នៅក្នុងពេលទទួលជួបជាមួយលោកស្រី Nellie GHUSAYNI ប្រធានបេសកកម្មអង្គការអន្តរជាតិទេសន្តរប្រវេសន៍ (IOM) ប្រចាំកម្ពុជា នារសៀលថ្ងៃទី៣ ខែមីនា ឆ្នាំ២០២៥ នៅទីស្តីការក្រសួងបរិស្ថាន ឯកឧត្តមបណ្ឌិត អ៊ាង សុផល្លែត រដ្ឋមន្រ្តីក្រសួងបរិស្ថាន បានមានប្រសាសន៍ថា ប្រជាសហគមន៍តំបន់ការពារធម្មជាតិ នឹងមិនចាកចេញពីស្រុកកំណើតនោះទេ  ប្រសិនជាពួកគេរស់នៅ មានប្រាក់ចំណូលប្រចាំថ្ងៃគ្រប់គ្រាន់។

សូមចុច Link ដើម្បីទស្សនាព័ត៌មានពិស្ដារ៖ https://youtu.be/jJNY_NvVg00

ច្បាប់ស្តីពីការប្រឆាំងការមិនទទួលស្គាល់ឧក្រិដ្ឋកម្មដែលប្រព្រឹត្តឡើងក្នុងរយៈកាលនៃកម្ពុជាប្រជាធិបតេយ្យដែលរដ្ឋសភាបានអនុម័តកាលពីថ្ងៃទី១៨ ខែកុម្ភៈ ឆ្នាំ២០២៥ និងចុះព្រះហស្ថលេខាដោយព្រះមហាក្សត្រកម្ពុជានៅថ្ងៃទី១ ខែមីនា ឆ្នាំ២០២៥ បានដាក់ឱ្យប្រើប្រាស់ជាផ្លូវការហើយ។ នៅក្នុងច្បាប់ស្តីពីការប្រឆាំងការមិនទទួលស្គាល់ឧក្រិដ្ឋកម្មដែលប្រព្រឹត្តឡើងក្នុងរយៈកាលនៃកម្ពុជាប្រជាធិបតេយ្យមានចំនួន៧ មាត្រា ។

សូមចុច Link ដើម្បីទស្សនាព័ត៌មានពិស្ដារ៖ https://youtu.be/lSH1V3lYukw

សម្ដេចសភាធិការធិបតី ឃួន សុដារី ប្រធានរដ្ឋសភាកម្ពុជា បានបញ្ជាក់ថា សន្តិភាពជាកត្តាចម្បងក្នុងការកំណត់ពីសិទ្ធិនិងតួនាទីរបស់ស្រ្តី មានសន្តិភាពទើបសិទ្ធិនិងតួនាទីរបស់ស្រ្តីនៅក្នុងសង្គមត្រូវបានលើក កម្ពស់និងការពារ។

សូមចុច Link ដើម្បីទស្សនាព័ត៌មានពិស្ដារ៖ https://youtu.be/XNu-Bcaq_pA

ហេតុការបាញ់សត្វគោក្របីរបស់ពលរដ្ឋនៅក្នុងស្រុកអូរគ្រៀងសែនជ័យ ខេត្តក្រចេះ ពីសំណាក់ក្រុមជនជាតិចិន ធ្វើការនៅក្រុមហ៊ុនខេមបូឌាន បាណាណា ហៅកាត់ថា ស៊ីប៊ីអេស បានកើតឡើងកាលពីរសៀលថ្ងៃទី១ខែមិនាឆ្នាំ២០២៥នេះ។ ក្នុងហេតុការបាញ់ប្រហារសត្វគោក្របីរបស់ពលរដ្ឋបានបណ្តាលឱ្យសត្វគោមួយក្បាលងាប់នៅហ្នឹងកន្លែង របួសសត្វគោ២ក្បាល និងបាត់ក្របីបីក្បាល។ហើយរហូតមកដល់ថ្ងៃនេះ ក្រុមជនដៃដល់ដែលពលរដ្ឋស្គាល់ថា ជាជនជាតិចិន ធ្វើការនៅក្នុងក្រុមហ៊ុនចំការចេក មិនត្រូវបានឃាត់ខ្លួនពីសំណាក់កម្លាំងសមត្ថកិច្ចនៅឡើយទេ។ដោយសមត្ថកិច្ចខេត្តក្រចេះ អះអាងថា កំពុងស៊ើបអង្កេត។

