សំរាប់សប្តាហ៍ទី១ នៃខែមិនា ឆ្នាំ២០២៥ នារាត្រីថ្ងៃទី៩ មិនា នាផ្លូវថ្មើរជើង (Walk Street) ភ្នំពេញ ត្រូវបានរដ្ឋបាលរាជធានីភ្នំពេញរៀបចំបន្ថែមថ្មីឱ្យមានរបាំភួងនារី ( របាំបុរាណ) និង កំប្លែង (នាយក្រឹម) ហើយក្រៅពីហ្នឹងនៅមានជារបាំនេសាទ (របាំប្រពៃណី), ការសម្តែងតន្ត្រីបុរាណ, មហោរី និងរបាំប្រពៃណី, រាំវង់, សៀករហ័សកម្ម, ចាប៉ីសហគមន៏, បណ្ណាល័យចល័ត ដើម្បីបម្រើឱ្យការកំសាន្តសប្បាយរបស់ភ្ញៀវទេសចរជាតិនិងអន្តជាតិ។

សូមចុច Link ដើម្បីទស្សនាព័ត៌មានពិស្ដារ៖ https://youtu.be/cihSD0nXEqU

ក្នុងឱកាសសំណេះសំណាលជាមួយកម្មករនយោជិត និងសម្ពោធទារកដ្ឋាន នៅរោងចក្រម៉ាវ៉ល ហ្កាមិន នាព្រឹកថ្ងៃទី១០ ខែមីនា ឆ្នាំ២០២៥, សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា បានមានប្រសាសន៍ថា គោលនយោបាយជួយឧបត្ថម្ភដល់ស្រ្តីមានផ្ទៃពោះ រហូតដល់កូនមានអាយុ ២ឆ្នាំ គឺជានយោបាយរបស់សម្តេចតេជោ ហើយបន្តរហូតដល់រាជរដ្ឋាភិបាល នីតិកាលទី៧ នៃរដ្ឋសភា គឺជានយោបាយដ៏ល្អដើម្បីជួយដល់ស្រ្តី ដោយក្នុងនោះ ស្ត្រីមានផ្ទៃពោះ នៅពេលពិនិត្យសុខភាព នឹងទទួលបានប្រាក់ឧបត្ថម្ភ ៨ម៉ឺនរៀលក្នុង១លើក ហើយត្រូវពិនិត្យផ្ទៃពោះចំនួន៤លើក មុនពេលសម្រាល, ពេលឆ្លងទន្លេ កូន១ ទទួលបានថវិកាឧបត្ថម្ភចំនួន ៨០ម៉ឺន កូនភ្លោះ២ ទទួលបាន ១ លាន ២ សែន រៀល កូនភ្លោះ៣ ទទួលបាន ១ លាន ៦ សែន រៀល និងការឧបត្ថម្ភពីសម្ដេចតេជោ និងសម្ដេចកិត្តិព្រឹទ្ធបណ្ឌិត ចំនួន៥លានរៀល ថែមទៀត។

សូមចុច Link ដើម្បីទស្សនាព័ត៌មានពិស្ដារ៖ https://youtu.be/AeI24xacHzY

ថ្លែងនៅក្នុងពិធីអបអរសាទរ ខួបលើកទី១១៤ ទីវាអន្ដរជាតិ ៨មីនា ឆ្នាំ២០២៥ ក្រោមប្រធានបទ «សិទ្ធិ សមភាព និង ភាពអង់អាច ចំពោះស្ដ្រីនិងក្មេងស្រីគ្រប់រូប» និងពិធីបិទសន្និបាតប្រចាំឆ្នាំ២០២៤និងទិសដៅការងារបន្តឆ្នាំ២០២៥របស់ក្រសួងការបរទេសនិងសហប្រតិបត្តិការអន្តរជាតិ ដែលបានប្រារព នៅសណ្ឋាគារសុខាភ្នំពេញ ឯកឧត្តម ប្រាក់ សុខុន បានមានប្រសាសន៍ថា “ការលើកកម្ពស់សិទ្ធិស្ត្រីនិងសកម្មភាពការងាររបស់ស្ត្រីក្នុងវិស័យការបរទេស ដោយមានការគាំទ្ររបស់រាជរដ្ឋាភិបាល ដែលដឹកនាំរបស់សម្ដេចអគ្គមហាសេនាបតីតេជោហ៊ុនសែនអតីតនាយករដ្ឋមន្ត្រីកម្ពុជា បានសម្រេចនូវវឌ្ឍនភាពគួរជាទីមោទនៈ ក្នុងការលើកកម្ពស់សមភាពយេនឌ័រនិងភាពអង់អាចក្លាហានរបស់ស្ត្រីនិងក្មេងស្រី តាមរយៈការដាក់ចេញនិងអនុវត្តគោលនយោបាយ ផែនការ សកម្ម ភាព កម្មវិធីជាតិ តាមវិស័យនៅគ្រប់កម្រិត និងការដាក់ចេញនូវវិធានការជាវិជ្ជមាននានា”។

