ភ្នំពេញ ៖ យុវរជនម្នាក់ ត្រូវបានឃាតករចាក់ជាច្រើនកាំបិត បណ្តាលឲ្យ ដេកស្លាប់ក្នុង ថ្លុកឈាម ក្នុងបន្ទប់ជួលរបស់ឪពុកមា ដែលបើកធ្វើធ្មេញ។

ហេតុការណ៍នេះបង្កឲ្យ មានការ ភ្ញាក់ផ្អើលកាលពីវេលាម៉ោង៧និង៣០នាទីិព្រឹកថ្ងៃទី២០ខែ ឧសភា ឆ្នាំ ២០១៩ នៅចំណុច ផ្ទះជួលបើកពេទ្យធ្មេញស្ថិតនៅផ្សារត្រពាំងព្រាយ តាមបណ្តោយ ផ្លូវលេខ ១៥១ ក្នុងភូមិ បឹងធំសង្កាត់ពញ្ញាពន់ ខណ្ឌព្រែកព្នៅ ។

យុវជនរងគ្រោះដែលត្រូវឃាតករ សម្លាប់នោះ ឈ្មោះធន់ រ៉ាវីន អាយុ ១៩ឆ្នាំ មានលំនៅ ភូមិ ត្រគួន ឃុំក្រឡា ស្រុក កំពង់សៀម ខេត្តកំពង់ចាម ស្នាក់នៅជាមួយ ឪពុក មាឈ្មោះមឿន សុវត្ថា ជាពេទ្យ ធ្មេញនៅចំណុច កើតហេតុខាងលើ ។

តាមព័ត៌មានបានឲ្យដឹងថា នៅព្រឹកថ្ងៃ កើតហេតុ នៅពេល ដែលឪពុកមា មកដល់ និងបើកទ្វារ ចូលទៅក្នុង ក៍ប្រទះឃើញក្មួយដេកស្លាប់ក្នុងថ្លុកឈាមក្បែរគ្រែហើយ ក៍រាយការណ៍ប្រាប់ នគរបាលបង្កឲ្យមានការភ្ញាក់ផ្អើលតែម្តង ។

តាម ព័ត៌មានឲ្យដឹងទៀតថា នៅវេលាម៉ោង ៧យប់ យុវជនខាងលើនេះបានធ្វើដំណើរ ទៅចូលរួមហូបការអ្នកភូមិ នៅក្បែរនោះ ជំនួសឪពុកមា ។លុះនៅវេលាម៉ោង៩យប់ក៍បានចាកចេញ ត្រឡប់មកផ្ទះវិញហើយ ក៍បានទៅដើរលេង ហូបប្រហិតនៅម៉ាត់បឹងតាមោកជាមួយ សង្សា ដល់យប់ជ្រៅក៍បានត្រឡប់ទៅដេកវិញ ឯនាងជាសង្សារក៍បានត្រឡប់ទៅផ្ទះវិញដែរនៅឃុំម្នាក់ស្រុកអង្គស្នួលខេត្តកណ្តាល ស្រាប់តែ ព្រឹកឡើង ភ្ញាក់ផ្អើលត្រូវបានឃាតករសម្លាប់តែម្តង ។ទោះបីជាយ៉ាង គេពុំដឹងថាយុវជននោះ មានរឿងអ្វីនោះទេ បានគេត្រូវ ឃាតករចូលទៅសម្លាប់ក្នុងផ្ទះពេលកំពុងតែដេកលង់លក់។

ប្រភពបន្តថា នៅលើពូកនឹងភួយដណ្តប់លើគ្រែជនរងគ្រោះដេកមានប្រឡាក់ប្រេងសាំងហើយនៅលើខ្នងជនរងគ្រោះមានស្នាមឆេះរបកស្បែកដេកស្លាប់ធ្លាក់ពីលើគ្រែមានឈាមជោគជាំពេញដងខ្លួនស្នាមចាក់សុះសាច់សង្ស័យឃាតកម្ម បន្ទាប់ពីចាក់សម្លាប់រួចហើយគោលបំណងចាក់ប្រេងសាំងដុតសពជនរងគ្រោះបំបិតភស្ថ័តាងតែអាចរលត់មិនឆេះ។បើតាម សមត្ថកិច្ច មានការសង្ស័យ ជារឿង គំនុំ ហើយ អាចផ្តើមចេញពីស្នេហា ត្រីកោណ។
នៅកន្លែង កើតហេតុសុទ្ធតែ ឈាម ដែលមុនពេលស្លាប់ យុវជនរូបនោះអាចមានការប្រតាយប្រតប់គ្នា ជាមួយឃាតករ បណ្តាលឲ្យ ធ្លាក់ពីលើគ្រែហើយដេកស្លាប់ក្នុងថ្លុកឈាម តែម្តង។

ក្រោយពេលសមត្ថកិច្ចជំនាញបានពិនិត្យសពជនរងគ្រោះរួចបានបញ្ជាក់ថាយុវជនខាងលើត្រូវបានឃាតករចាក់សម្លាប់ពិតប្រាកដមែនហើយក៏បានប្រគល់សពឲ្យក្រុមគ្រួសារដឹកយកទៅធ្វើបុណ្យនៅស្រុកកំណើត តាមប្រពៃណី៕