៖ ចាប់ពីថ្ងៃទី១៩ ដល់ថ្ងៃទី២៥ ខែឧសភា ឆ្នាំ២០១៩ ស្ថានភាពអាកាសធាតុរបស់កម្ពុជា នឹងរងឥទ្ធិពលខ្យល់មូសុងនីរតី បង្កឲ្យមានភ្លៀងធ្លាក់រាប៉ាយនៅទូទាំងកម្ពុជា ។ នេះបើតាមការជូនដំណឹងរបស់ក្រសួងធនធានទឹក និងឧតុនិយម ។

សម្រាប់រយៈពេលមួយសប្តាហ៍ទៅមុខ អាកាសធាតុនៅកម្ពុជា មានដូចខាងក្រោម ៖

១. នៅថ្ងៃទី១៩-២០ ខែឧសភា កម្ពុជា នឹងទទួលរងនូវឥទ្ធិពលនៃជ្រលងសម្ពាធទាបខ្សោយ និងខ្យល់មូសុងនីរតី ដែលនឹងធ្វើឱ្យរាជធានី-ខេត្តមួយចំនួន មានភ្លៀងធ្លាក់ក្នុងកម្រិតពីខ្សោយទៅ មធ្យម ពុំរាយប៉ាយបានល្អឡើយ។

២. ចាប់ពីថ្ងៃទី២១-២៥ ខែឧសភា ជ្រលងសម្ពាធទាប និងខ្យល់មូសុងនីរតី ចាប់ផ្តើមបង្កើនឥទ្ធិ ពលឡើងវិញ ដែលជាហេតុធ្វើឱ្យកម្រិតទឹកភ្លៀង មានភាពកើនឡើងជាលំដាប់ ក្នុងកម្រិតពីមធ្យមទៅបង្គួរ ទន្ទឹមនឹងភាពរាយប៉ាយ ក៏កាន់តែបានល្អប្រសើរ។
៣. សីតុណ្ហភាពអតិបរមា ស្ថិតក្នុងចន្លោះពី ៣៣-៣៦អង្សារសេ។
៤. បាតុភូ (Thunderstorm) ផ្គររន្ទះ និងខ្យល់កន្រ្តាក់ នៅតែបន្តកើតមានច្រើន។

ការជូនដំណឹងខាងលើនេះ បន្ទាប់ពីក្រសួងបានតាមដានឃើញថា បាតុភូត El Nino ដែលកម្ពុជាបាននឹងកំពុងទទួលតាំងពីដើមឆ្នាំមក រហូតមកដល់ពេលនេះ នៅតែបន្តមានអត្ថិភាពនៅឡើយដោយគ្រាន់តែឥទ្ធិពលបានថយចុះជាបន្តបន្ទាប់តែប៉ុណ្ណោះ៕