ភ្នំពេញ ៖ នៅថ្ងៃទី១២ ខែកក្កដា ឆ្នាំ២០១៧ វេលាម៉ោង១៥ និង០០នាទី ក្រោមការសម្របសម្រួលពីសំណាក់លោក ស៊ិន វិរះ ព្រះរាជអាជ្ញារង អធិការដ្ឋានបានបើកការបង្ក្រាបទីតាំងលេងល្បែងស៊ីសងប្រភេទ (ហ្គេមបាញ់ត្រី) មួយកន្លែង ស្ថិតនៅចំណុចសំណងមិនរៀបរយក្រោយប៉ុស្តិ៍នគរបាលរដ្ឋបាលទួលសង្កែផ្លូវលំ ក្រុម១៤ ភូមិផ្សារតូច សង្កាត់ទួលសង្កែ។
ជាលទ្ធផលនែកិច្ចប្រតិបត្តិការនេះសមត្ថកិច្ចយើងបានធ្វើការឃាត់មនុស្សចំនួន០២នាក់ រួមមាន ៖
១/ឈ្មោះ សេង បូរ៉ាវី ភេទប្រុស អាយុ២៨ឆ្នាំ ជនជាតិខ្មែរ ។ ២/ឈ្មោះ ម៉ាត់ វី ភេទប្រុស អាយុ២០ឆ្នាំ ជនជាតិខ្មែរ ។ ចំណែកវត្ថុតាងដកហូតរួមមាន ៖ ទូរហ្គេមបាញ់ត្រីចំនួន០១។ សៀវភៅកត់ពង់ចំនួន០១ក្បាល។ ប្រាក់ចំរៀលចំនួនប្រាំបួនម៉ឺនមួយពាន់រៀល(៩១០០០)។ ចំពោះមុខ អធិការដ្ឋានកំពុងកសាងសំណុំរឿងបញ្ជូនតាមនីតិវិធីទៅសាលាដំបូងរាជធានី៕