ក្នុងសកម្មភាពបាញ់ប្រហារសត្វគោក្របីរបស់ពលរដ្ឋនេះ ជនជាតិចិនមួយក្រុមនេះបានជិះរថយន្តស៊េរីទំនើបមួយគ្រឿង គៀងគោក្របី របស់ពួកគាត់ ឱ្យចូលចំការ របស់ក្រុមហ៊ុន និងបានប្រើប្រាស់កាំភ្លើងបាញ់មកលើសត្វគោរបស់ពួកគាត់តែម្តង។បណ្ដាលឱ្យងាប់និងរបួសជាច្រើនក្បាលក្រោយបាញ់ប្រហាររួច,ពួកគេបានប្រើឱ្យសន្តិសុខ លើកសត្វគោដាក់ត្រាក់ទ័រដឹកចូលក្រុមហ៊ុនដើម្បីវះយកសាច់។

ករណីបាញ់ប្រហារសត្វគោក្របី ពីសំណាក់ក្រុមជនជាតិចិនមួយក្រុម ធ្វើការនៅក្នុងក្រុមហ៊ុនខេមបូឌាន បាណាណា ហៅតាត់ថា ស៊ីប៊ីអេស ត្រូវបានពលរដ្ឋដែលជាម្ចាស់គោកក្របីអះអាងថា ករណីនេះមិនមែនទើបនឹងកើតឡើងនោះទេ កន្លងមកមានសត្វគោក្របីរបស់ពួកគាត់ងាប់នៅក្នុងព្រៃជាបន្តបន្ទាប់ ដោយមានស្នាមត្រូវគ្រាប់កាំភ្លើង។

ជនរងគ្រោះដែលជាម្ចាស់សត្វគោក្របី រស់នៅស្រុកអូរគ្រៀងសែនជ័យ ខេត្តក្រចេះ បាននិយាយថា តើក្រុមជនជាតិចិនទាំងនោះ បានកាំភ្លើងមកពីណាដើម្បី ធ្វើសកម្មភាព បាញ់សត្វពាហនៈរបស់ពួកគាត់។ហើយពលរដ្ឋទាំងនោះស្នើឱ្យកម្លាំងជំនាញនៃស្នងការនគរបាលខេត្តក្រចេះ ត្រូវបើកការស៊ើបអង្កេត និងចាប់ជនដៃដល់យមមកផ្ដន្ទាទោសតាមច្បាប់។
ពាក់ព័ន្ធនឹងករណីនេះ អ្នកនាំពាក្យនៃស្នងការដ្ឋាននគរបាលខេត្តក្រចេះ បានឲ្យដឹងថា កម្លាំងសមត្ថកិច្ចជំនាញកំពុងធ្វើការស្រាវជ្រាវ ស៊ើបអង្កេតលើករណីនេះដែរ៕

សូមចុច Link ដើម្បីទស្សនាព័ត៌មានពិស្ដារ៖ https://youtu.be/imm42vHmxLc

ស្នងការរងផែនការងារសណ្តាប់ធ្នាប់លោកឧត្តមសេនីយ៍ត្រី ង៉ាន់ ចិន្តា បានដឹកនាំកម្លាំងការិយាល័យនគរបាលចរាចរណ៍ផ្លូវគោក សហការជាមួយកម្លាំងការិយា ល័យនគរបាលប្រឆាំងគ្រឿងញៀន នៅរសៀលថ្ងៃទី០២ ខែមីនា ឆ្នាំ២០២៥ បើកប្រតិបត្តិការត្រួតពិនិត្យតេស្តរកសារធាតុញៀន តាមរយៈទឹកនោម ចំពោះអ្នកបើកបររថយន្តធុនធំ លើកំណាត់ផ្លូវជាតិលេខ៥ ភូមិព្រែកល្ពៅ ឃុំឬស្សីក្រោក ស្រុកមង្គលបូរី ខេត្តបន្ទាយមានជ័យ ។