ឯកឧត្តមរដ្ឋមន្ត្រីបានបញ្ជាក់ថា នៅក្នុងរបៀបវារៈកិច្ចអភិវឌ្ឍន៍ជាតិ បានធ្វើឲ្យមានការរីកចម្រើនជាបន្តបន្ទាប់ ផ្នែកសុខភាព ការអប់រំ ឱកាសការងារនិងភាពជាអ្នកដឹកនាំរបស់ស្ត្រីនឹងគាំទ្រយ៉ាងពេញទំហឹងចំពោះប្រធានបទ “សិទ្ធិ សមភាព និងភាពអង់អាច ចំពោះស្ត្រី និងក្មេងស្រីគ្រប់រូប” ដែលជាការគូសបញ្ជាក់ភាពចាំបាច់ ក្នុងការបន្តសកម្មភាព ការចូលរួមចំណែកឲ្យបានកាន់តែច្រើនរបស់ស្ត្រីលើគ្រប់ទិដ្ឋភាព នៃដំណើរការកសាងសង្គមជាតិ ហើយកម្ពុជានិងកុមារីទាំង ឡាយត្រៀមខ្លួនបានល្អសម្រាប់អនាគតភ្លឺស្វាង។

នៅចំពោះមុខនេះ ត្រូវទទួលស្គាល់ថា ទាំងក្នុងប្រទេសកម្ពុជា និងនៅលើពិភពលោក ស្ត្រីជាដៃគូមិនអាចខ្វះបាន ក្នុងការពង្រឹងសហគមន៍និងវឌ្ឍនភាពសង្គម ជំរុញកំណើនសេដ្ឋកិច្ចនិងលើកកម្ពស់សុខមាលភាពសង្គម ដូចសុភាសិតមួយរបស់ខ្មែរបានពោលថា “សំណាបយោងដី ស្រីយោងប្រុស”។

រាជរដ្ឋាភិបាលអាណិតទី៧ នៃរដ្ឋសភា ក្រោមការដឹកនាំ របស់សម្ដេចបវរធិបតី ហ៊ុន ម៉ាណែត នាយករដ្ឋមន្ត្រី បានបន្តលើកកម្ពស់សមភាពយេនឌ័រ និងបង្កើនភាពអង់អាចរបស់ស្ត្រីនិងក្មេងស្រី នៅគ្រប់វិស័យ ជាអាទិភាពនៅក្នុងរបៀបវារៈគោលនយោ បាយនិងយុទ្ធសាស្ត្របញ្ចកោណដំណាក់កាលទី១ របស់រាជរដ្ឋាភិបាល តាម
រយៈការពង្រឹងប្រសិទ្ធភាពប្រជាពលរដ្ឋនៅក្នុងសង្គមដែលមានអរិយធម៌ខ្ពស់ ប្រកបដោយសីលធម៌ សមធម៌ និងបរិយាបន្ន ដែលស្ត្រីគឺជាស្នូលដ៏សំខាន់ និងជាធនធានដែលមិនអាចខ្វះបាន។

