ប្រឡងបាក់ឌុបនាឆ្នាំនេះ មានបេក្ខជនជាង១០ម៉ឺននាក់
រាជធានីភ្នំពេញ ៖ លោក ហង់ ជួនណារ៉ុន រដ្ឋមន្ត្រីក្រសួងអប់រំ យុវជន និងកីឡា បានថ្លែងថា បេក្ខជនប្រឡងសញ្ញាបត្រមធ្យមសិក្សាទុតិយភូមិ (បាក់ឌុប) នៅក្នុងឆ្នាំ២០១៧នេះ មានចំនួនសរុប ១០៣,១១២នាក់ ខណៈដែលចំនួននេះបើប្រៀបធៀបឆ្នាំ២០១៦ មានការកើនឡើងជាងឆ្នាំមុន ប្រមាណជាង ៩ពាន់នាក់ ។
ការបញ្ជាក់បែបនេះ របស់លោករដ្ឋមន្ត្រី ហង់ ជួនណារ៉ុន បានធ្វើឡើងនៅក្នុង សន្និសីទសារព័ត៌មាន ស្ដីពី ការរៀបចំប្រឡងសញ្ញាបត្រមធ្យមសិក្សាទុតិយភូមិចំណេះទូទៅ និងបំពេញវិជ្ជា សម័យប្រឡង ថ្ងៃទី២១ ខែសីហា ឆ្នាំ២០១៧ ។
លោក ហង្ស ជួនណារ៉ុន ក៏បានបញ្ជាក់បន្ថែមដែរថា ឆ្នាំនេះមានមណ្ឌលប្រឡងចំនួន១៧៨ មានការកើនឡើង ចំនួន២១មណ្ឌល បន្ទប់ប្រឡងមានចំនួន៤១៥៥បន្ទប់ កើនឡើងប្រមាណជាង៣៧៣បន្ទប់បើប្រៀបធៀបឆ្នាំ២០១៦កន្លងទៅ៕