សូមចុច Link ដើម្បីទស្សនាព័ត៌មានពិស្ដារ៖ https://youtu.be/kGRk5LFt7MQ

អនុវត្តទៅតាមការចង្អុលបង្ហាញរបស់ ឯកឧត្ដមឃួង ស្រេង អភិបាលនៃគណៈអភិបាលរាជធានីភ្នំពេញ ផ្លូវថ្មើជើង Walk Street ពីមួយសប្តាហ៍ទៅមួយសប្តាហ៍ ត្រូវបានរដ្ឋបាលរាជធានីភ្នំពេញរៀបចំបន្ថែមជាបន្តបន្ទាប់ទាំងការតាំងលក់ វត្ថុអនុស្សាវរីយ៍ ការសម្តែងតន្ត្រីបុរាណ, មហោរី និងរបាំប្រពៃណី,រៀបចំបណ្ណាល័យចល័ត , មានដាក់ស៊ីក្លូរត់ទៅមកម្ដង៥គ្រឿងទៅ៥មក៥គ្រឿងជួយអភរក្សស៊ីក្លូផងជួយសម្រួលដល់ចាស់ៗពិបាកដើរផងនិងជនពិការ ,ជាមួយនឹងការកែសម្រួលតម្រាយខ្សែរត់ខ្សែទី១C  និងបន្ថែមម៉ោងប្រតិបត្តិការសេវាដឹកជញ្ជូនសាធារណៈរថយន្តក្រុង ជាដើម។

សូមចុច Link ដើម្បីទស្សនាព័ត៌មានពិស្ដារ៖ https://youtu.be/4oM_HLtqQ3o

កូនដើមកោងកាងប្រមាណជា៥ពាន់ដើម ត្រូវបានដាំលើផ្ទៃដីចំនួន៣ហិកតា នៅក្នុងពិធី«បុណ្យកោងកាងសន្តិភាព» ដើម្បីជាផ្នែកមួយការពារឆ្នេរ ការពារពីគ្រោះធម្មជាតិ ផ្តល់ជម្រកដល់ជីវៈចម្រុះ ក្នុងតំបន់ឆ្នេររបស់ប្រទេសកម្ពុជា។

សូមចុច Link ដើម្បីទស្សនាព័ត៌មានពិស្ដារ៖ https://youtu.be/VyH9czXiB48

គណៈកម្មាធិការប្រឡងថ្នាក់ជាតិ បានរៀបចំការ ប្រឡងថ្នាក់ជាតិចូលរៀនថ្នាក់ឆ្នាំសិក្សាមូលដ្ឋាន កម្រិតបរិញ្ញាបត្រ នៅតាមគ្រឹះស្ថានបណ្តុះបណ្តាលក្នុងវិស័យសុខាភិបាល សម្រាប់ឆ្នាំសិក្សា២០២៤-២០២៥ កាលពីចុងសប្តាហ៏កន្លងទៅ។

សូមចុច Link ដើម្បីទស្សនាព័ត៌មានពិស្ដារ៖ https://youtu.be/h81B069c2Nw

ប្រមុខការទូតកម្ពុជា ថ្លែងថា តំបន់អាស៊ី-ប៉ាស៊ីហ្វិកនៅតែជាមជ្ឈមណ្ឌលនៃការដណ្ដើមឧត្តមភាព ឥទ្ធិពល និងជាទីតាំងតានតឹងរបស់ប្រទេសមហាអំណាចដើម្បីដណ្តើមទាំងសេដ្ឋកិច្ច និងយុទ្ធសាស្រ្តនយោបាយ។

សូមចុច Link ដើម្បីទស្សនាព័ត៌មានពិស្ដារ៖ https://youtu.be/vjbPbnVpgOU

ក្រសួងធនធានទឹក និងឧតុនិយម បញ្ជាក់ថា នឹងមានភ្លៀងកក់ខែ ចាប់ពីថ្ងៃទី៦ ដល់ថ្ងៃទី១០ ខែមីនា ឆ្នាំ២០២៥។