ឯកឧត្តមឧបនាយករដ្ឋមន្ត្រីបញ្ជាក់ទៀតថា រាជរដ្ឋាភិបាលកម្ពុជានឹងបន្តលើកកម្ពស់សមភាពយេនឌ័រ តាមរយៈការកំណត់ផែនការយុទ្ធសាស្ត្រ នារីរតនៈទី៦ ឆ្នាំ២០២៤-២០២៨ ដោយបានដាក់ចេញនូវអភិក្រមបរិវត្តកម្មយេនឌ័រ ក្នុងបំណងបង្កើនសមត្ថភាពដល់ស្ត្រីនិងក្មេងស្រីក្នុងវិស័យសេដ្ឋកិច្ច អប់រំ សុខាភិបាលនិងការដឹកនាំសាធារណៈ។ ការពង្រឹងភាពជាអ្នកដឹកនាំរបស់ស្ត្រីនិងក្មេងស្រីគឺជាកិច្ចការដែលត្រូវធ្វើជាចាំបាច់និងជាប្រចាំ ព្រោះថាតួនាទីនៅក្នុងការបង្កើតឡើងជាកម្លាំងចលករស្នូលយ៉ាងសំខាន់សម្រាប់ការអភិវឌ្ឍន៍សេដ្ឋកិច្ច ដើម្បីចូលរួមចំណែកដឹកនាំប្រទេសកម្ពុជាឲ្យឈានទៅរកចក្ខុវិស័យ ជាប្រទេសដែលមានចំណូលខ្ពស់ក្នុងឆ្នាំ២០៥០ ស្របតាមទិសស្លោក “ស្ត្រីជាមាតាពិភពលោក នឹងជួយស្ត្រី គឺជួយខ្លួនឯង”៕

សូមចុច Link ដើម្បីទស្សនាព័ត៌មានពិស្ដារ៖ https://youtu.be/9EDvupzU4Jc

ពិធីនេះធ្វើឡើងនៅព្រឹកថ្ងៃទី៧ ខែមីនា ឆ្នាំ ២០២៥ ដោយមានការអញ្ជើញចូលរួមពីនាយករង,នាយផ្នែកយោធាចារ្យ,នាយទាហាន,ពលទា ហាន នៃសាលាពលទាហានយោធភូមិភាគពិសេស ជាច្រើនរូបទៀត។

សូមចុច Link ដើម្បីទស្សនាព័ត៌មានពិស្ដារ៖ https://youtu.be/Xc6BI9gTzg8

កិច្ចសហប្រតិបត្តិការល្អរវាងក្រសួងព័ត៌មាន និងប្រពន្ធ័ផ្សព្វផ្សាយ CMG ប្រទេសចិន នៃមជ្ឈមណ្ឌលកម្មវិធីភាសាតំបន់អាស៊ីនិងអាហ្វ្រិក នៃអគ្គស្ថានីយវិទ្យុនិងទូរទស្សន៍មជ្ឈិមចិន នាពេលកន្លងមកនេះគឺបានអនុវត្តន៍ស្របតាមទំនាក់ទំនងពី“ មិត្តដែកថែប មកមិត្ត ត្បូងពេជ្រ “កម្ពុជា ចិន។

សូមចុច Link ដើម្បីទស្សនាព័ត៌មានពិស្ដារ៖ https://youtu.be/tk2B3DwI4ck

ឯកឧត្តម ហេង សួរ រដ្ឋមន្ត្រីក្រសួងការងារ និងបណ្តុះបណ្តាលវិជ្ជាជីវៈ បានគូសបញ្ជាក់ថា ធនធានមនុស្សដែលមានគុណភាពខ្ពស់ និងមានសុខភាពល្អ គឺជាទ្រព្យសម្បត្តិដ៏រឹងមាំសម្រាប់ប្រទេសជាតិក្នុងការបង្កើនតម្លៃសេដ្ឋកិច្ច និងធានាបាននូវកំណើនប្រកបដោយនិរន្តរភាពរយៈពេលវែង។

