ភ្នំពេញ ៖ កម្លាំងកងរាជអាវុធហត្ថរាជធានីភ្នំពេញបានសហការជាមួយកម្លាំងកងរាជអាវុធហត្ថខណ្ឌពោធិ៍សែនជ័យ ចុះបង្ក្រាប ហាងចិនចំនួន ៤កន្លែងដែលបង្កប់សេវាផ្លូវភេទឃាត់ជនជាតិចិន និងវៀតណាមចំនួន ២៩នាក់។

ក្នុងប្រតិបត្តិ ការណ៍ខាងលើនេះបានធ្វេីឡេីងកាលពីវេលា ម៉ោង ៨យប់ថ្ងៃទី៨ខែកញ្ញាឆ្នាំ២០១៩ នៅចំណុចហាង ៤កន្លែងជិតៗគ្នា ដែលទីតាំងទី១ មានយីហោ កន្លែងសំរាកកាយ ទី២យីហោ អេស៊ាងទីស្បាម៉ាស្សា ទី៣ យីហោ សំរាកលំហែរម៉ាស្សា ទី៤មានយីហោ ម៉ាស្សាផ្ទះក្រហម ទីតាំងទាំង៤ នៅតាមផ្លូវលេខ១១៣k ភូមិព្រៃទា ១សង្កាត់ចោមចៅទី៣ ខណ្ឌពោធិ៍សែនជ័យ ។

យោងតាមប្រភពព័ត៌មានពីកន្លែងកេីតហេតុបានឲ្យដឹងថា ទីតាំងខាងលេីជារបស់ជនជាតិចិនជួលបេីកហាង យីហោខាងលេីដោយមានបុគ្គលិកនារីៗជាជនជាតិចិននិងវៀតណាមជាច្រេីនដោយសង្ស័យទីតាំងខាងលេីបង្កប់សេវាផ្លូវភេទ។

ក្រោយពីទទួលដំណឹងពីប្រជាពលរដ្ឋកម្លាំងអាវុធហត្ថរាជធានីភ្នំពេញបានធ្វេីការស៊ើបអង្កេតរហូតចុះទៅបង្ក្រាបជាក់ស្តែងតែម្តងក្នុងប្រតិបត្តិការ ខាងលេីនេះកម្លាំងអាវុធហត្ថធ្វេីការឃាត់ខ្លួនមនុស្សប្រុសស្រីចំនួន២៩នាក់ក្នុងនោះនារី ចំនួន១៧នាក់ជនជាតិចិន១៤នាក់វៀតណាម៣នាក់និងបុរសជនជាតិចិន១២នាក់ផងដែរ។

ក្រោយឃាត់ខ្លួនជនសង្ស័យខាងលេីត្រូវបានកម្លាំងជំនាញ នាំខ្លួនទៅទីបញ្ជាការអាវុធហត្ថរាជធានីដេីម្បីកសាងសំណុំរឿងចាត់ការតាមផ្លូវច្បាប់ ដោយឡែកទីតាំងទាំង៤ខាងលេីត្រូវបានបិទទ្វាបណ្តោះអាសន្ន៕