សូមចុច Link ដើម្បីទស្សនាព័ត៌មានពិស្ដារ៖ https://youtu.be/KXWfK6EwQD8

ក្រុមគ្រូពេទ្យស្ម័គ្រចិត្ត ចុះមូលដ្ឋានស្រុកភ្នំក្រវាញ ដឹកនាំដោយលោក យឹម វិសិដ្ឋ ប្រធានអាជ្ញាធរអគ្គិសនីកម្ពុជា និងជាប្រធានក្រុមការងាររាជរដ្ឋាភិបាល ចុះមូលដ្ឋានស្រុកភ្នំក្រវាញ និងលោកស្រី ប៉ែន ភក្តី យឹម វិសិដ្ឋ នៅថ្ងៃទី០១ ខែមីនា ឆ្នាំ២០២៥នេះ បានបន្តបេសកកម្មចុះពិនិត្យ និងព្យា បាលជំងឺបឋម ដោយឥតគិតថ្លៃ ជូនប្រជាពលរដ្ឋ មកពី៤ភូមិ រួមមាន៖ ភូមិចាន់សេរី ភូមិស្រែជង ភូមិក្របៅជ្រុំ និងភូមិកំពង់ខ្ទុម ក្នុងឃុំបាក់ចិញ្ចៀន បានចំនួន១៨៥នាក់។

សូមចុច Link ដើម្បីទស្សនាព័ត៌មានពិស្ដារ៖ https://youtu.be/Iq1nLJ8rxmM

កូនផ្សោតទើបកើតថ្មីមួយក្បាល ត្រូវបានក្រុមការងារស្រាវជ្រាវនៃរដ្ឋបាល ជលផលនិងអង្គការ WWF-កម្ពុជា បានប្រទះឃើញនៅក្នុងអន្លង់ផ្សោតកាំពី ជ្រោយបន្ទាយ ក្នុងខេត្តក្រចេះ ខណៈកូនផ្សោតកើតថ្មីមួយក្បាលនេះ កំពុងហែលលេងទឹកជាមួយផ្សោតពេញវ័យ ជាច្រើនក្បាលទៀត។

កូនផ្សោតនេះត្រូវបានប្រទះឃើញដោយក្រុមការងារស្រាវជ្រាវនៃរដ្ឋបាល ជលផលនិងអង្គការ WWF-កម្ពុជា កាលពីចុង ខែកុម្ភៈ ឆ្នាំ២០២៥ នៅចន្លោះអន្លង់កាំពី-ជ្រោយបន្ទាយ ភូមិសំបុក ឃុំសំបុក ស្រុកចិត្របុរី ខេត្តក្រចេះ។
កូនផ្សោតនេះ មានអាយុប្រមាណ២ថ្ងៃ និងជាកូនផ្សោតទី៤ហើយ ដែលបានកើតនៅដើមឆ្នាំ២០២៥នេះ។

កូនផ្សោតនេះស្ថិតនៅក្នុងក្រុមសត្វផ្សោតពេញវ័យចំនួន៧ក្បាល ផ្សេងទៀត ដែលកំពុងហែលលេងទឹក ជាមួយគ្នា។

សូមចុច Link ដើម្បីទស្សនាព័ត៌មានពិស្ដារ៖ https://youtu.be/rj2Ry0eteoM

មន្ទីរកសិកម្ម រុក្ខាប្រមាញ់ និងនេសាទខេត្តព្រះវិហារ បានបើកកិច្ចប្រជុំតម្រង់ទិសពង្រឹងសមត្ថភាព និងលើកកម្ពស់ប្រសិទ្ធភាពការងាររបស់មន្ដ្រី បច្ចេកទេសកសិកម្មឃុំ ពិសេសមន្ដ្រីកសិកម្មដែលទើបតែត្រូវបានតែងតាំងថ្មី ឱ្យចុះមកបំពេញ ការងារនៅតាមបណ្ដាឃុំនានា ក្នុងភូមិសាស្ដ្រខេត្ត ក្រោមអធិបតីភាព រដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ ឯកឧត្តម យ៉ង់ សាំងកុមារ និងអភិបាលរងខេត្ត ព្រះវិហារ លោក មិន ស៊ីថា ។

សូមចុច Link ដើម្បីទស្សនាព័ត៌មានពិស្ដារ៖ https://youtu.be/fq4kUwHSETg