សូមចុច Link ដើម្បីទស្សនាព័ត៌មានពិស្ដារ៖ https://youtu.be/dmdhmnJNSDs

រសៀលថ្ងៃទី ៥ ខែមិនា ឆ្នាំ២០២៥ ក្នុងឱកាសចុះសាកសួរសុខទុក្ខកងទ័ពនៅតាមប៉ុស្តិ៍ប៉មជួរមុខនៃមាតុភូមិ នាឱកាសបុណ្យចូលឆ្នាំថ្មីប្រពៃណីជាតិខ្មែរ ឯកឧត្តម នាយឧត្តមសេនីយ៍ ទៀ សីហា ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិបានចុះពិនិត្យតំបន់ប្រវត្តិសាស្ត្រយោធាតេជោ ភ្នំ៣២ សំពៅលូន ស្ថិតនៅក្នុងភូមិកូនភ្នំខាងជើង ឃុំតាស្តា ស្រុកសំពៅលូន ខេត្តបាត់ដំបង ដែលមានចំងាយពីព្រំដែនថៃប្រមាណ ២០០ ម៉ែត្រ។

សូមចុច Link ដើម្បីទស្សនាព័ត៌មានពិស្ដារ៖ https://youtu.be/2Rsv7Vb74AE

ឯកឧត្តមសន្តិបណ្ឌិត នេត សាវឿន ឧបនាយករដ្ឋមន្ត្រី ស្នើឱ្យអាជ្ញាធររាជធានីភ្នំពេញនិងកងកម្លាំងទាំងអស់យកចិត្តទុកដាក់ឱ្យបានខ្ពស់បំផុតលើកិច្ចការពារសន្តិសុខ សុវត្ថិភាពជូនគណៈប្រតិភូក្រសួងការបរទេសថៃនិងប្រតិភូ កីឡាករថៃ ក្នុងព្រឹត្តិការណ៍កីឡាបាល់ទាត់មិត្តភាពកម្ពុជា-ថៃ ដែលនឹងធ្វើឡើងនាថ្ងៃទី០៨មិនាខាងមុខនេះ ដោយត្រូវការពារចាប់តាំងពីព្រលានយន្តហោះអន្តរជាតិភ្នំពេញរហូតដល់សណ្ឋាគារស្នាក់នៅនិងដល់ទីតាំងពហុកីឡដ្ឋានជាតិអូឡាំពិក។

សូមចុច Link ដើម្បីទស្សនាព័ត៌មានពិស្ដារ៖ https://youtu.be/oJKZYPvO1-s

សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជណាចក្រកម្ពុជា បានអនុញ្ញាតឱ្យ ឯកឧត្តម ខូវ ឆាយ ប្រធានសហព័ន្ធកីឡាប្រដាល់គុនខ្មែរ និងសហការីជាថ្នាក់ដឹកនាំសហព័ន្ធ ចូលជួបសម្តែងការគួរសម នៅវិមានសន្ដិភាព។

សូមចុច Link ដើម្បីទស្សនាព័ត៌មានពិស្ដារ៖ https://youtu.be/fAaiAe16kF0

ពិធីនេះក៏មានការចូលរួមពី លោក ណេបសារ៉ុន ប្រធានក្រុមប្រឹក្សាក្រុង លោកលឹមសៀងហេង អភិបាលក្រុង លោកលោកស្រីអភិបាលរងក្រុង កងកម្លាំងទាំង៣ លោកលោកស្រីសមាជិកក្រុមប្រឹក្សាក្រុង សង្កាត់ទាំង៥ និងអ្នកពាក់ព័ន្ធជាច្រើននាក់ផងដែរ។

សូមចុច Link ដើម្បីទស្សនាព័ត៌មានពិស្ដារ៖ https://youtu.be/qEvRnjJ5i8I

ស្នងការរង ទទួលផែនការងារគ្រប់គ្រងអាវុធជាតិផ្ទុះ និងអគ្គីភ័យ លោកឧត្តមសេនីយ៍ត្រី ស្វាយ វាសនា បានឱ្យដឹងថា ស្ថិតិ គ្រោះថ្នាក់ ដែលបណ្តាលមកពីអគ្គីភ័យឆ្នាំ២០២៤ ប្រៀបធៀបឆ្នាំ២០២៣ នៅទូទាំងខេត្ត មានចំនួន៤៣លើក ថយចុះ៥លើក។កត្តាមកពីឆ្លងចរន្តអគ្គិសនី៣០% ធ្វេសប្រហែស២៤% ភ្លើងឆេះព្រៃ៣៥% និងកត្តាផ្សេងៗទៀត៩%។ គោលដៅងាយរងគ្រោះ ដូចជាស្ថានីយ៍ កន្លែងស្តុបចែកចាយប្រេងឥន្ទនៈ ហ្គាស សិប្បកម្មកែឆ្នៃ ប្រជាពលរដ្ឋ និងអាជីវករមួយចំនួន នៅមានការធ្វេសប្រហែស។ ចំពោះកម្លាំងការិយាល័យ និងសម្ភារៈបម្រើការងារសង្គ្រោះ នៅមានកម្រិតដូចជាម៉ាសការពារផ្លូវដង្ហើម បំពុងអុកស៊ីហ្សែន និងមធ្យោបាយទំនាក់ទំនងជាដើម។

