កម្ពុជា នឹងមានភ្លៀងធ្លាក់រយៈពេល៤ថ្ងៃ នៅភ្នំពេញ និងខេត្តចំនួន ៦
ភ្លៀងនឹងធ្លាក់ពីតិចទៅបង្គួរ ចាប់ពីថ្ងៃទី៧ ដល់១០ ខែវិច្ឆិកា ឆ្នាំ២០១៨ រាជធានីភ្នំពេញ និងខេត្តមួយចំនួនដូចជា ខេត្តព្រៃវែង ស្វាយរៀង កំពង់ស្ពឺ កណ្តាល តាកែវ និងខេត្តកំពត អាចនឹង។ ដោយ ឡែកខេត្តកំពង់ឆ្នាំង ពោធិ៍សាត់ បាត់ដំបង សៀមរាប និងខេត្តបន្ទាយមានជ័យ អាច នឹងមានភ្លៀងធ្លាក់ពីតិចទៅមធ្យម ចាប់ពីថ្ងៃទី៧ ដល់ ៨ ខែវិច្ឆិកា ឆ្នាំ២០១៨។
តាមសេចក្តីជូនដំណឹងរបស់ក្រសួងធនធានទឹក និងឧតុនិយម នៅថ្ងៃទី៥ ខែវិច្ឆិកា បញ្ជាក់ថា ការធ្លាក់ភ្លៀងនេះ គឺដោយសារតែកម្ពុជា កំពុងទទួលរងឥទ្ធិពលជ្រលងសម្ពាធទាបគ្របដណ្តប់លើតំបន់ភាគខាងត្បូង និងតំបន់មាត់សមុទ្រ ខណៈតំបន់ភាគឦសាន និងតំបន់ភាគកណ្តាល គ្រប ដណ្តប់ដោយជ្រលងសម្ពាធខ្ពស់៕