អភិបាលរងខេត្តពោធិ៍សាត់ លោក ពៅ ពិសិដ្ឋ ថ្លែងថា ទិវាជាតិបង្ការ និងពន្លត់អគ្គិភ័យ ដែលកំពុងប្រារព្ធធ្វើនាពេលនេះ គឺជាព្រឹត្តិការណ៍មួយដ៏មានសារៈសំខាន់បំផុត ដែលបង្ហាញជូនប្រជាពលរដ្ឋនៅទូទាំងខេត្ត បានឃើញកាន់តែច្បាស់ ពីការយកចិត្តទុកដាក់របស់រាជរដ្ឋាភិបាល បណ្តាស្ថាប័នពាក់ព័ន្ធ កងកម្លាំងនគរបាលបង្ការ និងពន្លត់អគ្គិភ័យ ក្នុងការបង្ការនូវមហន្តរាយ ដែលបង្កឡើងដោយអគ្គីភ័យ ការការពារ និងសង្គ្រោះអាយុជីវិត និងទ្រព្យសម្បត្តិរបស់ប្រជាពលរដ្ឋ ការគិតគូរអំពីសុខុមាលភាព សន្តិសុខសុវត្ថិភាព និងសណ្តាប់ធ្នាប់សាធារណៈ ជាពិសេសក្នុងការរួមចំណែកកាត់បន្ថយភាពក្រីក្ររបស់ប្រជាពល
រដ្ឋ។

លោកបន្តថា គ្រោះមហន្តរាយដែលបង្កឡើងដោយអគ្គិភ័យ មានឥទ្ធិពលខ្លាំងក្លាណាស់ ដល់ជីវភាពរស់នៅរបស់ប្រជាពលរដ្ឋ ព្រោះថាទ្រព្យសម្បត្តិ សម្ភារៈ មាសប្រាក់ និងផ្ទះសម្បែង។អាចនឹងត្រូវបំផ្លាញត្រឹមតែមួយប៉ព្រិចភ្នែកដោយ សារគ្រោះអគ្គីភ័យនេះ ប្រសិនបើយើងខ្វះការប្រុងប្រយ័ត្ន និងមិនមានវិធានការទប់ស្កាត់ឱ្យបានត្រឹមត្រូវ។ ទន្ទឹមនឹងនេះ ដើម្បីចូលរួមកាត់បន្ថយហានិភ័យ ដែលបង្កឡើងដោយគ្រោះអគ្គីភ័យ តាមរយៈយន្តការត្រៀមបង្ការ ផ្សព្វផ្សាយ ត្រៀមរៀបចំឆ្លើយតប និងសង្គ្រោះបន្ទាន់ បានទាន់ពេលវេលា ប្រកបដោយប្រសិទ្ធភាពខ្ពស់។ ទិវានេះនឹងក្លាយទៅជាកម្លាំងចលករដ៏មានសារៈសំខាន់ ក្នុងការចូលរួមបំផុសស្មារតី និងក្រើនរំលឹកដាស់តឿនដល់ប្រជាពលរដ្ឋ និងគ្រប់
ភាគីពាក់ព័ន្ធទាំងអស់ ឱ្យចូលរួមកាន់តែខ្លាំងក្លា និងសកម្មថែមទៀត ក្នុងការអភិវឌ្ឍប្រព័ន្ធសុវត្ថិភាពសង្គម និងការគ្រប់គ្រងគ្រោះមហន្តរាយ ដែលបង្កឡើងដោយអគ្គីភ័យនេះ។

លោកអភិបាលរងខេត្ត បានធ្វើការផ្ដាំផ្ញើដល់អង្គភាពពាក់ព័ន្ធ នូវកិច្ចការសំខាន់ ៗមួយចំនួន ដូចជា៖
ត្រូវរៀបចំផែនការសកម្មភាព ចុះផ្សព្វផ្សាយអប់រំប្រជាពលរដ្ឋ ពាក់ព័ន្ធវិធីសាស្រ្តបង្ការ និងពន្លត់អគ្គីភ័យ ។ត្រូវចាត់តាំងឱ្យមានកម្លាំងនគរបាលបង្ការ និងពន្លត់
អគ្គីភ័យប្រចាំការ ២៤ម៉ោង លើ២៤ម៉ោង ដើម្បីធានាដល់ការឆ្លើយតបទៅនឹងតម្រូវការបានទាន់ពេលវេលា។ ត្រូវផ្សព្វផ្សាយជាសាធារណៈ នូវលេខទូរស័ព្ទប្រចាំការ ដើម្បីសាធារណៈជនងាយស្រួលទំនាក់ទំនង នៅពេលមានករណីអគ្គីភ័យកើតឡើងជាយថាហេតុ។

ទន្ទឹមនេះ លោកអភិបាលរងក៏ស្នើដល់កម្លាំងជំនាញត្រូវបង្កើនការយកចិត្តទុក ដាក់ពិនិត្យ ដកពិសោធន៍ និងធ្វើការវាយតម្លៃ អំពីកត្តា និងមូលហេតុចម្បង ដែលបណ្ដាលឱ្យមានករណីអគ្គីភ័យកើតឡើងច្រើន ដើម្បីដាក់ចេញនូវវិធានការពារ និងបង្ការទប់ស្កាត់ឱ្យកាន់តែមានប្រសិទ្ធភាពខ្ពស់ថែមទៀត៕

សូមចុច Link ដើម្បីទស្សនាព័ត៌មានពិស្ដារ៖ https://youtu.be/R0Wr_ufhcu8

ក្នុងឱកាសចុះសាកសួរសុខទុក្ខកងទ័ព នាឱកាសបុណ្យចូលឆ្នាំថ្មីប្រពៃណីជាតិខ្មែរឯកឧត្តម នាយឧត្តមសេនីយ៍ ទៀ សីហា ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ នាថ្ងៃទី ៥ ខែមិនា ឆ្នាំ២០២៥ បានចុះពិនិត្យការដ្ឋានសាងសង់ស្តូបឈ្នះ ឈ្នះ ប៉ៃលិន ។

សូមចុច Link ដើម្បីទស្សនាព័ត៌មានពិស្ដារ៖ https://youtu.be/btPPOOo2Hds

ឯកឧត្តមរដ្ឋមន្ត្រី ហេងសួរ បានគូសបញ្ជាក់ពីគន្លឹះសំខាន់ៗនៃកំណែទម្រង់ក្នុងវិស័យអប់រំបណ្តុះបណ្តាលបច្ចេកទេស និងវិជ្ជាជីវៈ (TVET) ក្នុងអាណត្តិទី៧ នៃរាជរដ្ឋាភិបាលកម្ពុជា។ ពោលគឺដើម្បីបង្កើតកម្លាំងពលកម្មជំនាញ ដែលជាអាទិភាពរបស់កម្ពុជា ក្នុងការទាក់ទាញការវិនិយោគ និងជំរុញផលិតភាពនៃកម្លាំងពលកម្មដែលជាធនធានមានសមត្ថភាព និងផលិតភាពខ្ពស់ ឆ្លើយតបនឹងតម្រូវការទីផ្សារការងារនាពេលបច្ចុប្បន្ន និងអនាគត។

សូមចុច Link ដើម្បីទស្សនាព័ត៌មានពិស្ដារ៖ https://youtu.be/W3Tzq2V4rjA

ប្រាសាទជម ជាប្រាសាទមួយក្នុងក្រុមប្រាសាទព្រះពិធូរ មានទីតាំងស្ថិតនៅក្នុងក្រុងអង្គរធំ ដែលក្រុមអ្នកជំនាញរបស់អាជ្ញាធរជាតិអប្សរាសហការជាមួយទីភ្នាក់ងារបេតិកភណ្ឌកូរ៉េ ចំណាយ ពេលជាង១ឆ្នាំ៤ខែមកនេះ កំពុងមានភាពល្អប្រសើរឡើងវិញជាជំហានៗហើយ។

មុនពេលជួសជុល ប្រាសាទជម មានស្ថានភាពទ្រុឌទ្រោមខ្លាំង ដោយសារអាយុកាលនៃសំណង់ កត្តាធម្មជាតិ ដូចជាឬសឈើចាក់បំបែករចនាសម្ពន្ធរបស់ប្រាសាទរហូតទៅដល់គ្រឹះខាងក្រោម ធ្វើឱ្យទឹកភ្លៀងហូរចូល បណ្ដាលឱ្យដីគ្រឹះចុះខ្សោយនិងស្រុតចុះ។ ថ្មរបស់ប្រាសាទនេះ បានរលុះធ្លាក់បាក់បែកខូចខាតរូបរាងជាច្រើនកន្លែង ដូចជា ផ្តែរ សសរពេជ្រ ស៊ុមទ្វារផ្នែកខាងក្រៅបានធ្លាក់ចុះដល់ដី ហើយកន្លែងខ្លះទៀតបាត់ថ្ម ថ្មក្រៀកហែកចេញពីគ្នាជាដើម។

ចាប់តាំងតែពីខែវិច្ឆិកាឆ្នាំ២០២៣ គម្រោងអភិរក្ស និងថែរក្សារបស់អាជ្ញាធរជាតិអប្សរាសហការជាមួយទីភ្នាក់ងារបេតិកភណ្ឌកូរ៉េ បានជួយសង្គ្រោះប្រាសាទជម ដោយចាប់ផ្ដើមជួសជុលសសរខឿន សសរពេជ្រ សសរផ្អោម ស៊ុមទ្វារ ហោជាង ដំបូល និងផ្តែររបស់ប្រាសាទជមឡើងវិញ។

ស្ថាបត្យករនៃអាជ្ញាធរជាតិអប្សរាលោក ថៃ យ៉ាម៉ង់ ឱ្យដឹងថា ការជួសជុលជំហានដំបូង គឺក្រុមការងារបានចាប់ផ្ដើមប្រមូលឯកសារចាស់ៗពីសាលាបារាំងចុងបូព៌ា ពីអភិរក្សដ្ឋានអង្គរ និងអាជ្ញាធរជាតិអប្សរាដើម្បីទុកជាឯកសារសិក្សា។ បន្ទាប់មក ក៏ចាប់ផ្ដើមសិក្សាវាយតម្លៃការខូចខាត ព្រមទាំងធ្វើកំណាយស្រាវជ្រាវបែបបុរាណវិទ្យា ដើម្បីពិនិត្យមើលរចនាសម្ពន្ធរបស់ប្រាសាទ ព្រមទាំងបានរកថ្ម កំណត់ទីតាំងថ្ម ថតនិងចុះបញ្ជីថ្ម។ល។

កាលពីឆ្នាំ២០២៣ ក្រុមការងារបានចាប់ផ្ដើមផ្គុំថ្ម ដែលរកឃើញទាំងឡាយចូលទៅទីតាំងដើមឡើងវិញដោយគោរពទៅតាមធម្មនុញ្ញអង្គរផង។ លោក ថៃ យ៉ាម៉ង់ បញ្ជាក់ទៀតថា រហូតមកដល់ពេលនេះ ការងារជួសជុលប្រាសាទជម សម្រេចបានលទ្ធផលប្រមាណ៦០ភាគរយហើយ។ បច្ចុប្បន្ននេះប្រាសាទជម ដែលធ្លាប់តែបាក់បែកទ្រុឌទ្រោម បានបង្ហាញរូបរាង និងសម្រស់ឡើងវិញជាបណ្ដើរៗហើយ៕

សូមចុច Link ដើម្បីទស្សនាព័ត៌មានពិស្ដារ៖ https://youtu.be/TXqimhr9X8Y